அஷ்டதிக் பாலகர்கள்

அஷ்டம் என்றால் எட்டு. அஷ்டதிக் பாலகர்கள் என்றால் எட்டு திசைகளை  காப்பவர்கள் என்று பொருள்.

பூமியில் மானிடர்கள் செய்யும் நல்ல காரியங்களையும், தீய காரியங்களையும் சூரியனும், சந்திரனும், அஷ்டதிக் பாலகர்களும் கண்காணித்து கொண்டுதான் இருக்கிறார்கள் என்கிறது வேதங்கள்.

சரி அந்த அச்டதிக்பாலகர்கள் யார்?

 இந்திரன், அக்னி, யமன், நிருதி, வருணன், வாயு, குபேரன், ஈசானன்.  முதலில் இந்திரன்.

கிழக்கை ஆள்பவர்.வெள்ளையானை தான் வாகனம். வஜ்ச்ரம் ஆயுதம். அஷ்டதிக் பாலகர்களின் தலைவர். இவரை வணங்குவதால் சகல ஐஸ்வரியத்தையும் சுகத்தையும்  பெறலாம்.

அக்னி 

தென்கிழக்கில் இருப்பவர். ஆடுதான் வாகனம். சக்தி என்ற ஆயுதம் . இவரை வணங்குவதால் தேகபலம், மனஅமைதி, குடும்ப மேன்மை கிடைக்கும்.

யமன்

தெற்கில் இருப்பவர். எர்மை வாகனம். தண்ட ஆயுதம். இவரை துதிப்பதால் தீவினை பயனை அகற்றி நல்வினை பயனை பெற்று விளங்கலாம். இவர் தர்மதேவனின் மறு வடிவம்.

நிருதி 

தென்மேற்கில் இருப்பவர். பிரேத வாகனம். கிருபானம் என்பதுதான் ஆயுதம். இவரை வணங்குவதால் எதிரிகள் பயம் விலகும்.

வருணன். 

மேற்கில் இருப்பவர்.  முதலைதான் வாகனம். பாசம் என்பது இவர் ஆயுதம். மழைக்கு அதிபதி. மழயை பொழிய செய்து பயிர்களை வளரசெய்து மக்கள் உயிர்வாழ காரணமாக இருப்பவர்.

வாயு 

வடமேற்கில் இருப்பவர். மானை வாகனமாக கொண்டவர். இத்வஜம் என்பது இவர் ஆயுதம். இவரை வணங்குவாதால்  நீண்ட ஆயுள் பலத்தை பெறலாம்.

குபேரன் 

வடக்கில் இருப்பவர். மதுஷனை வாகனமாக கொண்டவர். கதை என்பது இவர் ஆயுதம். இவரை துதிப்பதால் சகல சம்பத்தையும் அளிப்பவர்.

ஈசானன் 

வடகிழக்கில் இருப்பவர். எருது வாகனம். சூலம் ஆயுதம். இவர் மங்கள வடிவினர். இவர் அறிவுக்கு காரணமானவர். ஞானத்தை தருபவர்.