Follow by Email

Wednesday, 30 April 2014

புலிகளின் இன்னொரு முகம் -29

நான் 1991 டிசம்பர் 26ம் திகதி புலிகளின் புலனாய்வுப் பிரிவினரால் கடத்தப்பட்டு சுமார் இரண்டு வாரங்கள் வரைதான் கழிந்துள்ள போதும், இதுவரை அவர்களின் மூன்று பாரிய தாக்குதலுக்கும் சிலசில சிறிய தாக்குதலுக்கம் உள்ளாகிவிட்டேன். இப்பொழுது செல்வியுடனான தொடர்களை அறியும் பொருட்டு தாக்குதலுக்குள்ளாகியுள்ளேன். இன்னும் இப்படி எத்தனை எத்தனையோ?

காந்தி என்ன விடயத்தை மனதில் வைத்துக்கொண்டு செல்விக்கும் எனக்குமிடையிலான தொடர்பு பற்றிக் கேட்கிறான் என எனக்கு விளங்கவில்லை. 

செல்வியும் நானும் ஒரே அரசியல் அணியைச் சேர்ந்தவர்களில்லை. ஆனால் அரசியல் ரீதியாகவும் தனிப்பட்ட முறையிலும் நேச உறவு இருந்தது. (அப்பொழுது புளொட் இயக்கத்தின் தளப் பொறுப்பாளராகவும், செல்வியின் காதலராகவும் இருந்த, தற்பொழுது பிரான்சில் வாழ்ந்து வரும் அசோக்குடனும் - யோகன் கண்ணமுத்து - கூட எனக்கு நல்ல நட்பு இருந்தது)

செல்வி புளொட் இயக்கத்தின் மகளிர் பிரிவில் தீவிரமாகவும் அர்ப்பணிபு;புடனும் வேலை செய்த யாழ். பல்கலைக்கழக மாணவி. அவருடன் கலா என்றொரு இன்னொரு மாணவியும் இணைந்து வேலை செய்தார். (அவர் இப்பொழுது அவுஸ்திரேலியாவில் இருக்கிறார் என நினைக்கிறேன்) 

அதேபோல ஈ.பி.ஆர்.எல்.எப் மகளிர் அணியில் அஞ்சலி, அம்பிகா என்ற மாணவிகள் முக்கிய பொறுப்பில் இருந்தனர். (பின்னர் அஞ்சலியும் அம்பிகாவும் முறையே அதே இயக்கத்தில் முக்கிய பொறுப்புகளிலிருந்த ஜேம்ஸ், இளங்கோ ஆகியோரைத் திருமணம் செய்து கொண்டனர்) 

புலிகளின் மகளிர் அணியிலும் சில பல்கலைக்கழக மாணவிகள் இருந்தனர். இவர்கள் எல்லோருமே பல்கலைக்கழகத்துக்கு முன்னாலுள்ள எனது கடைக்கு வந்து என்னுடன் அந்நியோன்யமாக உரையாடிச் செல்வது வழமை. அதற்கு அப்பால் அவர்களுடன் எனக்குப் விசேடமான அரசியல் தொடர்புகள் எதுவும் இருக்கவில்லை.

செல்வியைப் பொறுத்தவரை, நான் அவதானித்த வரையில் தனது மக்களுக்காக உண்மையான அர்ப்பணிப்புடன் ஏதாவது செய்ய வேண்டும் என்ற நேர்மையான எண்ணத்துடன் செயல்பட்டவர். 

வவுனியா மாவட்டம் சேமமடு குடியேற்றக் கிராமத்தின் ஒரு சாதாரண விவசாயக் குடும்பத்தைச் சோந்த ஒருவர் என்ற காரணத்தால், பொதுவாகக் கிராமிய மக்களிடம் காணப்படும் நேர்மையான வெளிப்படையான தன்மை செல்வியிடமும் ஒரு விசேட குணாம்சமாக இருந்திருக்கலாம் என எண்ணுகிறேன்.

ஆரம்பத்தில் தமிழ் இளைஞர்களின் ஆயுதப் போராட்டம் ஆரம்பமான போது புதிய புலிகள் என்ற இயக்கமே உருவானது. இது 1975ல் எமது தமிழ் மக்கள் ஜனநாயக முன்னணி உருவான பின்னர் உருவான அமைப்பாகும். 

பிற்காலத்தில் பரம வைரிகளாக மாறிய பிரபாகரனும் உமா மகேஸ்வரனும் ஆரம்பத்தில் இந்த புதிய புலிகள் இயக்கத்திலேயே ஒன்றாகச் செயல்பட்டவர்கள். 

பின்னர் பிரபாகரன் தமிழீழ விடுதலைப் புலிகள் இயக்கத்தையும், உமா மகேஸ்வரன் தமிழீழ மக்கள் விடுதலைக் கழகத்தையும் (புளொட்) உருவாக்கிக் கொண்டு கீரியும் பாம்பும் போல செயற்பட்டனர். (தமிழர்களின் மூத்த அரசியல் கட்சிகளான தமிழ் காங்கிரஸ் கட்சியும் தமிழரசுக்கட்சியும் 25 ஆண்டுகள் செயற்பட்டது போல!)

புலிகள் இயக்கத்தைப் பொறுத்தவரை ஆரம்பத்தில் வடக்கின் கரையோர மீனவ சமூக மக்களிடமே அவர்களுக்கு ஓரளவு செல்வாக்கு இருந்தது. ஆனால் புளொட் வடக்கின் பெரும்பான்மையான வேளாள சமூகம் முதல் தாழ்த்தப்பட்ட மக்கள்வரை பரவலான செல்வாக்கு உள்ள ஒரு இயக்கமாக இருந்தது. 

வன்னிப் பிரதேசத்திலும் புளொட் இயக்கம் அதிய செல்வாக்குப் பெற்றிருந்தது. குறிப்பாக அங்கு சமுதாயத்தின் அடிநிலையில் வாழ்ந்து வந்த இந்திய வமட்சாவழி மக்களிடமும் அது செல்வாக்குப் பெற்றிருந்தது.

அத்துடன் புளொட் வெகுஜன அமைப்புகளையும் கொண்டிருந்தது. அது பாலஸ்தீன விடுதலை இயக்கம், இலங்கை - இந்திய இடதுசாரி இயக்கங்கள் என்பனவற்றுடன் தொடர்புகளைக் கொணடிருந்ததால், ஏகாதிபத்திய எதிர்ப்பு உணர்வையும் சோசலிச அபிலாசைகளையும் கூட குறிப்பிட்டளவு கொண்டிருந்தது. 

இதன் காரணமாகவே நகரப்புறங்களில் இருந்த முற்போக்கு எண்ணம் கொண்டிருந்த பல புத்திஜீவிகளும், கிராமப்புறங்களிலிருந்த செல்வி போன்றவர்களும், தில்லை போன்ற வறுமையான குடும்பங்களைச் சேர்ந்தவர்களும்  புளொட்டில் இணைந்து கொள்ளக் காரணமாயிற்று.

ஆனால் பின்னர் புளொட் இயக்கத்துக்குள் ஏற்பட்ட கருத்து மோதல்களும் பிளவுகளும், புலிகளின் திட்டமிட்ட சதி நடவடிக்கைகளும் சேர்ந்து செல்வி, தில்லை போன்ற பல நல்வர்கள் அந்த இயக்கத்தில் இருந்து ஒதுங்க வேண்டிய சூழலை உருவாக்கிவிட்டது. 

அதன் சரி பிழைகளை இங்கு ஆராய்வது எனது இந்தத் தொடரின் நோக்கங்களுக்கு அப்பாற்பட்டது. ஆனால் செல்வி கடத்தப்பட்ட போது புளொட் இயக்கத்திலிருந்து தன்னை விலக்கி வைத்துக்கொண்ட ஒருவராக இருந்ததை நான் உறுதிபடக் கூற முடியும்.

அந்தக் காலகட்டத்தில் செல்வி, தில்லை, சிவரமணி (முன்னதாக தற்கொலை செய்து கொண்ட செல்வியின் தோழியும் சக மாணவியும்) ஆகியோர் என்னுடன் அடிக்கடி சந்திப்பவர்களாக இருந்ததால், அவர்கள் அரசியலில் கொண்டிருந்த மனநிலையை நான் நன்கறிவேன். 

(இன்று செல்விக்கு அஞ்சலிக் கூட்டங்கள் நடாத்தி அரசியல் ஆதாயம் பெற முயல்பவர்களில் சிலர், செல்வியின் நிழலுடன்கூட தொடர்பில்லாதவர்கள் என்பதுடன், அவரது கொள்கைகளுடன் மருந்துக்கும் ஒட்டுறவில்லாதவர்கள் என்பதையும் நினைக்கையில், வேதனைதான் மிஞ்சுகிறது)

இப்பொழுது செல்வி பற்றி காந்தி திடீரென விசாரித்த போது, செல்வியுடனான எனது கடந்தகால நினவுகள் நெஞ்சில் நிழலாடின.

செல்வி புலிகளால் கடத்தப்பட்ட கடைசி நிமிடத்திற்கு முன்னர் அவரை இறுதியாகச் சந்தித்த அவரது நண்பன் நான்தான் என நினைக்கிறேன். அந்தத் துன்பமான நிகழ்வு மனதில் இன்னமும் பாரமாக அழுத்துகிறது.

இன்னொரு பல்கலைக்கழக மாணவனும் செல்வியின் நண்பர்களில் ஒருவருமான மனோகரன் உரும்பிராயிலிருந்து திரும்பும் வழியில் புலிகளால் கடத்தப்பட்ட சிறிது நேரத்தில், தில்லை யாழ்.பல்கலைக்கழகத்தின் பின்புற ஒழுங்கையில் வைத்துக் கடத்தப்பட்டார். 

அந்த நேரத்தில் செல்வி பல்கலைக்கழகத்தில் இருந்தார். அவர்கள் இருவரும் கடத்தப்பட்டதைக் கேள்வியுற்ற செல்வி மிகுந்த பதட்டத்துடன் இராமநாதன் வீதியில் பல்கலைக்கழக மாணவிகள் விடுதிக்கு முன்னால் இருந்த எனது கடைக்கு உடனடியாக வந்து சேர்ந்தார். 

அப்பொழுது அவர் மிகுந்த பதட்டத்திலிருந்தார். ஏனெனில் மனோகரனும் தில்லையும் கடத்தப்பட்டது மாத்திரமின்றி, அடுத்ததாக புலிகள் தன்னையும் கடத்துவதற்கு வரலாம் என்ற அச்சமே அதற்குக் காரணம்.

செல்வி மனோகரனும் தில்லையும் புலிகளால் கடத்தப்பட்ட தகவலைச் என்னிடம் சொல்லிவிட்டு, தான் தங்கியிருந்த அறைக்குச் செல்ல எத்தனித்தார். 

அவர் பல்கலைக்கழகத்துக்கு அருகாமையில் ஆத்திசூடி வீதியில் ஒரு வீட்டில் தங்கியிருந்தார். அந்தப்பகுதி தாழ்த்தப்பட்ட மக்கள் நிறைந்த ஒரு பகுதி. புளொட் இயக்கத்துக்கு அந்தப் பகுதியில் கணிசமான செல்வாக்கு இருந்தது. எனவே அங்கு சென்று தங்குவது தனக்குப் பாதுகாப்பானது, அந்த மக்கள் புலிகளிடமிருந்து தன்னைப் பாதுகாப்பார்கள் என்ற திடமான நம்பிக்கை செல்வியிடம் இருந்தது.

ஆனால் செல்வியினது கருத்தில் எனக்கு நம்பிக்கை இருக்கவில்லை. பொதுமக்களை துப்பாக்கியைக் காட்டி மிரட்விட்டு புலிகள் செல்வியை இழுத்துச் செல்வது, புலிகளைப் பொறுத்தவரை சிரமமான காரியமோ புதுமையான காரியமோ அல்ல என்பதை நான் அறிவேன்.  

எனவே அவரது அறைக்குப் போவதைத் தவிர்த்து, வேறு எங்காவது பாதுகாப்பான இடத்துக்குச் சென்று தற்காலிகமாகத் தங்கும்படியும், அதன்பின்னர் நிலைமையை அவதானித்து அடுத்த கட்ட நடவடிக்கையை மேற்கொள்ளலாம் எனவும் அவரிடம் கூறினேன்.

ஆனால் செல்வி அப்போதிருந்த பதட்டமான மனநிலையில், எனது ஆலோசனையை பெரிதாக ஏற்கவில்லை. தனது அறைக்குச் சென்று அங்குள்ள மக்களுடன் இருப்பது தனக்குக் கூடுதலான பாதுகாப்பாக இருக்கும் என அவர் எண்ணுவது தெரிந்தது. அதன்பின்னர் அவர் என்னிடம் விடைபெற்றுக் கொண்டு தனது அறையை நோக்கிச் சென்றுவிட்டார்.

அவர் போன பின்னரும் எனது மனம் அலைக்கழிந்த வண்ணமே இருந்தது. மிகவும் கவலையாகவும் இருந்தது. நிச்சயமாக புலிகள் செல்வியைப் பிடித்துவிடுவார்கள் என எனது மனது சொல்லியது. 

அவரை எவ்வழியிலேனும் காப்பாற்ற முடியவில்லையே என்று மன ஆதங்கமாகவும் இருந்தது. அதேநேரத்தில் அடுத்து புலிகளின் இலக்கு என்னைப் போன்றவர்களாக இருக்குமோ என்ற சந்தேகமும் இடையிடையே தலைகாட்டியது.

நான் எதிர்பார்த்தபடியே செல்வி தனது அறைக்குச் சென்ற சிறிது நேரத்தில் புலிகள் அங்கு வந்து அவரைப் பிடித்துச் சென்றதாக, அவர் தங்கியிருந்த வீட்டின் பெண்பிள்ளை ஒருவர் என்னிடம்வந்து கவலையுடன் கூறிவிட்டுச் சென்றார். எல்லாம் முடிந்துவிட்டது.

செல்வியையும் தில்லையையும் நோக்கி சில கெட்ட ‘கிரகங்கள்’ நகர்ந்து வருகின்றன என்ற ஒருவிதமான முன்னச்ச உணர்வு அவர்களுக்கும் இருந்து வந்ததை நான் அறிவேன். 

ஆனால் அவர்கள் அதைப் பாரதூரமாக எடுக்கத் தவறிவிட்டனர். அவர்கள் தலைக்கு இப்பொழுது வந்துள்ள அபாயம் யாழ்.பல்கலைக்கழகத்தில் இருந்து செயற்பட்ட ‘கலாச்சாரக் குழு’ காலத்திலேயே முளைவிட்டிருந்தது.

