நோய்கள் நீக்கும் தன்வந்திரி மந்திரம்

நோயற்ற வாழ்வே  குறைவற்ற செல்வம்  என்பார்கள். மனிதன் ஆயுளோடு வாழ்வது முக்கியமல்ல, நல்ல ஆரோக்கியமாக வாழ வேண்டும். 

அந்த ஆரோக்கியத்திற்கு உணவு, சுற்றுசூழல், பழக்க வழக்கங்கள் மட்டும் காரணம் அல்ல, தன்வந்திரிபகவானின் பரிபூரண அருளும் வேண்டும்.

யாரிந்த தன்வந்திரி பகவான்?

சரி.... உங்களுக்கு தெரிந்த கதையை இப்போது சொல்கிறேன். தேவர்களுக்கும் அசுரர்களுக்கும் ஓயாத பகை. அமைதியாக வாழ நினைக்கும் தேவர்களை அரக்கர்கள் துன்புறுத்தினார்கள்.

அப்படியானால் அரக்கர்களின் நோக்கம்தான்  என்ன?

தேவலோகத்தை கைப்பற்றுவது. சகல வசதிகளோடு வாழ்வது. அதற்காகவே தேவலோகத்தின் மீது படையெடுப்பார்கள். சர்வவல்லமை பெற்ற தேவர்களும், தேவேந்திரனும் போரிட்டு பார்ப்பார்கள். பல சமயம் அதில் தோல்வியே மிஞ்சி இருக்கிறது.

காரணம்?

தேவேந்திரனை விட அரக்கர்கள் பலசாலியாக இருப்பதால். அதோடு அரக்கர்கள் வரம் வேறு பெற்றிருப்பார்கள். வரத்தின் பலனால் பலசாலியாக மாறியதுதான் அதிகம்.

இந்த நீண்ட பகைக்கு முடிவுகட்டியாக வேண்டும் என்று தேவலோகத்தில் கூடிய தேவர்கள் சபையில் முடிவு செய்தார்கள். அந்த முடிவை மூவர்களும் முழு மனதோடு ஒத்து கொண்டார்கள்.

யாரிந்த மூவர்கள்?

சிவன், விஷ்ணு, பிரம்மா...!

தேவர்கள் நலன் பாதுகாக்க பட வேண்டுமானால் அமிழ்தத்தை உண்பதுதான் சிறப்பு. ஆனால் அதற்கு திருப்பாற்கடலை கடைய வேண்டும்.

அதற்கு தேவசக்தி மட்டும் போதாது... அசுரசக்தியும் ஒன்றிணைந்தால் தான் முடியும் என்பது மூவர்களின் கருத்து.

மூவர்களின் கருத்தை ஏற்றுக்கொண்ட அசுரர்களிடம் பேசி, பாற்கடலை கடைவதாகவும், அதிலிருந்து தோன்றும் அமிர்தத்தை சமமாக பிரித்துக்கொள்லாம் என்றும் சொல்லப்பட்டது. அசுரர்களும் ஒத்து கொண்டார்கள்.

அதன்படி பாற்கடலை கடையும்போதுதான் தேவகன்னிகள் என்று சொல்லப்படும் அப்ச்சரசுகள், கேட்டதையெல்லாம் கொடுக்கும் கர்ப்பக விரிச்ச மரம், காமதேனு பசு, விலைமதிப்பில்லாத கெளசிகமணி, வெள்ளையானை, வெள்ளைக்குதிரை  போன்றவை பாற்கடலில் இருந்து தோன்றியது.

பின்னர் சந்திரபகவான் தோன்றினார், அதன்பின்னர் பெரியக்கா என்று சொல்லப்படும் முதேவியும், ஸ்ரீதேவி என்று சொல்லப்படும் மகலக்ஷ்மியும், இறுதியில் அமிர்தகலசத்துடன் தன்வந்திரி பகவானும் தோன்றினார்கள்.

நோயில்லா பெருவாழ்வு தரும் அமிர்தத்தை கையில் ஏந்தியவாறு வந்ததால் அவருக்கு வைத்திய கடவுள் என்ற பெயரும்  உண்டு.

சஞ்சலங்கள் தீர்க்க சஞ்சீவி வழிபாடு

வினைகள் தீர்க்க விநாயகர் வழிபாடு

அறிவோடு ஆற்றலைபெற தட்சுனமூர்த்தி வழிபாடு

ஞானம் பெற லக்ஷிமி ஹயக்ரீவர் வழிபாடு

வாக்குவன்மை பெற ,kalviyil முதன்மாயில் பெற சரஸ்வதி வழிபாடு

செல்வதை பெற சொர்ண ஆக்ரஷ்ண பைரவர் வழிபாடு

குடும்பமேன்மை, சந்தோசத்தை பெற மஹாலக்ஷிமி வழிபாடு

அன்ன துவேஷம் விலக அன்னபூரணி வழிபாடு

காலமெல்லாம் காக காயத்ரி வழிபாடு......என்பார்கள். நோய்கள் குணமாக தன்வந்திரி  மந்திரம் செபித்தால் நோய்கள் நீங்கி பூரண குணம் அடையலாம். அவருக்கு உரிய மூல மந்திரம் இது. இந்த மந்திரத்தை தினம்தோறும் செபித்தால் ஆரோக்கியம் மேம்படும்.

நோய்கள் எல்லாம் நீக்கும் தன்வந்திரி பகவானின் மூல மந்திரம்:

ஓம் நமோ பகவதே வாஸுதேவாய! 
தன்வந்தரயே! அம்ருத கலச ஹஸ்தாய !
ஸர்வ ஆமய விநாசநாய த்ரைலோக்ய நாதாய்
 ஸ்ரீமகாவிஷ்ணவே நம !

தன்வந்திரி பகவான் அஸ்டோத்திரம், மூல மந்திரம் ஆடியோ கேட்க இந்த இணைப்பை கிளிக் செய்யவும்.