Follow by Email

Wednesday, 20 February 2013

5 நிமிடத்தில் 50 மில்லியன் வைரம் கொள்ளை- விறுவிறு ரிப்போர்ட்



ஹாலியுட் சினிமாவையே மிஞ்சும் வகையில் ஒரு கொள்ளை சம்பவம் நடந்து முடிந்திருக்கிறது.  கொள்ளை என்ன பூட்டை உடைத்து நள்ளிரவில் நடந்த சம்பவமா?

இல்லை. 

பெல்ஜியம் நாட்டு தலைநகர் பிரெசல்ஸ் சர்வதேச விமான நிலையத்தில்!  50 மில்லியன் டாலர் வைரத்தை வெறும் 5 நிமிடத்தில்கொள்ளை அடித்துவிட்டு  8 முகமூடிக் கொள்ளையர்  மாயமாகியுள்ளனர்.


விமானத்துக்குள் பயணிகள்  ஏறிக்கொண்டிருந்த நேரத்தில், கெடுபிடியான  பாதுகாப்பு அரண்களை தாண்டி,   விமானத்தின் சரக்குகள் ஏற்றும் தளத்தில் இருந்த வைர பார்சல்களை வாரி சுருட்டிக் கொண்டு தப்பிச் சென்றிருக்கிறார்கள்  கொள்ளையர்கள். 

என்ன துணிச்சல்?

இது நடந்து இரண்டு நாட்கள் ஆகிவிட்டது. நேற்று மாலைதான் அதிகாரபூர்வமாக அறிவிக்கப்பட்டது. 

நடந்தது என்ன?


பிரெசல்ஸ் விமான நிலையம் வழக்கம் போல் பரபரப்பாக இருந்தது. பயணிகள் வந்து கொண்டும், போய் கொண்டும் இருந்தார்கள். அப்போது உள்ளூர் நேரம் இரவு மணி 8.00.


பெல்ஜியத்தில் இருந்து இரவில் சுவிட்சலாந்து செல்லும் விமானம் ஓடுதளத்தில்புறப்பட  தயாராக நின்றது .   

விமானத்தில் பயணம் செய்யும் பயணிகள் வழக்கமான கஷ்டமஸ் செக்கின் செய்து முடிந்து, பறக்கப் போகும் இனிய அனுபவத்தை மனதில் சுமந்தபடி  ஒவ்வொருவராக விமானத்தில் ஏறிக்கொண்டிருந்தார்கள்.  . 

அந்த விமானம்  பயணிகளுடன் மட்டும் பறக்கப் போவதில்லை. கூடவே 50 மில்லியன் டாலர் வைரத்தையும் சுமந்து கொண்டே பறக்கப் போகிறது என்று மோப்பம் பிடித்து விட்டார்கள் கொளையர்கள். 

வெளியே இருக்கும் பாதுகாப்புகளுக்கு அடுத்து, உள் அடுக்கு பாதுகாப்பு   அதிகாரிகள் சொற்ப எண்ணிக்கையில் இருந்த அந்த நேரத்தில், சுவிட்சலாந்துக்கு பயணம் செய்யவிருந்த  அனைத்துப் பயணிகளும் விமானத்துக்குள் ஏறிவிட்டனர். 

பயணிகளின் உடைமைகளும், வேறு கார்கோ பார்சல்களும் ஏற்றி முடிந்த பின்னரும் விமானம் நின்று கொண்டிருந்தது. 

காரணம்...வைர பார்சலுக்காக வெய்டிங். 

பயணிகள் அனைவரும் ஏறிவிட்டார்கள்.  சாதாரணமான லகேஷ்கள் ஏற்றப்பட்டு விட்டன என்ற தகவல் பிரிங்க்ஸ் பாதுகாப்பு நிலையத்திற்கு சொல்லப்படுகிறது. 

உடன் வைரங்கள் ஏற்றிய வேன் துப்பாக்கி ஏந்திய பாதுகாப்பு அதிகாரிகள் உடன் விமானத்தின் அருகே வந்து நிற்கிறது. 


வேனில் இருந்த  வைரங்கள் அடங்கிய பார்சல்கள் விமானத்தில் ஏற்றப் பட்டும் விட்டன.  கார்கோ கதவுகளை மூடவேண்டியது தான் பாக்கி. 

அப்போது மூன்று கார்கள் ஹரி படத்தில் வந்து ஹிரிச்சிட்டு நிற்பது போல் வந்து நிற்கிறது. அதில் காவல்துறை சீருடையுடன் 8 பேர் கிழே குதித்தார்கள். முகத்தில் மட்டும் முகமூடி, கையில்  மிஷின் கன்.

பாதுகாப்பு அதிகாரிகள் என்ன நடக்கிறது என்று யோசிப்பதற்குள், பாதுகாப்பு அதிகாரிகளை நோக்கி, கொள்ளையர்கள் துப்பாக்கி குறி பார்த்து.

இம்... கையில் இருக்கும் துப்பாக்கியை கிழே போடுங்கள், இல்லாவிட்டால்!  என்ற எச்சரிக்கை வார்த்தை வந்ததும், பாதுகாப்பு அதிகாரிகள் உயிர் பயத்தில் துப்பாக்கியை கிழே போட்டார்கள்.

விமானத்திற்குள் ஏற்றப்பட்ட வைர பார்சல்கள் கொள்ளையர் காருக்கு மாறியது. அவ்வவளவுதான்... கண்ணிமைக்கும் நேரத்தில் கார் விமான நிலையத்தை  விட்டு மாயமாய் மறைந்து போனது.

எல்லாம் ஐந்தே நிமிடத்தில் முடிந்து விட்டது.

No comments:

Post a Comment