அந்தக் கலாச்சாரக் குழுவே ‘மண் சுமந்த மேனியர்’ நாடகத்தை வடக்கின் பட்டிதொட்டியெங்கும் அரங்கேற்றியது. அந்த நாடகத்தை நெறியாள்கை செய்த புலிகளின் தீவிர ஆதரவாளர் கந்தையா சிதம்பரநாதன் (தமிழ் தேசியக் கூட்டமைப்பில் புலிகளால் சிபார்சு செய்யப்பட்டு பாராளுமன்ற உறுப்பினராக இருந்த பத்மினி சிதம்பரநாதனின் கணவர்) இன்றும் யாழ்.பல்கலைக்கழக நாடக விரிவுரையாளராக இருக்கின்றார் என நினைக்கின்றேன். 

ஒருகாலத்தில் எனதும் செல்வி, தில்லை போன்றவர்களினதும் நல்ல நண்பராக இருந்த சிதம்பரநாதனுடன், செல்விக்கும் தில்லைக்கும் ஏற்பட்ட முறுகல் நிலையே, அவர்களது இந்த அவல நிலைக்குக் காரணம் என்ற அபிப்பிராயம், என்னைப் போன்ற பலருக்கு உண்டு. அதுபற்றிப் பின்னர் எழுதுவேன்.

ஆனால் காந்தி இப்பொழுது கேட்கும் செல்வியின் கடிதம் கொண்டு செல்லும் பியோனாக நான் ‘இருந்த’திற்கும், நடந்து முடிந்த கலாச்சாரக் குழு விவகாரங்களுக்கும் ஏதாவது தொடர்பு இருக்குமாக என்று என்னால் அனுமானிக்க முடியவில்லை.

காந்தி எனக்கு அடித்து ஓய்ந்த பின்னர் என்னை நோக்கி, “செல்வியும் தில்லையும் தாற கடிதங்களை கொழும்பிலை ஆருக்கு அனுப்பிறனி? உள்ளதைச் சொல் அல்லது அவங்கடை வாயாலை சொல்ல வைப்பன். அதுக்குப் பிறது நீ உயிரோடை இருக்கமாட்டாய்” என எச்சரித்தான்.

அதற்குப் பிறகுதான் தில்லை என்னிடமிருந்து ஒருமுறை எடுத்துச் சென்ற கடிதம் ஒன்று எனது ஞாபகத்துக்கு வந்தது.

தொடரும்
நன்றி.
அன்புடனும் தோழமையுடனும்,
மணியம்.  இது தேனீ’ பிரசுரம்

Tuesday, 29 April 2014

மாமியாரை கொல்வாளா மருமகள்?



காலம் இருக்கிற இருப்புக்கு சூரியனுக்கே ராக்கெட் விட்டுறலாம். அது ஒரு மேட்டரே அல்ல. 

ஆனால் வரன் தேடி அலைந்து அந்த வரனும் மனதுக்குப் பிடித்த மாதிரி அமைவது இருக்கே?

 குதிரைக்கு கொம்பு முளைக்கிற கதைதான்.

இதில் பெண்ணை பெற்வர்கள் படுகிற பாடு இருக்கே. அடடா சொன்னாலும் ஆறாது, எழுதினாலும் தீராது. 

என்ன செய்ய? குத்த வச்ச பொண்ணுக்கு எந்த அவப்பெயரும் வந்துவிடாமல், ஒருத்தன் கையிலே பிடிச்சு கொடுத்திட்டா நிம்மதி இது பெற்றோர் தரப்பு சிந்தனை.

நியாயம்தான்.

சிலருக்கு இளமையில் திருமணம் நடந்துவிடும். கொடுத்து வைத்தவர்கள்.

சிலருக்கு எல்லா வளமும் கிட்டும் இந்தக் கல்யாணம் மட்டும் கைகூடாமல் கடுக்காய் கொடுத்துக் கொண்டிருக்கும். என்னன்னு தோண்டி துடுப்பெடுத்து ஆராய்ந்து பார்த்தால், காரணம் இப்படி இருக்கும்.

 தோஷம்.

தோஷங்கள் பலவகை. செவ்வாய் தோஷம், இது ஊர் அறிந்த ரகசியம். இன்னொன்று இருக்கிறது புனர்பூ தோஷம். தாமத திருமணத்திற்கு உரிய காரணிகள் என்றாலும் பிரபலம் இல்லை.

பிரபலம் பெயரில் தான் இல்லையே தவிர, தருகிற பலன் சூப்பர் வில்லன். அடுத்து நாகதோஷம் அல்லது சர்ப்ப தோஷம்.

1, 7 மற்றும் 2, 8ல் ராகு கேது அமர்வதால் ஏற்படுவது. இந்த கிரக நிலையைப் பார்த்தாலே  ஜோதிடர்கள் சொல்லாமல் விடுவதில்லை.

அதுவும் தெரிந்த விஷயம்தான். இதுதவிர்த்து இருக்கிறது நட்சத்திர தோஷம். இதுவும் ரொம்பப் பிரபலம்.

அது என்ன?

ஆயில்ய தோஷம்.

மாமியாருக்கு ஆகாது. ஆயி இல்லாத இடமா பார்க்கணும்.

மூல நட்சத்திர தோஷம்.

மாமனாரை மூலையில் முடக்கிப்போடும். ஆண் மூலம் அரசாளும், பெண் மூலம் நிர்மூலம்,,

கேட்டை நட்சத்திர தோஷம்.

மூத்த கொழுந்தனாருக்கு ஆகாது.

விசாக நட்சத்திர தோஷம்.

இளைய கொழுந்தனுக்கு ஆகாது என்று கட்டம் கட்டி விடுவார்கள்.

ஒரு வகையில் இவர்களும் பாவம் செய்தவர்கள்தான் போலும்.

ஒரு ஜாதகத்தில் லக்னாதிபதியாக வருகிற கிரகம் எவ்வளவுதான் வலுத்தாலும், ஐந்தாம் அதிபதியாக வருகிற கிரகம் வலுகுன்றி காணப்பட்டால் ஜோசியர் இப்படிச் சொல்வார்.

ஐயா... உங்களுக்கு பூர்வபுண்ணிய ஸ்தானம் வலுகுன்றி விட்டது. அதனால் காலம் முழுவதும் எதிர் நீச்சல் போட வேண்டி வரும். குறுக்கு வழியில் சென்றால் கூட சந்து பொந்து வழியில் சென்றுதான்  முன்னேற முடியும்.

சரி... ஆனால் மேற்படி நட்சத்திரங்களை ஜென்ம நட்சத்திரமாகக் கொண்டு ஜனிப்பவர்களுக்கு எந்த பாவம் வலுகுன்றி இருக்கும்?

 எதற்கிந்த  அலைச்சல்?

எதற்கிந்த  அலைக்கழிப்பு?

முதலில் தகுதியான வரன்கள் அமைவதே கஷ்டம் .

துப்பறியும் புலி 007 ரேஞ்சுக்கு அலைந்து திரிந்து, தேடி சலித்து அழகு, அந்தஸ்து, கவுரவம், உத்தியோகம், பையனின் நடை உடை பாவனை, அடிப்படை வசதிவாய்ப்புகள் இவற்றை எல்லாம் சீர்தூக்கிப் பார்த்து, ஆகா நம்ம பொண்ணையே கொடுக்கலாம் போலிருக்கே என்று முடிவு செய்தால் முற்றுப்புள்ளி இப்படி வரும்.

பொண்ணு கேட்டையாச்சே, பையனுக்கு அண்ணன் இருக்காரே?

போச்சு... அத்தனை கனவுகளும் அந்த கணமே தவிடுபொடி.

சரி... உண்மையில் இந்த நட்சத்திரங்கள் தோஷமா?

ஆராய்வோம்.

பொதுவாக ஜோதிடத்தின் பெயரால் உலா வரும் பழமொழிகள் ஏராளம். இதற்கு கால் முளைத்த இடத்தைக் கண்டுபிடிப்பது சிரமம்.

ஆனால் இன்று முளைத்திருப்பது கால் அல்ல ரெக்கை.

உதாரணமாக...

பூரடாத்தில் பெண் பிறந்தால் நூலாடாது என்றும், உறவாடாது என்றும் சொல்கிறார்கள்.

அது என்னவாம்?

அதா... கூட்டுக் குடும்ப வாழ்க்கைக்கு அந்த பெண்கள் லாயக்கற்றவர்கள். தான் தன் சுகம் என்று குறுகிய வட்டத்திற்குள் வாழ்க்கையை அமைத்துக் கொள்வார்கள்.

தலையனை மந்திரத்தை ஓதுவதில் படுகெட்டியான இவர்கள், கட்டிய கணவனை கைக்குள் போட்டுக் கொண்டு மாமனார் மாமியாரை விட்டுத் தனிக்குடித்தனம் போவார்கள்.

அப்படியா?

அப்படித்தான் சொல்றாங்க, இது ஒன்னு  .

அப்போ இரண்டு எது?

கேட்டையிலே பிறந்த பொண்ணு கோட்டையை கட்டினாலும் கட்டுவா? கோட்டையை அழிச்சாலும் அழிப்பா .

அடடா அப்புறம்.

அவிட்டத்தில் பிள்ளை பிறந்தா தவிட்டு பானை எல்லாம் தங்கம்.

பலே... பலே... மேலே சொல்லுங்க.

பரணி தரணி ஆளும்.

அது சரி... அப்புறம்.

நாலாவது பொண்ணுடா... நாதாங்கி முளைகூட மிஞ்சாது - ஒரு அங்கலாய்ப்பு.

இது எட்டாவது பிறப்பு குட்டிச்சுவர் - ஒரு குதர்க்கம்.

ஒரு பிள்ளையை பெத்தா உரியிலே சோறு, நாலு பிள்ளையை பெத்தா நாயோட்டில் சோறு - ஒரு கண்டுபிடிப்பு.

இப்படி வழக்கில் சொல்லிக்கொண்ட வார்த்தையை வாழ்க்கையோடு ஒப்பிட்டுப் பார்ப்பதால் ஏக களேபரம்.

ஏன் ஜோசியரே? கர்ணன் கவச குண்டலத்தோட பிறந்த மாதிரி. ஆயில்யத்தில் பெண் பிறந்தா ஆயுதத்தோட பிறக்குமா? கொலை ஆயுதத்தை சேலைக்குள் மறைத்து வைத்து, புகுந்த வீடு போனதும் மாமியாரே வெளியே வா... ஹா... ஹா... என்று கத்தியை எடுத்து சதக்கென்று குத்துமா?

நல்ல கதைகாரரு நீங்க. இருக்கட்டும்.

ஒரு ஜாதகத்தில் இருந்து எவ்வளவோ விஷயங்களை தெரிந்து கொள்ளலாம். 
ஜோதிடரிடம் போய், நான் வீடு கட்டுவேனா? வண்டி வாகனம் வாங்குவேனா? மாடு கன்னு பாக்கியம் எப்படி? எதிரிகள் தொல்லை எப்போது ஒழியும்? உத்தியோக சிறப்புக்கு உகந்த காலம் எது? செய்தொழில் முன்னேற்றம் எப்படி?

இப்படி சரம் சரமாய் கேள்விக் கணையை தொடுகிறார்கள். ஜோதிடரும் தன் பங்குக்கு நல்லதாய் நாலு வார்த்தை சொல்லாமல் இல்லை. அனுபவத்தில் பார்க்கிறோம்.

ஆனால் இந்த தோஷ நட்சத்திரங்களைப் பற்றி அறிந்து கொள்ள யாரும் அக்கறை காட்டுவதில்லையே ஏன்?

அது சரி... குண்டு போடுறதே ஜோசியர்தானே?

ஓ.... கதை அப்படி வருதா? சரி... இந்த கதையை கேளுங்க. எனக்குத் தெரிந்த பெரியவர் தன் மகனுக்கு வரன் தேடினார். தன் பால்ய சிநேகிதனின் பெண்ணே பரவாயில்லை என்று தோன்றியது.

காரணம் பெண் குணசாலி மட்டுமல்ல அறிவாளியும் கூட.  அழகுக்கு மட்டும் பஞ்சமா என்ன, விருப்பத்தைத் தன் குடும்பத்தாரிடம் வெளிப்படுத்தினார்.
சந்தோஷத்திற்கு அளவே இல்லை. பின்னர் தன் பால்ய சிநேகிதனிடம் பகிர்ந்து கொண்டார். சங்கடம் ஆரம்பமானது.

சங்கடம் பெண் கொடுப்பதில் அல்ல. பெண்ணின் நட்சத்திரம் மூலம். காலம் காலமாக சொல்லி வைத்த பாலபாடமே மூல நட்சத்திரம் மாமனாருக்கு ஆகாது என்பதுதானே?

பெண்ணை கொடுக்கிறோம் என்கிற பெயரில், முப்பது வருட நட்பிற்குத் தப்புக் கணக்குப் போட தயாராக இல்லை பெண்ணின் தோப்பனாருக்கு.

 விளைவு மறுத்தார்.

விடவில்லை நண்பர். நான் என்ன சின்னஞ்சிறுசா? ஆண்டு அனுபவித்து நாட்களை எண்ணிக் கொண்டிருக்கிறேன் நாராயணனிடம் போக.

பெற்ற பிள்ளைக்கு ஒரு நல்ல காரியமா, கல்யாணத்தைச் செய்து வைச்சுட்டா போதும்.

கட்டையிலே போறதா இருந்தாலும் ரெட்டை சந்தோஷம். இந்தக் கருத்தில் உறுதியாக இருந்தார்... நண்பர்.

பிடிவாதத்திற்கு முன்பு மற்ற பிடிகள் தளர்ந்தன. கடைசியில் மணமக்கள் மணவறைக்குச் சென்றார்கள்.கடந்த ஜனவரியோடு அது ஆச்சு பத்து வருஷம்.  இப்பவும் கிழவன் புள்ளி மான் மாதிரி துள்ளிக்கிட்டு இருக்கார்.

மூலம் என்ன செய்தது.

இதோ இன்னுமொரு சம்பவம்.

ஒரு தாய் வயிற்றுப் பிள்ளைகள். ஆனால் அண்ணன் தம்பிகளுக்கு இடையே அனுதினமும் புகைச்சல். பாகப்பிரிவினையில் ஏற்பட்ட தகராறு ஊருக்குள் ஏக பிரபலம்.

அண்ணனைப் பழிவாங்க ஆயத்தமானான் தம்பி. பழி வாங்குறது சரி.. தடயம் இல்லாமல் தப்பிக்க உபாயம் வேண்டும்.

என்ன செய்யலாம்?

சிந்தனையின் முடிவில் சிக்கியது வழி.

கேட்டை நட்சத்திர பெண்ணை கட்டிக்கிட்டா, ஜாதகமே போட்டுத் தள்ளிடும் அண்ணனை.

முடிவு செயலானது, முகூர்த்தம் முடிவானது, அது ஆச்சு வருஷம் 6. அண்ணன் இன்னம் கின்னுன்னுதான் இருக்கார்.

கேட்டைக்கு என்ன கேடு?

உண்மை நிலவும் இதுதான். வாய்புளித்ததோ மாங்காய் புளித்ததோ என்று ஒன்றுக்கும் மற்ற விஷயங்களக்கு முக்கியத்துவம் கொடுத்தால் முடிவுகளும் இப்படித்தான் இருக்கும்.இதில் தோஷ நட்சத்திரங்களைப் பாதங்களாகப் பிரித்துக் கொண்டு பலன் சொல்வோரும் உண்டு.

அப்படிப் பிரித்துக் காட்டிய மூல நூல்கள் கூட தந்தைக்கு ஆகாது, தாயாருக்கு ஆகாது, தமையனுக்கு ஆகாது, தனக்கே ஆகாது என்று பட்டியல் போடுகிறதே தவிர. இந்தக் காட்சிகளுக்கு ஏற்ற கதாபாத்திரமான மாமனாரோ, மாமியாரோ, கொழுந்தனாரோ வரவில்லை.

பின் எப்படி வந்தது?

யோசித்துப் பார்த்தால் ஒரு விஷயம் புலனாகிறது.

இது என் யூகம்தான். அன்றைய காலகட்டத்தில் பால்ய திருமணம் என்பது பரவலாக இருந்தது.

வீட்டுக்கு  வந்த மருமகளிடம் வேற்றுமை காட்டும் குணம் வேர் விடாத காலகட்டம். விளக்கேத்த வந்த பொண்ணு வில்லங்கமும் இல்லாமல் ஒட்டி உறவாடி இருக்கிறது.

மேற்படி நட்சத்திரங்கள் தாயாருக்கும், தந்தையாருக்கும் ஆகாது என்று சொல்லப்பட்ட சூழலில் திருமணம் ஆகி மறுவீடு போன பன்பு, தாயாக  கவனிக்கும் மாமியாரையும், தந்தையாக கவனிக்கும்  மாமனாரையும், பாதிக்கும் என்ற கோணத்தில் பலன் எழுந்திருக்கலாம் இது என் ஐயப்பாடுதான். அறுதியிட்டு சொல்லவில்லை நிற்க.

இனி விஷயத்திற்கு வருவோம்.

ஒரு பெண்ணின் ஜாதகத்தில் மாமியாரை குறிக்கும் இடம் பத்து.

அந்த வீட்டில் ராகு கேது அல்லது சனி இருந்து அந்த வீட்டுக்கு உரிய கிரகம் லக்னத்திற்கு மறைவு ஸ்தானங்களில் நீசமாகவோ, அல்லது வக்கிரம் பெற்ற நிலையிலோ இருந்தால் மாமியார் ஸ்தானம் வலுகுன்ற வாய்ப்புண்டு.

அதேசமயம் மாமியாரின் ஆயுள் பலத்தைச் சொல்ல மாமியாரின் ஜாதகத்தைப் பார்ப்பதுதான் நல்லது. பார்க்க தேவையில்லாதது ஆயில்ய நட்சத்திரத்தை.

அதேபோல் ஒரு பெண்ணின் ஜாதகத்தில் மாமனாரை குறிக்கும் இடம் 3ம் பாவம்.

இவ்விடத்தில் முன் சொல்லியது போல் சனி அல்லது ராகு கேது இருந்து அந்த வீட்டிற்குரிய கிரகம் லக்னத்திற்கு மறைவு ஸ்தானங்களில் நீசம் அல்லது வக்கிரம் பெற்று காணப்பட்டால் மாமனார் ஸ்தானம் வலுகுன்றும்.

மற்றபடி ஆயுளை நிர்ணயிப்பது மாமனார் ஜாதகமே என்று கூறி நிறைவு செய்கிறேன். வணக்கம்.

நான் தினமணி இணைய தளத்தின் மூலமாக ஜோதிடம் சொல்லி வருகிறேன். என்னிடம் ஜாதகம் பார்க்க விரும்புகிறவர்கள்

( பிரத்யேகக் கேள்விகள் என்ற ) 

இந்த லிங்கை கிளிக் செய்து கேள்விகளை தேர்வு செய்து பதில் பெறலாம். இங்கே குறிப்பிட்ட கேள்விகள் தவிர வேறு  கேள்விகள் கேட்க விரும்பினாலும் ஏதாவது ஒரு கேள்வியை கிளிக் செய்து உங்கள் கேள்வியை டைப் செய்து அனுப்பலாம்.

நன்றி 

Sunday, 27 April 2014

திருமணப் பொருத்தம்


சங்கீதா. 

அழகி என்று ஒரு வரியில் சொல்வதை விட, பேரழகி என்று சொன்னால் மிக பொருத்தமாக இருக்கும்.  பாரதிராஜா பார்த்தால் படத்தில் நடிக்கிறாயா என்று கேட்கிற மாதிரி அழகு ராட்சஸி.

கடந்த வருடம்தான் கல்யாணமேடை ஏறினாள். கைப்பிடித்தவன் பெயர் மாதவன்.  அழகிக்கேற்ற அழகன். அச்சு அசல் ஆணழகன் அரவிந்தசாமி மாதிரி ஒரு லுக். புலவர்கள் வர்ணிக்கும் ஆணின் உடல் கட்டமைப்பை பெற்றவன். 

இவர்களை ஜோடியாக பார்ப்பவர்கள் மனதார ஒப்புக் கொள்ளும் ஒரு விஷயம் ஜோடிப் பொருத்தம் சூப்பர். அதற்கு தகுந்த மாதிரி நல்ல வேலை, கை நிறைய சம்பளம். வசதி குறையாத வாழ்க்கை. 

இப்படியான நிலையில் இவர்கள் இருவரும் இணைந்து இனிய இல்லறத்தை நடத்துவார்கள் என்று நீங்கள் நம்பினால் ஏமாந்து போவீர்கள்.

ஏன் என்னாச்சு?

ஒருவரை ஒருவர் அனுசரித்து போவதில்லையா?

அதில் கூட பிரச்சனை இல்லை.

அப்புறம்? 

மாமனார் மாமியார் கொடுமையா?

அச்சச்சோ... அதெல்லாம் இல்லை. 

வேற என்னதான் பிரச்சனை?



பொருத்தம் உடலிலும் வேண்டும். 
புரிந்தவன் துணையாக வேண்டும். 
கணவனின் துணையோடு தானே - காமனை வென்றாக வேண்டும்.

புரியுது. அந்த பொருத்தம் இல்லையாக்கும்.

எஸ்..எஸ்... அதுதான் இருவருக்குள் மனவேறுபாடு. ஒற்றுமைக் குறைவு. வெறுப்பு, கசப்பு. நாம ஜோதிடத்திற்கு வருவோம்.

திருமணத்திற்கு பொருத்தம் பார்க்கும் போதுதான், இப்பொருத்தம் முக்கியத்துவம் பெறுகிறது. சரசோதிமாலை, சேகரமாலை, முகூர்த்த தருபணம், காலமிருதம், சூடாமணி உள்ளமுடையான் என்பதெல்லாம் பழங்கால ஜோதிட நூல்கள். 

இந்த நூல்கள்தான் பத்து பொருத்தம் முதல் 21 பொருத்தங்கள் வரை பார்க்க வேண்டும் என்று கூறுகிறது.

ஆனால் பத்து பொருத்தங்கள் பார்க்கும் விதமே பரவலாக நடைமுறையில் உள்ளது.  இதில் திணம், கணம், யோனி, ராசி, ரச்சு இவ்வைந்து பொருத்தங்கள் கூடி வந்தால் திருமணம் செய்ய உத்தமம். 

அதிலும் பிராமணர்களுக்கு திணமும், சத்திரியர்களுக்கு கணமும், வைசியர்களுக்கு ராசியும், சூத்திரர்களுக்கு யோனியும், அனைத்து தரப்பினருக்கும் ரச்சும் அவசியம் என்பதுதான் ஜோதிட வாக்கு. 

நாம் இதைப் பற்றி அலசப்போவதில்லை. இப்போதைக்கு வேறு விஷயம். அது யோனிப் பொருத்தம்.

ஆணோப் பெண்ணோ அசுவனியில் பிறந்தால் குதிரை, பூரட்டாதியில் பிறந்தால் சிங்கம். இந்த நட்சத்திரங்களில் பிறந்தவர்கள் ஆணோ பெண்ணோ நல்ல நண்பர்களாக இருக்கலாம். ஆனால் தம்பதிகளாக மாறினால் தகராறு என்கிறது ஜோதிடம்.

ஏன்?

 இரண்டும் பகை மிருகம். யோனி பொருத்தமில்லை என்று ஒதுக்கி விடுகிறார்கள் ஜோதிடர்கள். மனிதர்களை பிறந்த நட்சத்திற்கு ஏற்றாற் போல் குதிரை என்றும், சிங்கமென்றும், பூனை என்றும், புலி என்றும், எலி என்றும், மான் என்றும் ஞானிகள் வகைபடுத்தியதற்கும் காரணம் இருக்கிறது. 

குதிரைக்கு ஒரு குணம், சிங்கத்திற்கு வேறு குணம். பூனையை எடுத்துக் கொண்டால் ஒரு குணம், எலியும் அப்படித்தான். ஆக மிருகங்கள் ஒவ்வொன்றும் வெவ்வேறு குணம், பழக்க வழக்கங்கள் கொண்டது. அதைப் போல்தான் மனிதனும். பிறந்த நட்சத்திரத்திற்கு எற்றாற்போல் குணமும் மனோநிலையும் மாறுபடுகிறது.



மிருகங்கள் தன்னுடைய துணையோடு இணையும் போது காட்டும் ஈடுபாடு, காலஅளவு, லயிப்பு நிலை இவற்றை கணக்கிட்டுப் பார்த்த ஞானிகள் மனிதனையும் வரிசைப்படுத்தினார்கள். இதைத்தான் யோனிப் பொருத்தம் என்றார்கள்.

அப்படியானால் யோனிப் பொருத்தம் மிக மிக அவசியம் அப்படித்தானே?

கொஞ்சம் பொருங்க. பரணியில் பிறந்த சங்கீதாவிற்கு, ரேவதியில் பிறந்த மாதவனை திருமணம் செய்து வைத்தார்கள். இருவரும் மிருகங்கள் வரிசையில் ஆண் யானை பெண் யானை. பகை மிருகங்கள் கூட இல்லை. ஆனாலும் வாழ்க்கையில் அந்த சுகம் இல்லை. 

ஏன்?

அதைத்தான் கண்டுபிடிக்கனும்.

நண்பர் ராமசாமிக்கு கல்யாணம். 11 பொருத்தம் இருப்பதாகவும், இந்த ஆணுக்கு இந்த பெண்ணே மனைவி. இதைவிட சிறந்த பொருத்தம் இல்லை என்றும் அடித்துச் சொன்னார்கள் ஜோதிடர்கள். 

இது பூர்வபுண்ணிய பொருத்தம், விட்டக்குறை தொட்டகுறை என்றெல்லாம் மெருகேற்றினார்கள். 

நாள் திதி நட்சத்திரம் பார்த்து, அம்மி மிதித்து, அருந்ததிப் பார்த்து, வேதமந்திரங்கள் ஒலிக்க அக்னிசாட்சியாக இனிதே நடந்தேறியது திருமணம். மூன்றே மாதம்தான் பாலும் கசந்தது, படுக்கையும் நொந்தது. ஆணும் பெண்ணும் அவரவரர் வீட்டில். ஏன்? எங்கே தவறு நிகழ்ந்தது.

நண்பர் கண்ணனின் கதையோ வேறு. இல்லறத்துணையை பஸ்ஸில் பார்த்தார். கவிஞர்கள் சொல்வது போல், மின்னல் அடித்தது. ஹோட்டல், சினிமா, பீச்,கோவில் என்று நாளொறு மேனியும் பொழுதொரு வண்ணமுமாய் வளர்ந்தது காதல். இருவருக்கும் ஜாதக பொருத்தம் இருக்கிறதா?

அப்போது அவர்களுக்கு தெரியவே தெரியாது. இப்போது கூட இருவரும் நட்சத்திர பொருத்தமற்ற ஜோடி. 

போகட்டும்.  எல்லா காதல் ஜோடிக்கும் வரும் சங்கடம் இருவருக்கும் வந்தது. ஊரார் எதிர்ப்பு, உற்றார் எதிர்ப்பு, காதல் வெற்றிப் பெற கல்யாணம் ஒன்றே தீர்வு. நான்கு நண்பர்கள் உதவியுடன் கொழுத்த ராகுகாலத்தில் ரிஜிஸ்டர் மேரேஜ் செய்தார்கள். 

இதோ இன்றோடு பதினைந்து வருடங்கள் கடந்து விட்டது. காதலில் இருவர் கருத்தொருமித்து உல்லாச வாழ்வில் உலா வருகிறார்கள். இரண்டு மழலை செல்வங்களும் உண்டு. எப்படி?

இது விதி என்பதை விட கிரக பலம் என்பதுதான் உண்மை. திருமண பொருத்தத்தில் மிருகங்களின் குணத்தை கொண்டு ஆய்வு செய்வது ஒருபுறம் இருந்தாலும் லக்னம், ராசி, மூன்றாமிடம், பனிரெண்டாமிடம், சுக்கிரன், செவ்வாய், சந்திரன், சனி, ராகு, போன்ற கிரகங்களின் வலிமைமிக்க கூட்டணி அல்லது பார்வை இந்த ஆய்வை மாற்றி அமைத்து விடுகிறது என்பதுதான் உண்மை. 

அதனால் வெறும் நட்சத்திர பொருத்தத்தை மட்டுமே நம்பி கல்யாண களத்தில் குதிக்காமல், கிரக நிலவரத்தை ஆராய்ந்து இறங்கினால் இல்லறம் நல்லறமாகும். கட்டில் இனிக்கும். 


நான் தினமணி இணைய தளத்தின் மூலமாக ஜோதிடம் சொல்லி வருகிறேன். என்னிடம் ஜாதகம் பார்க்க விரும்புகிறவர்கள் 

( பிரத்யேகக் கேள்விகள் என்ற ) 

இந்த லிங்கை கிளிக் செய்து கேள்விகளை தேர்வு செய்து பதில் பெறலாம். இங்கே குறிப்பிட்ட கேள்விகள் தவிர வேறு  கேள்விகள் கேட்க விரும்பினாலும் ஏதாவது ஒரு கேள்வியை கிளிக் செய்து உங்கள் கேள்வியை டைப் செய்து அனுப்பலாம்.

நன்றி 

Tuesday, 15 April 2014

ஏழரை சனி நடக்கும் போது திருமணம் செய்யலாமா?


திருமணம்….! ஆயிரம் காலத்து பயிராம். நான் சொல்லலை. பெயர் தெரியாத யாரோ ஒரு பெரியவர் சொன்னது.

திருமணம்…! இருமனம் ஒன்றிணையும் ஒப்பந்த விழா. தேவர்களும், முப்பத்து முக்கோடி தேவர்களும், நாற்பத்து எண்ணாயிரம் ரிஷிமார்களும், கிண்ணர்கள், கிம்புருடர்கள் பூமாரி பொழிய, அம்மி மிதித்து, அருந்ததி பார்த்து, பெற்றோர் பெரியோர் ஆசியுடன் வாழ்க்கை படிகளில் கால் வைக்கும் இனிய பொன்னாள். இதற்கு பின் தான், இனிய இல்லறம் பிறக்க வேண்டும். 

ம்பதிகளுக்கு இடையே சந்தோசம் திளைக்க வேண்டும். வம்சம் தழைக்க வாரிசுகள் பிறக்க வேண்டும். அது வாழையடி வாழையாக வளர வேண்டும்.

இன்னார் பையன், இன்னாரது குடும்பம், இன்னாரது பரம்பரை என்றெல்லாம் பெயரெடுக்க, இருமனம் கலக்கும் திருமணம் தான் முதல் படி.

திருமணம் செய்ய என்ன வேணும்? அதில் என்ன சந்தேகம். ஒரு ஆணும் பெண்ணும் வேண்டும். குட். ஒரு திருமணம் நடக்க, ஒரு ஆணும், பெண்ணும் அவசியம். அதை தாண்டி வேறு ஒன்றும் இல்லை என்பது முற்போக்கு சிந்தனை. மறுக்கவில்லை. இந்த இருவர் மட்டும் இருந்து விட்டால் கல்யாண கதவு திறந்து விடுமா?


Monday, 14 April 2014

உங்கள் ஜாதகம் என்ன சொல்கிறது?

அனைவருக்கும் இனிய புத்தாண்டு நல்வாழ்த்துக்கள். 

காலமாற்றம், கணினி யுகம் என்பது ஏதோ ஒரு துறைக்கு மட்டும் சொந்தமானது அல்ல. நடைமுறை வாழ்க்கையில் பல நிலைகளில் அது எதிரொலிக்கிறது.

மஞ்சப்பையும் கையுமாய் வேர்த்து விறுவிறுக்க கடைகடையாய் ஏறி இறங்கி பொருட்கள் வாங்கியது ஒரு காலம். வீட்டில் இருந்து நெட்டில் தட்டினால் வீட்டு வாசலுக்கு வந்து கதவை தட்டுகிறார்கள். 

முன்பதிவு என்று வந்த பிறகு கால்கடுக்க காத்திருந்த காலம் மலையேறி விட்டது. ரயில் பயணம முதல் விமான பயணம் வரை வீட்டில் இருந்தே புக்கிங் செய்கிற நிலை இன்று வந்து விட்டது. 

இந்த மாற்றம் ஜோதிடதுறையிலும் எதிரொலித்தால் எப்படி இருக்கும்? 

இந்த யோசனை தினமணி குழுமத்திற்கு வந்ததின் விளைவே,  ஆன்லைன் ஜோதிடம்.  ஏதோ கடமைக்கு செய்கிறோம் என்றில்லாமல், தமிழகத்தின் மிக பிரபலமான ஜோதிடர்களை தொடர்பு கொண்டு, அவர்களிடம் ஜோதிட ஆலோசனை பெற ஒரு வாய்ப்பை உருவாக்கி தந்திருக்கிறது தினமணி.

இத்தருணத்தில் அதற்கு நன்றி சொல்ல கடமைப்பட்டுள்ளோம். 

மனிதன் பிறக்கிறான். பனிரெண்டு ராசிகளில் ஏதோ ஒரு ராசி, 27 நடசத்திரங்களில் ஏதோ ஒரு நட்சத்திரம், பனிரெண்டு லக்னங்களில் ஏதோ ஒரு லக்னத்தை பெற்று ஜனித்து விடுகிறான். 

ஜனித்த மறுகணம் அவனின் அன்றாட இயக்கம், வாழ்க்கை சூழல் என்பது கிரகங்களின் கட்டுப்பாட்டுக்குள் வந்து விடுகிறது. நம்புகிறவர்களுக்கு மட்டுமே இதன் இயக்கம் என்றில்லாமல், நம்பிக்கை அற்றவர்களுக்கும் சேர்த்தே தன் இயக்கத்தை நடத்துகிறது.  

சரி... குப்புசாமிக்கு நம்மீது நம்பிக்கை இல்லை.  அவன் எக்கேடு கெட்டுப் போனால் என்ன என்று விட்டுவிடுமா கிரகங்கள்? விடாது கருப்பு என்கிற மாதிரி காலநேரமாக மாறி சுற்றி சுற்றி வருகிறது. 

போகட்டும்.

காக்கா குருவியாக பிறந்திருந்தால் கவலை இல்லை.  நிகழ்கால வாழ்க்கையை வாழ்ந்து விட்டு போயிருக்கலாம். 

எதிர்கால சிந்தனைகள் இல்லாமல் இருந்திருக்கலாம். ஆனால் மனிதனாக பிறந்து விட்டோமே? எதிர் நீச்சல் போட்டுத்தானே ஆக வேண்டும். வாழ்ந்தான் என்று வையகம் போற்றா விட்டாலும், வீழ்ந்தான் என்ற அவப் பெயர் இல்லாமல் இருக்க வேண்டும். 

நாமும் அழுது நம்மை சார்ந்தவர்களையும் அழ வைக்காமல் இருக்க வேண்டும். இதுதான் அனைவரின் அவா. 

உண்மையில் சராசரி மனித வாழ்க்கையில் என்ன தேவை? விரல் விட்டு எண்ணினால் பத்து பனிரெண்டு ஆசைகள் பூர்த்தியானாலே போதும். போகும் பாதை எல்லாம் பூங்காவனம் என்கிற மாதிரி வாழ்க்கை அமைந்து விடும்.

சொல்லவா பட்டியலை.

நம் பிறப்பு நல் குடியில் அமைய வேண்டும். அன்பான அப்பா அம்மாவை பெற வேண்டும். நல்ல சுற்றத்தார் அமைய வேண்டும். ஆரோக்கியமான தேகத்தை பெற வேண்டும். நல்ல கல்வி, அதற்கேற்ற வேலை, தேவைக்கு அதிமாக வருமானம் வேண்டும்.

அன்போடு அழகும் சேர்ந்த மனைவி, அழகான பிள்ளைகள், வீடு, ஒரு வாகனம், அட... கொஞ்சம் விஸ்தாரமான தோட்டம் தொறவு, பிக்கல் பிடுங்கல் இல்லாத, எதிரிகள் இல்லாத அமைதியான வாழ்க்கை அமைந்து விட்டால் யோகவான். 

இதுதாங்க பலருக்கு பிரச்சனை. ஒன்றை கொடுக்கும் கிரகங்கள் ஒன்றை தர மறுக்கிறது. ஒருவருக்கு காதல் பிரச்சனை. இன்னொறுவருக்கு காதலியால் பிரச்சனை. ஒருவருக்கு வேலையில்லா வேதனை, மற்றவருக்கோ வேலையில் வேதனை. 

சிலர் நல்லவராய் இருந்தும் நல்ல பெயர் கிடைக்க மாட்டேங்குது.  விலகிப் போனாலும் விடாது துரத்தும் வில்லங்க விவகாரங்கள்.  கடன் தொல்லைகள் என்று நெருக்கடிகள் ஒருபுறம்.

சொந்த யோசனைகளை மற்றவருக்கு சொன்னால் பலிக்கிறது.  அதையே  தனக்காக பிரயோகித்தால்  தவழும் பிள்ளை மாதிரி தடுமாறி விழ வேண்டிய கட்டாயம். எனக்கு மட்டும் ஏன் இப்படி நடக்கிறது என்று அங்கலாய்க்க வேண்டியிருக்கிறது.

நல்ல அழகு, உயர்நிலை படிப்பு, அதற்கேற்ற உத்தியோகம், கை நிறைய சம்பளம் என்று வாழ்க்கையை நடத்துகிற சிலருக்கு கல்யாண தேவதை கண்ணசைக்க மாட்டேங்கிறாள். ஊரு கல்யாணத்தை பார்த்தே உச்சி கொட்டி கொண்டிருப்பார்கள். 

வேறு சிலருக்கு பருவத்தே பயிர் செய் என்கிற மாதிரி காலாகாலத்தில் எல்லாம் நடந்து முடிந்து விடும். ஆனால் வாய்த்த வாழ்க்கைத்துணையால் வாழ்க்கையோடு போராடிக் கொண்டிருப்பார்கள். 

இப்படி பலதரப்பட்ட மனிதர்களுக்கு பலதரப்பட்ட சோதனைகள். வேதனைகள். இதற்கெல்லாம் காரணம் கிரகங்கள். கிரகங்களின் தாக்கத்தை அறிந்து கொண்டு அதற்கேற்ப நம் வாழ்க்கைப் பாதையை அமைத்துக் கொண்டால், ஓரளவு பிரச்சனைகளில் இருந்து விடுபடலாம். அதுதான் ஜோதிட சாஸ்திரம்.

ஒருவருக்கு களத்திரபாவம் சரியாக அமைய வில்லை என்றால், மாப்ளிள்ளை விநாயகர் மாதிரி காத்திருக்க வேண்டி வரலாம். அல்லது  வருகிற மனைவி பார்வதி பரம்பரையோ என்று சொல்கிற மாதிரி எதிர்வாதம் செய்கிற பெண்ணாக வரலாம். 

அப்படி நடந்து விடாமல் இருக்க வேண்டுமானால் சரியான வரன்களை தேடி அமைத்துக் கொள்வதுதான் புத்திசாலித்தனம். அனுசரித்துப் போகும் அமைப்புள்ள பெண்ணாக பார்த்து திருமணம் செய்தால் களத்திரபாவ குளறுபடியை குறைத்து விடலாம்.  அதுதான் பொருத்தம். 

ஒரு உண்மை சம்பவம். 

எனது ஊரைச் சேர்ந்த நண்பர் ஒருவர் பெயர் வேண்டாம். (நான் பெயரை சொல்லா விட்டாலும், எனது ஊரை சேர்ந்தவர்களுக்கு அவர் யார் என்று தெரிந்து விடும்)

 மிக சாதாரண குடும்பத்தில் பிறந்தவர். ஆனால் அவரின் பரம்பரை என்று சொல்லக் கூடிய சொந்தபந்தங்கள் என் ஊரில் மிக வசதியானவர்கள். 

அந்த குடும்பத்தின் பின்னனியில் வந்த பையன் என்பதால் பொதுவாக அவர் மீது பலருக்கு நம்பிக்கை உண்டு.  பட்டம் படித்தவர்.  படிப்புக்கேற்ற வேலை தேடுவோம் என்றில்லாமல் சொந்தமாக எதையாவது செய்ய வேண்டும் என்று ஆசைப்பட்டார்.

எதையாவது என்ற கேள்விக்கு விடையாக அவர் கண்டுபிடித்தது சிட்பெண்ட்.  முதலில் சிறு சேமிப்பாகயாக துவங்கப்பட்டது. கையில் கிடைக்கும் பணத்தை அது ஒரு ரூபாயாக இருக்கலாம், ஐந்து ரூபாயாக இருக்கலாம், தனது கணக்கில் வரவு வைக்கலாம்.

நூறாவது நாள் அந்த பணம் திருப்பிக் கொடுக்கப்படும். இடையில் பணம் தேவை என்று கேட்டால், கமிஷம் தொகை பிடித்தம் செய்து கொண்டு மீதப் பணம் மட்டுமே கொடுப்பார்கள். 

இப்படி சிறுதுளியாக துவங்கப்பட்ட அவரது சிப்பெண்ட் பார்த்துக் கொண்டிருக்கும் போதே வளர்துவிடும் பெண் பிள்ளைகள் மாதிரி வளர்ந்தது. 

சரி... சேமிப்பாக கிடைக்கும் பணத்தை வெறுமே வைத்திராமல் அதை நூறுநாள் தவணையாக வட்டிக்கு கொடுத்து வாங்கினால் என்ன என்று யோசித்தவர் அதை செயல்படுத்தவும் செய்தார்.

நல்ல வருமானம் வந்தது. சிலர் பெரிய இடத்து பையன் என்கிற எண்ணத்தில் தங்களிடம் இருந்த தொகையை இவரிடம் குறைந்த வட்டிக்கு கொடுத்தார்கள். அதை இவர் பெரிய வட்டிக்கு விட்டு வருமானத்தை உயர்த்தினார்.  பணம் தந்தவர்களுக்கு மாதா மாதாம் வட்டித் தொகை வீடு தேடிப் போனது. 

இது போதாதா அவர் நற்பெயர் எடுப்பதற்கு.  பலன் பெற்றவர் தனக்கு வேண்டியவர்களிடம் சொன்னார். 

அவர்களும் சும்மா இருக்கும் பணத்தை இவரிடம் கொடுத்தால் வட்டி வளருமே என்று கொடுக்க, இவரும் மாதம் தவறாமல் வட்டியை கொடுக்க சில ஆயிரங்களில் இருந்த இவரது வரவு செலவு பல லட்சங்களை தாண்டியது. கோடிகளை கூட தொட்டு விடுவார் என்று பேசுகிற அளவிற்கு அவரின் வளர்ச்சி பிரமாண்டமாக இருந்தது. 

இங்குதான் கிரகங்களின் சதிவேலை ஆரம்பமானது.  தேவைக்கு அதிகமான ஊழியர்கள். எங்கே இருக்கிறார்கள், என்ன செய்து கொண்டிருக்கிறார்கள் என்பதை உடனுக்குடன் அறிந்து கொள்ள வசதியாக தொலைபேசிகள். அவர்கள் தங்க பல வீடுகள் என்று நிர்வாக செலவுகளை அதிகப்படுத்திக் கொண்டே போனார். 

இந்த லட்சனத்தில் நான் ஏனென்ஸி எடுக்கிறேன் பேர்வழி என்று விளம்பரம் இல்லாத பொருட்களை வாங்கி மார்க்கெட்டிங் செய்ய முனைந்தார். அதற்காக கடன் கொடுத்தவர்களின் பணம் கைமாறியது. 

இந்த நிலையில்தான் என்னை ஒருநாள் சந்தித்தார்.  தனக்கு ஜாதகம் பார்க்க வேண்டும் என்றார். அவரைப் பொறுத்தவரை ஜாதகம் பார்க்க காரண காரியம் எல்லாம் இல்லை.  சும்மா ஒரு பொழுது போக்கிற்காக அப்படி சொல்லி இருக்கிறார்.

பொதுவாக நான் யாரையும் தேடிச் சென்று ஜாதகம் பார்க்கும் பழக்கம் இல்லை. என்னை தேடி வருபவர்களுக்கே ஜாதகம் சொல்வேன். ஆனால் அழைப்பது நண்பராயிற்றே. மறுக்க முடியுமா?

சரி... ஞாயிற்றுக்கிழமை பார்ப்போம் என்று சொல்லி விட்டேன். ஏற்கனவே வாடகைக்கு பிடித்துப் போட்டிருந்த ஒரு வீட்டை சுட்டிக் காட்டி அங்கே வந்து விடுங்கள் என்றார். விருப்பம் இல்லை என்றாலும் மறுக்கவில்லை நான். நண்பராயிற்றே.

ஞாயிறு வந்தது.  நானும் நண்பரின் இருப்பிடம் தேடி சென்றேன்.  அங்கே அவர் எனக்காக தன் நண்பர் ஒருவருடன் காத்திருந்தார். சற்று நேர உரையாடலுக்கு பிறகு ஜாதகம் பார்க்கும் படலம் ஆரம்பமானது.

ஜாதகத்தை பிரித்து கிரக நிலைகளை ஆராய்ந்தேன். தசா புத்தியை கணக்கிட்டேன். தொழில் பாவத்தை பார்த்தேன். அதிர்ந்து போனேன். 

காரணம்... ஆசைக்காட்டி மோசம் செய்யும் நிலையில் ராகுபகவான் அமர்ந்து தன் தசாவை நடத்திக் கொண்டிருந்தார். வழுக்குப் பாறையில் வண்டி ஓட்டுகிற மாதிரி ஒரு ஆபத்தான கட்டத்தில் இருப்பதை உணர்ந்து கொண்டேன்.

அதனால் அவருக்கு பக்குவமாக எடுத்துரைத்தேன். நண்பரே தங்கள் ஜாதகத்தில் கிரக அமைப்புகள் பலமாக உள்ளன, மறுக்கவில்லை. ஆனாலும் தற்சமயம் நடக்கும் திசை தங்களுக்கு சாதகமாக இல்லை. அதனால் மிக கவனமாக காலடி எடுத்து வைக்க வேண்டிய கட்டாய சூழ்நிலை இருக்கிறது என்றேன்.

உடனே அவர் இளக்காரமாக என் ஜாதகத்தில் எத்தனை யோகங்கள் இருக்கிறது தெரியுமா என்றார்.  

உண்மைதான் நான் மறுக்கவில்லை. ஆனால் இப்போது அந்த யோகத்தை பெறுகிற நேரம் இல்லை என்பதுதான் ஜாதக நிலை என்றேன்.  என்ன நினைத்தாரோ... சட்டென எழுந்து விட்டார். ஒகே... கிருஷ்ணன் எனக்கு கொஞ்சம் அவசர வேலை இருக்கிறது. நான் வெளியே போக வேண்டும். 

மேற்கொண்டு பலனை நண்பரிடம் சொல்லுங்கள் நான் கேட்டுக் கொள்கிறேன் என்று சொன்னவர் என் பதிலை கூட எதிர்பார்க்காமல் விறுட்டென வெளியேறினார். 

எனக்கோ தர்ம சங்கடமான நிலை.  யாருக்காக என் கொள்கையை விட்டுக் கொடுத்து ஜாதகம் பார்க்க வந்தேனோ, அவர் இல்லாத பொழுது அவருக்காக ஜாதகம் சொல்வதில் எனக்கு விருப்பம் இல்லை. 

அப்போது என் நண்பரிடம் இருந்து, ஜாதகம் கேட்க சொன்னவருக்கு போன் வந்தது.  போன் அழைப்பு யாராக இருக்கும் என்பதை என்னால் யூகிக்க முடிந்தது. அவரை அழைத்தது என் நண்பரே தான்.  

ஒன்னும் கேட்க வேண்டாம். காசை கொடுத்து அனுப்பு என்று போனில் சொல்வது எதிரில் இருந்த எனக்கே தெளிவாக கேட்டது.  போனை அணைத்தவர்... ஒரு முக்கியமாக வேலை நான் மறந்துட்டேன்.  தப்பா நினைக்காதீங்க, நாம நாளைக்கு பேசலாமா என்றார்.  

உடன் பாக்கெட்டில் இருந்து ஐநூறு ரூபாயை எடுத்து நீட்டியவர், இதை வைத்துக் கொள்ளுங்கள் என்றார்.

சாரி... நண்பரே... நான் பணத்திற்காக வரவில்லை. அவர் எனது நண்பர் என்ற முறையில்தான் வந்தேன், உங்க வேலையை போய் பாருங்கள் என்று சொல்லி விட்டு நான் வந்து விட்டேன்.

சில நாட்கள் கழித்து எனக்கு நெருக்கமான நண்பர் மூலமாக ஒரு தகவலை கேள்விப் பட்டேன். கிருஷணனுக்கு ஜாதகம் பார்க்க தெரியலை என்பதே என் நண்பரின் கமெண்ட்.  

எப்போதுமே கிரகங்கள் ஒருவரை வஞ்சிப்பது என்று முடிவெடுத்து விட்டால், போகாத ஊருக்குத்தான் வழிகாட்டும்.  தப்பான முடிவுகளைதான் எடுக்க வைக்கும்.

அப்படி ஓர் தப்பான முடிவை அவர் எடுத்தார். 

இந்நிலையில் இரால் வளர்ப்பு என்னும் புதுத் தொழிலில் கால் பதித்தார். இரால் வளர்ப்பு என்பதே சூதாட்டம் மாதிரிதான். வந்தால் வரும், போனால் தலையில் முக்காடுதான். போட்ட காசை எடுக்க முடியாது. 

ஆனாலும் நண்பர் பல வளர்ப்பு குளங்களை வாடகைக்கு எடுத்து இரால் வளர்ப்பில் ஈடுபட்டார். நூறு நாட்கள் எந்த பிரச்சனையும் இல்லாமல், நோய்கள் தாக்காமல் இரால் வளர்ந்து விட்டால் பலமடங்கு லாபத்தை தந்து விடும் என்பது உண்மையே. ஆனால் அதற்கு கால நேரம் ஒத்துழைக்க வேண்டுமே. 

நம்பவைத்து நயவஞ்சகமாக கழுத்தறுப்பது என்று ராகு முடிவெடுத்து விட்ட பிறகு கிருஷ்ணன் சொல் அம்பலம் ஏறுமா?

ஒரு மாதம் கடந்திருக்கும்.  ஒரு நாள் மழை வந்தது.  மழை என்றால் உங்க வீட்டு மழை எங்க வீட்டு மழை இல்லை. பேய் மழை.  இரவில் பிடித்த மழை விடிந்த பிறகுதான் விட்டது.  விட்டப் பிறகு பார்த்தால் எங்குப் பார்த்தாலும் தண்ணீர்...தண்ணீர்...தண்ணீர். 

நண்பர் இரால் வளர்க்கும் தொட்டிலை மூழ்கடித்திருந்தது மழை.  அவருக்கு மட்டும் அல்ல, அச்சமயம் அங்கே இரால் வளர்ப்பில் ஈடுபட்டிருந்த அத்தனைப் பேருக்குமே அந்த பாதிப்புதான். 

வெள்ளம் வடிய சில வாரங்கள் பிடித்தது. அதன் பிறகுப் பார்த்தால், குளத்தில்¢ வளர்க்கப்பட்ட இரால் எதுவுமே அதில் இல்லை. எல்லாம் வெள்ளத்தோடு வெள்ளமாக போய்விட்டது. நண்பருக்கு பலத்த நஷ்டம்.  ஈடு செய்ய முடியாத இழப்பு.  

இதில் செய்யப்பட்டது எதுவுமே சொந்தப் பணம் அல்ல.  குறைந்த வட்டிக்கு வாங்கிய பணம்.  உரியவர்களுக்கு திருப்பிச் செலுத்த வேண்டிய தொகை.  நஷ்டத்திற்கு உள்ளானார் என்பதை அறிந்த முதலீட்டார்கள் முன்னெச்செரிக்கையாக கொடுத்த பணத்தை திருப்பிக் கேட்டார்கள்.

முதலில் இதோ அதோ என சாக்கு போக்கு சொல்லி தப்பித்தவருக்கு, தொடர்ந்து ஒரே வசனத்தை பேச முடியாத சூழல்.  

மிக சாதாரணமாக வந்து கேட்டவர்கள், தங்கள் கோபத்தை காட்ட துவங்கியதும்,  ஒரு கட்டத்தில் அலுவலக பொருட்களை வண்டியில் ஏற்றிச் சென்றதும் என தகவல் பரவ... ஒரே சமயத்தில் அனைவரும் திரண்டு விட்டனர். நண்பர் தலைமறைவாகி விட்டார். 

பின் ஒரு மாதத்திற்கு பின், வேறு ஒரு நண்பர் மூலமாக தலைமறைவாக இருந்தவர் எனக்கு அழைப்பு விடுத்தார். 

எதற்கு?

ஜாதகம் பார்க்க. 

எனக்கு என்ன சொல்வது என்றே தெரியவில்லை.  ஆனாலும் அவரிடம் சொல்லி அனுப்பினேன்.  எனக்கு ஜாதகம் பார்க்க தெரியவில்லை என்று அவர்தான் சொன்னார்.  வேதனையில் இருப்பவரை மேலும் வேதனைப்படுத்த இதை சொல்லவில்லை. 

என் மூலமாக அவருக்கு கிரகங்கள் முன்னெச்சரிக்கை செய்யவே முனைந்தன. ஆனாலும் அதை அவர் அலட்சியப்படுத்தி விட்டார்.  போகட்டும். 

நடந்ததை பேசி பலனில்லை.  என்றாலும் அவரிடம் சொல்லுங்கள்.  இது தற்காலிகம்தான். மீண்டும் அவருக்கு நல்லகாலம் திரும்பும். ஆனால் அதற்கு அவர் பத்து வருடங்கள் பொறுத்திருக்க வேண்டும் என்பதே உண்மை நிலை என்று சொல்லி அனுப்பினேன். 

இது மனசமாதான பதில் இல்லை.  அவர் ஜாதக பலாபலன் அதுதான். அவர் மீண்டு வருவார் என்பதுதான் உண்மை. இதை நான் இங்கு சொல்லிக் காட்டுவதின் நோக்கமே உங்கள் ஜாதகத்தையும் நன்கு ஆராய்ந்து, காலநேரத்தை  கணக்கிட்டு செயல்பட்டால் குறைந்தபட்ச தோல்வியோடு தப்பித்து விடலாம். 

தொழில் என்றில்லை, குடும்ப சூழல், வீடு வாகன யோகம், கல்வியோகம், கடல் கடந்த பயணங்கள், மண வாழ்க்கை அமைப்பு என்று அனைத்தையும் சிறப்புடன் அமைத்துக் கொள்ளலாம் என்பதுதான் உண்மை.  

இப்போது தினமணி கட்டண சேவையில் என்னை தவிர்த்து மற்ற மூன்று பிரபலமான ஜோதிடர்கள் பலன் சொல்ல காத்திருக்கிறார்கள். நீங்கள் தெளிவான பதிலை பெற விரும்பினால் அவர்களையும் நீங்கள் அனுகலாம்.

இச்ச் சேவையை பெற முதலில் தினமணி இணையத்திற்கு செல்லுங்கள்.  



அங்கே தலைப்பு வரிசையில் உள்ள ஜோதிட சேவைகள் என்பதை கிளிக் செய்யுங்கள்.  செய்தால் கீழ்காணும் பக்கம் திறக்கும்.



  
அதில் பிரத்தியோக ஜோதிட ஆலோசனைகள் என்பதை கிளிக் செய்யுங்கள்/
செய்தால் கீழ்காணும் பக்கம் திறக்கும். ஒரு புதிய பக்கம் திறக்கும். அங்கே தான் என்னோடு சேர்த்து மொத்தம் நான்கு பேர் உங்களுக்கு ஜோதிட ஆலோசனைகள் வழங்க தயாராக இருக்கிறார்கள்.

முதலில் ஜோதிடர் பெருங்குளம் ராமகிருஷ்ணன்

பெருங்குளம் ராமகிருஷ்ண ஜோதிடர், பரம்பரையாக ஜோதிடக் குடும்பத்தில் வந்தவர். தாத்தா, தந்தை என முறையாக பரம்பரை அனுபவத்தில் ஜோதிடம் கற்றவர். 

தாமிரபரணி பாயும் நவதிருப்பதிகளில் ஒன்றும் 108 திவ்யதேசங்களில் ஒன்றுமான திருக்குளந்தை என்ற பெருங்குளம் கிராமம் மற்றும் கோவில் ஜோதிடர். இவரின் முன்னோர்கள் ஜோதிடத்திலும், வானவியலிலும் ஞானம் பெற்றவர்கள். 

வேதங்கள் மந்திரங்கள் சொல்வதிலும் பயிற்சி பெற்றிருக்கும் இவர், மதுரை காமராஜர் பல்கலைக்கழகத்தில் எம்.சி.ஏ., படித்தவர். நம் தினமணி தளத்தில் ஜோதிட பலன்களைச் சொல்லி வருகிறார். தினப் பலன், மாத பலன்கள், நியூமராலஜி என்ற எண்ணியல் பெயர்ப் பலன்களைச் சொல்லி வரும் இவருக்கு வாசகர்கள் வட்டம் பெரிது. பல குடும்பங்களுக்கு ஜோதிட ஆலோசனைகளை வழங்கி அவர்களின் நம்பிக்கையையும் நன்மதிப்பையும் பெற்றவர்.

இவரிடம் ஜோதிட ஆலோசனைகள் பெற விரும்பினால் அவர் பெயரை கிளிக் செய்தால் புதிய பகுதி திறக்கும். அங்கே நீங்கள் கேட்க விரும்பும் கேள்வியை கிளிக் செய்தால் உங்கள் பெயர், பிறந்த தேதி, மாதம், வருஷம், பிறந்த இடம் போன்ற விபரங்களை பூர்த்தி செய்து add to cart என்பதை கிளிக் செய்து பணத்தை செலுத்தி பதில்கள் பெறலாம்.


ஜோதிட அமிர்தம் மாத இதழின் பதிப்பாளர் ஆசிரியராக இருந்தவர். ஜீவஜோதிடம் இதழின் ஆசிரியர் பொறுப்பில் இருந்து ஜோதிடக் கட்டுரைகள், பலன்கள், ஆய்வு நுணுக்கங்களை எழுதிவருகிறார்.

ஆன்மிக சொற்பொழிவாளர். தொலைக்காட்சிகளில் ஜோதிடம் குறித்த நிகழ்ச்சிகளில் கலந்து கொண்டு வருகிறார்.

கடந்த 22 வருடங்களுக்கும் மேலாக ஜோதிடத் துறையில் உள்ள இவர், ஜோதிட வாணி, ஜோதிட வித்யாஸ்ரீ, ஜோதிட அரசி உள்ளிட்ட பட்டங்கள் பெற்றவர்.

பல குடும்பங்களுக்கு குடும்ப ஆலோசகராகவும் உள்ள இவர், திருமணம், தொழில், குடும்பப் பிரச்னைகள், வியாபாரம், கல்வி, வீடு மனை உள்ளிட்ட பலவற்றுக்கும் நல்ல ஆலோசனைகளை வழங்கி நன் மதிப்பைப் பெற்றவர்.

குருபெயர்ச்சி, சனிப்பெயர்ச்சி குறித்த புத்தகங்கள் எழுதியுள்ளார். மேலும், ஜோதிட நுணுக்கங்களை விவரித்து புத்தகங்கள் சில எழுதியுள்ளார்.

இவரிடம் ஜோதிட ஆலோசனைகள் பெற விரும்பினால் அவர் பெயரை கிளிக் செய்தால் புதிய பகுதி திறக்கும். அங்கே நீங்கள் கேட்க விரும்பும் கேள்வியை கிளிக் செய்தால் உங்கள் பெயர், பிறந்த தேதி, மாதம், வருஷம், பிறந்த இடம் போன்ற விபரங்களை பூர்த்தி செய்து add to cart என்பதை கிளிக் செய்து பணத்தை செலுத்தி பதில்கள் பெறலாம்.


 தொழில் முறையில் கடந்த சில வருடங்களாக ஜோதிட ஆலோசனைகள் கூறிவரும் இவர், ஜோதிடம், யோகா, இசை கற்றவர். இதழ்களில் ஜோதிடக் கட்டுரைகள் எழுதி வருகிறார். ஜோதிட சேவைக்காக விருதுகள் பெற்றவர்.

இவரிடம் ஜோதிட ஆலோசனைகள் பெற விரும்பினால் அவர் பெயரை கிளிக் செய்தால் புதிய பகுதி திறக்கும். அங்கே நீங்கள் கேட்க விரும்பும் கேள்வியை கிளிக் செய்தால் உங்கள் பெயர், பிறந்த தேதி, மாதம், வருஷம், பிறந்த இடம் போன்ற விபரங்களை பூர்த்தி செய்து add to cart என்பதை கிளிக் செய்து பணத்தை செலுத்தி பதில்கள் பெறலாம்.

அல்லது என்னிடம் ஜோதிட ஆலோசனைகள் பெற விரும்பினால் என்னை பற்றிய குறிப்பை பார்க்கவும்


பத்தாண்டுகளுக்கு மேலாக தொழில் முறை ஜோதிடர். பத்தாயிரம் ஜாதகத்திற்கு மேல் பலன் கூறிய அனுபவம் உள்ளவர். ஆய்வு, அலசல், தீர்வு என்ற அடிப்படையில் ஆய்வுக் கட்டுரைகள் எழுதிய அனுபவம் பெற்றவர். 

ஜோதிட பயிற்சி பாடங்கள் வழியாக தமிழகம் முழுவதும் ஆயிரத்துக்கும் மேற்பட்ட மாணவர்களை உருவாக்கியவர். வாக்கு பலித்த ஜோதிடர் என்று வாழ்த்து பெற்ற இவர், இதுதான் பலன் என்று துல்லியமாகச் சொல்லும் ஆற்றல் மிக்கவர்.

தமிழகத்தில் இருந்து வெளியாகும் ஜோதிட மாத இதழ்கள் பலவற்றில் ஜோதிட நுணுக்கங்களுடன் கட்டுரைகள் பல எழுதியுள்ளார்.

மலேசியாவில் தற்போது, தொழில் முறை ஜோதிடராகவும், பகுதி நேர பத்திரிக்கையாளராகவும் இருந்து வருகிறார். தினமணியின் ஜோதிட தளத்தில் ஜோதிடக் கட்டுரைகள், பொதுப் பலன்கள் எழுதி வருகிறார்.

என்று தினமணி தளத்தில் குறிப்புகள் உள்ளது.  யாரிடம் கேள்வி கேட்டு பதில் பெற ஆசைப்படுகிற்களோ அவர்களிடம் பதில் பெற்று வாழ்வை வளமாக்கி கொள்ளுங்கள். 

நன்றி வணக்கம்/
அன்புடன் 
ஜோதிடர் ஸ்ரீகிருஷ்ணர் 


Sunday, 13 April 2014

நீங்கள் சீக்கிரம் செல்வந்தராகி விடுவீர்கள்.



நீங்கள் வாழ்க்கையை நிர்வாகம் செய்ய வேண்டும்; 
இல்லையெனில்  வாழ்க்கை உங்களை அடிமைப்படுத்திவிடும்!

சூனியத்தை வாழ்க்கை சகித்துக் கொள்ளாது. அர்த்தமுள்ள பயனுள்ள நடவடிக்கைகளால் வாழ்க்கையை நீங்கள் நிரப்ப வேண்டும். இல்லையென்றால் விதியானது குப்பை கூளங்களைப் போன்ற பிரச்சினைகள் - தொல்லைகள் இவற்றைப் போட்டு உங்கள் வாழ்க்கையை நிரப்பி விடும்.

நீங்கள் உங்களை, உங்கள் வாழ்க்கையை நிர்வாகம் செய்ய வேண்டும். திட்டமிட்டுக் கட்டுப்படுத்தி - நீங்கள் தேர்ந்து எடுக்கிற நடவடிக்கைகள் வாயிலாக அதை நிரப்பிட வேண்டும். 

இல்லாவிடில் வாழ்க்கை உங்களை அடிமையாக்கி விடும்; பிரச்சினைகள், தொல்லைகள், கஷ்டங்கள் - மாறுபாடுகள் இவற்றில் உங்களைப் போட்டு அலைக்கழித்து விடும்.

ஏன் என்றால் வாழ்க்கை என்பது சூனியத்தைச் சகித்துக் கொள்ளாது. நீங்கள் விரும்புகின்றவற்றைக் கொண்டு வாழ்க்கையை நிரப்புங்கள். 

இல்லையென்றால் என்ன நடக்கும்? வாழ்க்கையை எப்படி நிர்வகிப்பது என்று தெரிந்து கொண்ட மற்றவர்கள், தூக்கி எறிந்த மிச்சம் மீதியை ஏற்க வேண்டிய தண்டனைதான் உங்களுக்குக் கிடைக்கும்.

ஆக வாழ்க்கையை எப்படி நிர்வகிப்பது? வாழ்க்கையை எப்படி நிர்வகிப்பது என்று தெரிந்து கொண்டால் பிறகு அது எளியதாகி விடும். அந்த வழிகளை இங்கே காணுங்கள். நாளை விடியும்வரை அதுபற்றிக் கவலைப்படாதே! என்று ஒரு பழமொழி உண்டு.

இதைத்தான் நீங்கள் கடைப்பிடிக்க வேண்டும். 

அடுத்தநாளைப்பற்றி இன்றே எண்ணத் தொடங்கினால் - நாளைய வாழ்க்கையை இன்றே வாழத்தொடங்கினால் - இன்றைய பிரச்சினைகளுடன் அடுத்தநாளைய பிரச்சினைகளும் சேர்ந்து கொள்ளும். 

நீங்கள் பிரச்சினைகளின் இரட்டிப்பு சுமையைச் சுமக்க நேரிடும். இதனால் உங்கள் வேலைச் சுமை இரட்டிப்பு ஆகும்.

டாக்டர் வில்லியம் ஒஸ்லர் என்பவர் ஒரு அறிவுரை கூறினார். ஒரு நேரத்தில் ஒரு நாளைய வாழ்க்கையை  வாழ்ந்திடுங்கள் இந்த அறிவுரையை ஏற்றால் நீங்கள் உங்கள் வாழ்க்கையை வெற்றிகரமாக நிர்வாகம் செய்ய முடியும்.

டாக்டர் ஒஸ்லர் மேலும்¢ எச்சரித்தார் : நேற்றைய சுமையோடு, இன்றைய சுமை இருக்கிறது. இதில் நாளைய சுமை என்கிற பளுவையும் ஏற்றி விட்டால் நீங்கள் தள்ளாட வேண்டியது தான் - இது அவருடைய எச்சரிக்கை.

உடல் அளவில், மனத்தளவில் உணர்வு பூரமாக - உங்கள் மேல் அதிக சுமைகளை ஏற்றிக் கொள்ளாதீர்கள். என்று தான் எல்லா மருத்துவ நிபுணர்களும் மனோதத்துவ நிபுணர்களும் தொடர்ந்து எச்சரிக்கிறார்கள்.

ஒரு மின்சாரம் வழங்கும் கம்பியில் அளவுக்கு அதிகமான மின்சாரத்தைப் பாய்ச்சினால் மின்சார ஓட்டம் நின்று விடும். பழுது பட்டுவிடும். 

அது போல உங்கள் இதயம் பழுது அடையலாம். அல்லது ஏதேனும் ஒரு முக்கிய உடல் உறுப்பு பழுது அடையலாம். அல்லது  உங்கள் மனம், உங்கள் உணர்வுகள் இவை பழுது அடையலாம். உங்களுடைய நரம்பு மற்றும் மனம் இவை கடும் பாதிப்புக்கு ஆளாகலாம்.

ஆக நேரத்தைக் கட்டுப்படுத்துவதன் வாயிலாக வாழ்க்கையை நிர்வாகம் செய்யத் தொடங்குங்கள். ஒரு நேரத்தில் ஒரு நாளைய வாழ்வை மட்டும் வாழக் கற்றுக்கொள்ளுங்கள். 

இன்றைய வாழ்வை வாழுங்கள். யாருமே அன்றாடப் பிரச்சினைகளை - இன்றைய பிரச்சினைகளை சமாளித்து விடலாம். ராபர்ட் லூயிஸ்டீவன்சன் சொன்னார்: “எவ்வளவு கடுமையான சுமையாக இருந்தாலும் யாரும் அதனை இரவுவரை சுமந்து விடலா. எவ்வளவு கடுமையான வேலையாக இருந்தாலும் அதனை யாரும் ஒரு நாளைக்குள் செய்து விடலாம்” என்று.

எந்த ஒரு நாளும் எவ்வளவு நாசகரமான விளைவுகளை ஏற்படுத்துவதாக இருப்பினும் உங்களை அடக்கி விட முடியாது. இது பற்றி வில்லியம் கௌடர் எனும் அறிஞர் உங்களுக்குப் பரிவுடன் கூறும் புத்திமதி வருமாறு : இருள் படிந்த நாளாக இருந்தாலும் அது நாளை காலைவரை இருந்தாலும் விடிந்ததும் அது உங்களை விட்டுச் சென்று விடும்.

நான் நேற்று நிமிர்ந்து நின்றிருந்தேன். இன்றும் அது போல் நிற்பேன் என்று டோரதி டிக்ஸ் என்பவர் எழுதினார். 

இது உங்களுக்கும் பொருந்தும். நீங்களும் அப்படி நிமிர்ந்து நிற்கலாம்.

உங்கள் வாழ்க்கையை நாட்கள் எனும் அளவு கோலால் பகுத்து வைத்து விடுங்கள். பிறகு உங்கள் வாழ்க்கையை நிர்வாகம் செய்து விடலாம்.

ஒவ்வொரு நாளையும் மணிகள் என்கிற கால அளவையால் வகுத்துக் கொள்ளுங்கள். ஒவ்வொரு மணிக்கான பணியிலும் முழு அளவு கவனம் செலுத்துங்கள். ஒரு தடவைக்கு ஒரு மணிநேர வேலை என்று பகுத்து வைத்துக் கொள்ளுங்கள். இதன் மூலம் நீங்கள் நேரத்தை கட்டுக்குள் வைத்துக் கொள்ள முடியும்.‘

நேரத்தைக் கட்டுக்குள் வைத்துக் கொள்வதன் வாயிலாக, அந்த நேரத்தைக் கொண்டு செய்யும் வேலைகளைக் கட்டுப்பாட்டுக்குள் கொண்டு வருவதன் வாயிலாக - நீங்கள் உண்மையில் உங்கள் வாழ்க்கையை ஒரு கட்டுப்பாட்டுக்குள் கொண்டு வந்து விடுகிறீர்கள் என்று அர்த்தம். 

எனென்றால் காலம் தான் வாழ்க்கை. இது உங்கள் காலம். இது உங்கள் வாழ்க்கை. வாழ்க்கையை உங்கள் கட்டுப்பாட்டுக்குள் வைத்திருங்கள். இல்லாவிடில் அதற்கு நீங்கள் அடிமையாகி விடுவீர்கள்.

காலத்தை - நீங்கள் கட்டுக்குள் வைத்து நிர்வாகம் செய்வதற்கு வசதியாக அதனைப் பங்கு போடுங்கள். இத்தனை மணி இத்தனை நிமிடம் என்று பங்கு போடுங்கள். அதன்படி காலத்தை நீங்கள்  கட்டுப்படுத்த முடியும். நிர்வாகம் செய்ய முடியும். அதற்குக் கட்டளை இட முடியும். 

பகுத்து வைத்து வெற்றி கொள்ளுங்கள். என்கிற இந்த முறையானது,  வெற்றிக்கான நிரூபிக்கப்பட்ட வழிமுறைகளில் ஒன்று. 

ஒரு தடவையில் ஒரு மணி நேரம் என்று பிரித்துக் கொண்டு உங்கள் கவனத்தை அதிலே செலுத்துங்கள். குறிப்பிட்ட அந்த கால அளவான ஒரு மணி நேரத்துக்கான பிரச்சினைகளில் உங்கள் முழுக்கவனத்தைச் செலுத்துங்கள். அது பற்றிய வேலைகளைச் செய்யுங்கள். 

அழிந்து போன மணிகளில் ஏற்கனவே நிகழ்ந்த சம்பவங்கள் குறித்து மனதைச் சிதறடிக்க வேண்டாம். வரப்போகிற மணிகளில் செய்ய வேண்டிய வேலைகள் பற்றிய ஊகங்களில் ஈடுபட வேண்டாம். 

இப்படிச் செய்தால் கவனத்தை ஒரு முகப்படுத்தும் ஒரு சாதனையை நீங்கள் எட்டி விடுவீர்கள். இதன் மூலம் நீங்கள் அற்புதமான பலன்களைப் பெறுவீர்கள். மணிக்கு மணி - நாளுக்கு நாள் - வாரத்துக்கு வாரம் - நீங்கள் பலன்களைப் பெறுவீர்கள்.

காலத்தை வகைப்படுத்தி அதை நிர்வாகம் செய்து - திறமையுடன் ஆற்றலுடன் உங்கள் பணிகளில் கவனத்தை ஒரு முகப்படுத்தினால் - அதன் வாயிலாக நீங்கள் எதையெல்லாம் அடைவீர்கள் என்பதை நான் சொல்ல வேண்டியதில்லை.

உங்களுக்கே தெரியும்.

நீங்கள் சீக்கிரம் செல்வந்தராகி விடுவீர்கள்.

Saturday, 12 April 2014

நட்சத்திர பொதுப் பலன்கள்

உங்கள் நட்சத்திர பொதுப் பலன்கள்
ராசி வாரியாக
(27 நட்சத்திரங்களுக்கும், அந்த அந்த ராசிகள் வாரியாக )
கணித்து அளித்தவர்: 
 ஜோதிடர் ஸ்ரீகிருஷ்ணன்

Sunday, 6 April 2014

மலேசிய விமானம் கடத்தப்பட்டது பரபரப்பு வீடியோ செய்தி!!

உலகம் முழுவதும் உற்று நோக்க வைத்தது மலேசிய விமான மாயம். அது காணாமல் போய் கிட்டத்தட்ட ஒரு மாதத்தை நெருங்கி விட்டது. 25க்கும் மேற்பட்ட நாடுகள் ஒன்றிணைந்து தேடியும் இதுவரை எந்த தகவலும் இல்லை. 

விமானம் விபத்துக்குள்ளாகி இருந்தால் அதன் பாகங்கள் மிதந்திருக்கும். பயணிகளின் உடமைகள் மிதந்திருக்கும். ஆனால் இல்லை. கடத்தப்பட்டிருந்தால், கடத்தல்கார்கள் ஏதாவது பேரம் பேசி இருக்கலாம். அதுவும் நடக்கவில்லை. அப்படியானால் என்ன ஆனது என்ற கேள்விக்கு இதுவரை பதில் இல்லை. 

இந்நிலையில் thulikal.com விமானம் கடத்த பட்டதாகவும், அதில் பயணம் செய்த ஒரு பயணி sms அனுப்பியதாகவும் ஒரு வீடியோ தொகுப்பை வெளியிட்டு இருக்கிறது.தினமணி இணையதள ஆசிரியர் நண்பர் திரு. ஸ்ரீராம் அவர்கள் இந்த வீடியோவை அனுப்பி இருக்கிறார். அவருக்கு நன்றி. நீங்களும் பாருங்கள்.  இந்த செய்தியில் எந்த அளவிற்கு  உண்மைத்தன்மை இருக்கிறது என்று தெரியாது. 

இணையதள செய்தி இதுதான்.

கடத்த பட்ட மலேசிய விமான பயணிகள் 6 குழுக்களாக பிரிக்க பட்டு சிறை -

மலேசியா விமானாம் அமெரிக்க இராணுவ தளத்தில் நிற்கும் காட்சியை வெளியிடபட்டுள்ளதுடன் அதன் தரிப்பிடமும் இங்கே கண்டறிந்து தெரிவிக்க பட்டுள்ளது .

அதில் பயணம் செய்த பிலிப் வூட் அனுப்பிய குறும் செய்தி தகவலில் தனதுஊடக நண்பரான நிருபர் இஸ்டோம்முக்கு அவர் அனுப்பிய குறும் செய்தியில் இந்த விடயம் தெரிவிக்க பட்டுள்ளதுடன் ஐபோன் ஐந்தில் இருந்து இந்த செய்தி பரிமாற்ற பட்டுள்ளது .

தமக்கு சில விடயங்கள் தெரியும் அவர் குறிப்பிட்டுள்ளார் _ somthing we know என அவர் தெரிவித்துள்ளார்
காணொளியில் அதனை பார்க்கலாம்

அந்த sms எங்கிருந்து வந்தது என ஆராய்ந்த போதே மேற்படி இராணுவ விமானாம் நிற்கும் இடத்தை அது கோடிட்டு காட்டியுள்ளது .

மேற்படி விமனாத்தில் பயணம் செய்தவர்கள் ஆறு குழுக்களாக பிரித்து தனி தனி சிறை போன்ற வீடுகளில் அடைக்க பட்டுள்ளதும் அவர்களுக்கான உணவுகள்
போதியளவு வழங்க படாது உள்ளதகாவும் தெரிவிக்க படுகிறது .

இதில் சிலர் பிற இடங்களுக்கு கடத்த பட்டுள்ளதாக தெரிவிக்க பட்டுள்ளதுடன் குறித்த செய்தி வெளியான பின்னர் அவர்கள்
பிற இடங்களுக்கு கடத்த பட்டிருக்கலாம என தெரிய வருகிறது .

அத்துடன் விமானத்தின் ஒரு இறக்கை உடைந்த நிலையில் உள்ளதாக ரஷ்யா இதழ் ஒன்று தெரிவித்துள்ளது

இவர் அனுப்பிய செய்தி இதுதான் -இதைவைத்தே மேற்படி காணொளி விடயம் தெரிவிக்க படுகிறது ..

இவரே மலேசிய விமானத்தில் பயணித்த பிலிப் வூட் இவரே இந்த தொலைபேசி குறும் செய்தியை அனுப்பியவர்

(“I have been held hostage by unknown military personal after my flight was hijacked (blindfolded). I work for IBM and I have managed to hide my cellphone in my ass during the hijack. I have been separated from the rest of the passengers and I am in a cell. My name is Philip Wood. I think I have been drugged as well and cannot think clearly.”)

நாங்கள் அடையாளம் தெரியாத இராணுவ நபர்களினால கடத்த பட்டு சிறை வைக்க பட்டுள்ளோம் .நான் எனது மல வாசலுக்குள் தொலைபேசியை மறைத்து வைத்தேன் விமான கடத்தல் இடம்பெறும் போது ,.நான் சக பயணிகளிடம் இருந்து பிரிக்க பட்டு தனி சிறையில் அடைக்க பட்டுள்ளேன் .எனது பெயர் Philip Wood.நான் நினைக்கிறேன் எனக்கு போதை மருந்து ஏற்றபட்டுள்ளது தெளிவாக என்னால் எதனையும் சிந்திக்கமுடியவில்லை என அவர் குறிப்பிட்டுள்ளார்

இவரே இந்த அமெரிக்கா கடத்தியதாக குறித்த செய்தியை வெளியிட்டவர் ..இவருக்குக்கே விமானத்தில் பயணித்த பிலிப் வூட் ஆங்கிலத்தில் உள்ள செய்தியை அனுப்பிவைத்தவர்


புலிகளின் இன்னொரு முகம் -28


புலிகள் என்னிடம் விசாரித்த நபர்களான சேரன், ஜெயபாலன், தர்மலிங்கம் மாஸ்டர் ஆகிய மூவரும் என்னுடன் நன்கு பழகியவர்கள்தான். இவர்களில் உ.சேரனும், வ.ஐ.ச. ஜெயபாலனும் யாழ்.பல்கலைக்கழகத்தில் கல்வி கற்றவர்கள் என்ற வகையிலும், கலை இலக்கிய மற்றும் அரசியல் ஈடுபாடுகள் உள்ளவர்கள் என்ற வகையிலும் என்னுடன் பல சந்தர்ப்பங்களில் கதைத்து பழகியிருக்கின்றனர். 

அதிலும் ஜெயபாலன் தன்னை ஒரு இடதுசாரியாகவும் இனம் காட்டிக் கொண்டவர். அவரது பெற்றோh நெடுந்தீவைச் சேர்ந்தவர்கள் என்ற வகையிலும் (நெடுந்தீவில் அந்தக் காலகட்டத்தில் எமக்கு நிறையத் தோழாகள் இருந்தனர்) அந்த வழியிலும் அவருடன் பரிச்சயம் இருந்தது. 

அவர் முதலில் தோழர் விசுவானந்ததேவனின் தங்கையான சாரதாதேவியைத் (சாரதாதேவி 2008 ஆண்டில் திடீரென்று இலண்டனில் காலமானார்) திருமணம் செய்திருந்தவர் என்ற வகையிலும் இன்னொரு வழித் தொடர்பும் இருந்தது. இரண்டொரு தடவை ஜெயபாலன்  எனது அறையில் வந்து தங்கி இரவிராகக் கதைத்ததும்  உண்டு.

ஆனால் பிற்காலத்தில் சேரனும் ஜெயபாலனும் நாட்டைவிட்டு வெளியேறிவிட்டதனாலும், தமிழ் தேசியவாத அரசியல் சேற்றில் அவர்கள் தம்மை அமிழ்த்திக் கொண்டதனாலும், அவர்களுடனான எனது தொடர்பு அற்றுப்போய்விட்டது. 2004ம் ஆண்டளவில் ஜெயபாலனை மட்டும் ஒருமுறை கொழும்பில் சந்தித்தேன்.

‘ஈழநாதம்’ பத்திரிகை ஆசிரியர் ஜெயராஜின் மைத்துனர் தர்மலிங்கம் மாஸ்டரைப் பொறுத்த வரையில், அவர் ஜெயராஜின் மைத்துனர் என்ற வகையில் மட்டுமின்றி, நான் புத்தகக் கடை வைத்திருந்த யாழ்.பல்கலைக்கழகத்துக்கு அருகாமையில் உள்ள ஆத்திசூடி வீதியில் அவரது வீடு இருந்ததின் காரணமாகவும் எனக்கு அவர் பழக்கமாக இருந்தார். 

ஆத்திசூடி வீதியில் அவர்கள் நடாத்தி வந்த சனசமூக நிலையத்துக்கு எனது கடையில்தான் பத்திரிகைகள் வாங்குவது வழக்கம். அநேகமாக அவரே தினசரி பத்திரிகை எடுக்க வருவதால், சிறிது நேரம் உரையாடிவிட்டுச் செல்வார். அவர் ஒரு சிறந்த நாடகத் தயாரிப்பாளரும் நடிகரும் ஆவார். திரைத்துறைத் தொடர்புகளும் இருந்தது.

அவரது ஆத்திசூடி வீட்டில்தான் ஜெயராஜ் தங்கியிருந்து யாழ்.பல்கலைக்கழகத்தில் கல்வி கற்றார். யாழ்.பல்கலைக்கழகம் தொடங்கப்பட்ட பின்னர் அதில் கல்விகற்ற முதல் தொகுதி மாணவர்களில் ஜெயராஜ் மற்றும் புலிகளின் ஆலோசகர் போலச் செயற்பட்டு முள்ளிவாய்க்கால் இறுதியுத்தத்தின் பின்னர் இந்தியாவுக்குப் படகில் தப்பிச் சென்ற மு.திருநாவுக்கரசு ஆகியோர் இருந்தனர். 

அவர்கள் இருவரும் கடைசிவரை இணைபிரியா நண்பர்களாக இருந்ததுடன், தமிழ் தேசியவாதத்தை முன்னிறுத்தி கூட்டாக சில பிரசுரங்களையும் எழுதி வெளியிட்டுள்ளனர். தர்மலிங்கம் மாஸ்டரின் அந்த வீட்டில்தான் புலிகளின் பிரதித் தலைவர் மாத்தையா சில வேளைகளில் வந்து ஜெயராஜையும் திருநாவுக்கரசுவையும் சந்திதது உரையாடிச் செல்வது வழக்கம்.

ஜெயராஜ், திருநாவுக்கரசு ஆகிய இருவரும் என்னுடனும் சில வேளைகளில் அரசியல் விடயங்கள் அலசுவதுண்டு. இந்திய அமைதிப்படை இலங்கைக்கு வந்த பின்னா புலிகள் அவர்களிடம் ஆயுதங்களைக் கையளித்த வைபவம் யாழ்.பல்கலைக்கழகத்துக்கு அருகிலிருந்த எனது கடைக்கு முன்னாலேயே நடைபெற்றது. 

புலிகளின் ஆயுதங்களை ஏற்றிய வாகனங்கள் எனது கடைக்கு முன்னால் உள்ள வீதியில் நீளத்துக்கு நிறுத்தி வைக்கப்பட்டிருந்தன. பல உள்நாட்டு வெளிநாட்டு ஊடகவியலாளர்கள் செய்தி சேகரிப்பதற்காக அங்கு குழுமியிருந்தனர். 

அதில் ஒருவராக அகில இந்திய வானொலியின் பிரசித்தி பெற்ற நிருபர் பெருமாளும் எனது கடை வாசலில் நின்று கொண்டிருந்தார். அந்த பெருமாளுடன் ஜெயராஜ், திருநாவுக்கரசு ஆகிய இருவரும் அடியாத குறையாகச் சண்டை போட்டதும் நான் விலக்குப் பிடித்துவிட்டதும் இன்றும் எனது நினைவில் பசுமையாக உள்ளது. அந்த அளவுக்கு அவர்கள் இருவரும் புலிகளின் விசுவாசிகளாக இருந்தவர்கள். ஆனால் தர்மலிங்கம் மாஸ்டர் அவ்வாறான ஒருவர் அல்ல.

நான் கைதுசெய்யப்பட்டு ஆனைக்கோட்டை முகாமில் தடுத்து வைக்கப்பட்ட பின்னர், ஒருநாள் தர்மலிங்கம் மாஸ்டரை எனக்கு அருகில் வைத்து புலி ஒருவன் விசாரித்துக் கொணடிருப்பதைக் கண்டேன். பின்னர் அவர் விடுதலை செய்யப்பட்டுவிட்டதாக அறிந்தேன்.

புலிகள் என்னிடம் விசாரித்த நபர்களான சேரன், ஜெயபாலன், தர்மலிங்கம் மாஸ்டர் ஆகிய மூவர் பற்றிய எனக்கு தெரிந்த பின்னணி இதுதான். உண்மையில் அவர்கள் மூவரும் ‘மக்கள் குரல்’ வானொலியில் நிகழ்ச்சிகள் ஏதாவது நடாத்தினார்களா என்பது எனக்குத் தெரிந்திருக்கவில்லை. ஆனால் அவர்கள் மூவரையும் எனக்கு நன்கு தெரியும் எனக் கூறினேன்.

ஆனால் புலிகள் முன்னர் கூறியபடி இந்த மூவரினதும் பதிவு செய்யப்பட்ட குரல்கள் எதனையும் எனக்குப் போட்டுக்காட்ட வைக்கவில்லை. ஆனால் அவர்களில் ஒருவரான தர்மலிங்கம் மாஸ்டர் திரும்பவும் கைதுசெய்யப்பட்டதாகவும், விசாரணையின் பின்னர் புலிகள் அவருக்கு மரண தண்டனை நிறைவேற்றிவிட்டார்கள் எனவும் ஒரு செய்தி புலிகளின் வதைமுகாமுக்குள் இரகசியமாக வலம் வந்தது. 

அது உண்மைதான் என்பதை நான் ஒன்றரை வருடங்களின் பின்னர் விடுதலையாகி வெளியே வந்த பின்னர், என்னைச் சந்தித்த ‘ஈழநாதம்’ ஆசிரியர் ஜெயராஜ் மூலம் அறிந்து கொண்டேன். அதுபற்றி என்னிடம் கருத்து வெளியிட்ட ஜெயராஜ், இயக்கம் என்றால் அப்படித்தான், இந்த விடயத்தில் தன்னால் தனது மைத்துனரைக்கூட காப்பாற்ற முடியவில்லை எனக் கவலையுடன் கூறினார்.

தயாபரன் என்னை விசாரிக்கும் போது, திட்டமிட்ட முறையில் கேள்விகள் தயாரிக்கப்பட்டு கேட்கப்படுவதாக தோன்றியது. கேள்விகளை எழுந்தமானத்தில் கேட்காமல், ஒரு கடதாசியைப் பார்த்து கேட்பதில் இருந்து அதைப் புரிந்து கொண்டேன். 

யாரோ எனது தினசரி விசாரணை அறிக்கையைப் பார்த்து அடுத்த நாளைக்கான கேள்விகளைத் தயார் செய்து கொடுக்கிறார்கள் என எண்ணினேன். அதன் அடிப்படையில்தான் எனது முதல் நாளைய அறிக்கையைப் பார்த்து திசையும் இன்னொருவனும் என்மீது தாக்குதல் நடாத்தியதும் புரிந்தது.

தயாபரன் என்னை விசாரிக்கும் சில நாட்களில், ‘அம்புறோஸ்’ என்ற ஒருவன் வந்திருந்து எனது விசாரணையை அவதானிப்பான். விசாரணை நடக்கும் இடத்தில் அவன் எதுவும் பேசமாட்டான். 

இவன் புலிகளின் மூத்த புலனாய்வு உறுப்பினர்களில் ஒருவன் எனப் பின்னர் அறிந்து கொண்டேன். மந்திகையைச் சொந்த இடமாகக் கொண்ட அவன், பருத்தித்துறை ஹாட்லிக் கல்லூரியில் கல்வி கற்றவன். 

நன்கு கிரிக்கெட் விளையாடக் கூடியவன் என்றபடியால், பிரபல கிரிக்கெட் வீரன் அம்புறோசின் பெயரை இயக்கப் பெயராக வைத்திருந்தான். அவனது தோற்றத்தை வைத்து அவன் ஒரு புலி உறுப்பினன் என யாரும் அடையாளம் காண முடியாது. 

வழமையாக நாம் பார்க்கும் கன்னங்கள் உதுப்பிய, தலைமயிர் கட்டையாக வெட்டிய, உருண்டு திரண்ட தோற்றமுடைய புலிகள் போல அவன் இருக்கமாட்டான். மிகவும் கருமை நிறமுள்ள அவன், எப்பொழுதும் சாதாரண ஒரு சாரம் அணிந்து ஒரு கூலித் தொழிலாளி போலத்தான் தோற்றமளிப்பான்.

இந்த அம்புறோஸ் சில வேளைகளில் தயாபரன் என்னை விசாரித்து முடிந்ததும், தனியாக என்னை அழைத்துச் சென்று கதைப்பதுண்டு. அந்த நேரங்களில் அவனது உரையாடல்களில் எல்லா இயக்கங்களினதும் உள் விவகாரங்கள், இடதுசாரி அரசியல், சர்வதேச விவகாரங்கள், இலங்கையின் தேசிய அரசியல், இந்தியாவின் நக்சலைட் குழுக்கள், ஆப்கானிஸ்தானில் சோவியத் யூனியனுக்கு எதிராகப் போராடும் இயக்கங்கள் என பல்வேறு விடயங்கள் குறித்து உரையாடுவான். 

சிறைக்குள்ளே பத்திரிகைகள் எதுவும் பார்க்கக் கிடைக்காதாகையால், அம்புறோஸ் என்னைக் கூட்டிச் செல்லும் நேரங்களில் வெளியே சில வேளைகளில் பத்திரிகைகள் வாசிக்கத் தருவான். சில வேளைகளில் வானொலியில் செய்தி கேட்கவும் ஒழுங்கு செய்வான். இந்த அம்புறோஸ் தான் தயாபரன் என்னிடம் கேட்கும் கேள்விகளைத் தயார் படுத்துபவன் என எண்ணினேன்.

ஒருநாள் தயாபரன் என்னை விசாரித்துக் கொண்டிருக்கையில் அங்கு திடீரெனத் தோன்றிய காந்தி, என்னை எழுந்து தன்னுடன் வரும்படி கூறிவிட்டு, வேகமாக முன்னால் நடந்தான். அவனது கையில் பூவரசு மரக் கொட்டன் ஒன்று இருந்தது. அவனது வழமையான இருப்பிடத்தை அடைந்ததும் கண்களை உருட்டியவாறு முகத்தை கடூரமான தோற்றத்தில் வைத்துக்கொண்டு,

“செல்விக்கும் உனக்கும் உள்ள தொடர்புகள் என்ன?” எனக் கேட்டான்.

“செல்வி கம்பசில் படிப்பதால் அவரைத் தெரியும்” என்றேன்.

“அதுமட்டும் தானா?” என வினவினான்.

“ஓம்” என்றேன்.

“அப்பிடி வேறை தொடர்பு ஒண்டும் இல்லையெண்டால்ஸ ஏன் செல்விக்கும் தில்லைக்கும் நீ பியோன் வேலை பார்க்கிறனி?” என உறுமினான்.

அவனது கேள்வியின் அர்த்தம் புரியாமல், “என்ன பியோன் வேலை?” என அவனிடம் நான் கேட்டேன்.

“டேய் அவையள் தாற கடிதங்களை நீதானே கொழும்புக்கு அனுப்புறனி?” என கடுமையான கோபத்துடன் காந்தி சத்தமிட்டான்.

“என்ன கடிதம்?” என நான் மீண்டும் தயக்கத்துடன் கேட்டேன்.

“டேய் செய்யிறதையும் செய்துபோட்டு சுத்திறியாடா?” என உறுமியவாறு அந்தக் கொட்டனால் என்மீது சரமாரியாகத் தாக்கத் தொடங்கினான்.

தொடரும்..
நன்றி.
அன்புடனும் தோழமையுடனும்,
மணியம்.  இது தேனீ’ பிரசுரம்

Friday, 4 April 2014

இந்தியா முகத்தில குத்தினாலென்ன துப்பினாலென்ன...

இந்தியாவை பற்றி இலங்கை  தமிழர்கள்  என்ன சொல்கிறார்கள், என்ன நினைக்கிறார்கள் என்று தெரிந்து கொள்ள வேண்டுமா? இதோ ஒரு சாம்பிள்!!




ஜெனிவாத்தீர்மான'த்தில் இந்தியா காலை வாரீட்டுதெண்டு பலருக்குக் கோவம்.

'ஆனானப்பட்ட அமெரிக்காவையே வளைச்சுப் பிடிச்சு, பிரேரணையைத் திருத்தி அதை நிறைவேற்றவும் வைச்சிட்டம். இந்த இந்தியாதான் சுழிச்சுப் போட்டுது' எண்டு பொருமிக்கொண்டிருக்கினம். 

போதாக்குறைக்கு 'இந்தியா தமிழருக்கு நம்பிக்கைத் துரோகம் செய்திட்டுது' எண்டும் 'இந்தியா மீண்டும் தமிழரின் முதுகில் குத்திப்போட்டுது' எண்டும் ஆளாளுக்குக் குற்றச்சாட்டுகளை அள்ளிப்போட்டுக்கொண்டிருக்கினம்.

அமெரிக்காவை வளைச்சுப் பிடிக்க முடிந்தவையால ஏன் பக்கத்தில, அடிக்கடவைக்கை இருக்கும் இந்தியாவை வளைச்சுப் பிடிக்க முடியாமல் போனது?

புலம்பெயர்ந்த தமிழர் அமைப்புகள், தமிழ்ப் புத்திஜீவிகள், தமிழ்த்தேசியக் கூட்டமைப்பு, தமிழ்த் தேசிய விடுதலை முன்னணி என்று பலரும் அமெரிக்கா, ஐரோப்பா, ஜெனிவா எண்டு படையெடுத்துப்போய் 'மேற்குலகத் தெய்வங்க'ளுக்கு நேர்த்திக் கடன் வைச்சுத் தேவாரம் பாடியதில் காட்டிய அக்கறையை இந்தியாவின் மீது காட்டவில்லை. 

'டில்லியின் நாணயக் கயிற்றை' தமிழ்நாட்டுக்காரர் பிடிச்சுக்கொள்ளுவினம் எண்ட பெரிய நம்பிக்கையில இவையள் ஐரோப்பாவுக்கும் அமெரிக்காவுக்கும் ஆகாயக் கப்பல் ஏறீட்டினம். 

ஏனெண்டால், இந்திய நாடாளுமன்றத் தேர்தல் வாறபடியால், எப்பிடியும் (விரும்பியோ விரும்பாமலோ) இந்தியா – கொங்கிரஸ் அரசு - அமெரிக்கப் பிரேரணையை ஆதரிச்சு, ஈழத்தமிழரின் பக்கம் நிண்டுதான் ஆக வேண்டும் எண்ட ஒரு நம்பிக்கை. 

சார்க் மாநாடு நடக்கும்போது தமிழ்நாட்டுக்காரர் பொங்கியெழுந்து மன்மோகன் சிங்கை கொழும்புக்கு வரவிடாமல் தடுத்தவையெல்லோ. (ஆனால், சார்க் மாநாட்டு நேரம் ஒரு நல்ல பாடத்தை டில்லி படிச்சு வைச்சிருந்தது. அதை இப்ப ஜெனிவாவில காட்டியிருக்கு. அவ்வளவுதான்). அதைப்போல இந்தத் தடவையும் நடக்கும் எண்டு கணக்குப் போட்டிருக்கினம்.

எல்லாம் தப்புக்கணக்குத்தான். - குருட்டு நம்பிக்கைதான். 

'காலம் முழுக்க இப்பிடித் தப்புக்கணக்குப் போட்டும் குருட்டு நம்பிக்கையோட இருந்தும்தானே நாசமாய்ப் போயிருக்கிறம்' எண்டு இவை ஒரு போதும் உணருறதுமில்லை. இதை மனந்திறந்து ஏற்றுக்கொள்ளிறதுமில்லை. 

இந்தப் பேய்க்குணத்தாலதானே நாங்கள் தொடர்ந்தும் அழிஞ்சு கொண்டிருக்கிறம். 

திருந்தாத சாதி என்றால் இந்தத் தமிழ்ச்சாதி எண்டு நான் அடிச்சுச் சத்தியம் செய்வன். 

சரி, இது போகட்டும். இப்ப நாங்கள் பார்க்க வேண்டிய விசயத்துக்கு வருவம். 

'இந்தியா தமிழரின் காலை வாரீட்டுது, முதுகில குத்திப்போட்டுது, முகத்தில துப்பீட்டுது' எண்டெல்லாம் சும்மா 'பீலாக்கதை' விட்டுக்கொண்டிருக்காமல் 'நாங்களும் ஒரு விளையாட்டை இந்தியாவுக்கு விளையாடிக் காட்டினால் என்ன?' எண்டு இவை ஒரு முடிவை எடுக்கட்டும் பார்ப்பம்.

புலம்பெயர்ந்த நாடுகளில இருந்தும் இலங்கையில இருந்தும் இந்தியாவுக்கு படையெடுத்துப் போய்வாற ஆட்கள் 'இந்தத் தடவை இந்தியாவுக்கு வரமாட்டம். இந்தியாப் பொருட்களை வாங்க மாட்டம், இந்தியப் படங்களைப் பார்க்க மாட்டம். இந்தியத் தொலைக்காட்டித் தொடர்களைப் பார்க்க மாட்டம்' எண்டு தீர்மானம் எடுத்துக்கொண்டு அதைச் செய்து இந்தியாவின்ர முகத்தில திருப்பிக் குத்திக் காட்டட்டும். 

'டில்லியின் கள்ளத்தனத்துக்கு நீங்கள் இடங்குடுத்திட்டியள்' எண்டு தமிழ்நாட்டுக்காரரைப் பார்த்து ஒருமுறை சினந்து காட்டட்டும் பார்ப்பம். 

இதையெல்லாம் எந்தப் பயலும் செய்ய மாட்டான். ஏனெண்டால், இப்பிடியான தீர்மானத்தை எடுத்தால் அது இவையின்ரை மடியில கடிக்கும், மனதிலை இடிக்கும் எல்லோ. 

'இந்தியத் தொலைக்காட்சித் தொடர்களைப் பார்க்க மாட்டம்' எண்டு எவனாவது ஒரு தீர்மானத்தை எடுத்தாலே அவன்ரை கதை கந்தல். மச்சான் பிறகு தன்ரை வீட்டிலயே தண்ணி குடிக்கவும் ஏலாது. படுக்கையை விரிக்கவும் முடியாது. வீட்டில இருக்கிற பொம்பிளையளும் வயசான ஆட்களும் ஆளைப் பிடிச்சு வெளியில விட்டிடுவினம்.

ஒரு தொலைக்காட்சி நாடகத்தையே இழக்க மாட்டாத அளவுக்குத்தான் எங்கட அரசியற் போராட்டங்களும் சிந்தனையும் இருக்கு.

இதுதான் ஈழத்தமிழர்களின் அரசியல் நிலவரம். 

சொல்கிறது ஒண்டாகவும் செய்யிறது ஒண்டாகவும் இருக்கும்போது எப்பிடித்தான் வெற்றி வரும்? 

தமிழ்த் தேசிய அரசியல் எண்டால் அதைப் பற்றிப் பேசினால் மட்டும் போதும். அல்லது அதுக்காக எதையும் இழக்காமல், அதிகமாகச் சிரமப்படாமல் சும்மா ஆளோட ஆளாக நிண்டு எழுதி, நாலு பேச்சுப் பேசி, நாலு இடத்தில கூடித் திண்டு குடிச்சு ஒரு அறிக்கை விட்டால் காணும்.

இதுக்கு மேல எண்டால்..... 

இதுக்கு மேல கேட்காதையுங்கோ....

இந்தியா முகத்தில குத்தினாலென்ன துப்பினாலென்ன... நாங்கள் அதைப்பற்றிக் கோவிக்க மாட்டம். ஆனால், இதை மாதிரி கொழும்பார் ஏதாவது செய்தால் நாங்கள் சும்மா அதைப் பார்த்துக் கொண்டிருக்க மாட்டம்.

-வடபுலத்தான்