Follow by Email

Friday, 26 December 2014

ஓசோ

 மரக் காது  - சொல்ல மறக்காது.
நாசாவிலிருந்து ஒரு குழு ஆய்வுக்காக  அமோசான் காடுகளுக்குள் சென்றதாம். அமோசான் ஆற்றுப் படுகைகளில் வாழும் காட்டுவாசிக் கிராம மக்களுக்கு தொலைக்காட்சிப் பெட்டி, செல் போன் போன்றவையெல்லாம் அதிசமயாக இருக்கிறது. வானொலியில் பாட்டுக் கேட்டு திடுக்கிட்டுப்போனார்களாம்.  ஏனென்றால் இது போன்ற அறிவியல் சாதனங்களின் செயல்பாடுகளைப்பற்றி அவர்கள் அறிந்திருக்க வில்லை.  

அமோசான் மக்களின் தொலைத் தொடர்பைப் பார்த்து, நாசாக் குழுவினர் ஆச்சரியப்பட்டுப்போயினராம்.

அதாவது அவர்கள் வாழும் பகுதியில் ஒரு மரம் இருக்கிறதாம். தொலைவில் இருக்கும் யாருக்காவது தகவல் அனுப்ப வேண்டுமானால் அந்த மரத்தினருகில் சென்று அந்த மரத்திடம் சொல்ல வேண்டியச் செய்தியைச் சொல்கிறார்களாம்.  உடனே அத்தகவல் சேர வேண்டியவர்களை சென்றடைந்து விடுகிறதாம்..

உதாரணத்திற்கு ஒரு கிராமவாசி அடுத்த ஊருக்கு தன் வீட்டிற்கான பொருட்கள் வாங்கப் போகிறான் என்று வைத்துக் கொள்ளுங்கள். அவன் மனைவி அவனிடம் ஏதோ ஒன்றைச் சொல்ல மறந்திருந்தால், கணவன் போன பின் சட்டென ஞாபகம் வந்து விட்டால்  ,நேரே அந்த மரத்திடம் சென்று, என்னங்க.. வரும்போது மறக்காம மஞ்சத் தூள் வாங்கிட்டு வந்திடுங்க.. சொல்ல மறந்திட்டேன்னு சொல்வாளாம்.. அவனுக்கு அந்தச் செய்தி உடனே சென்று சேர்ந்து விடுமாம்.  

இதை ஆய்வுக்குழு அங்கேயே நான்கு நாட்கள் இருந்து சோதித்துப்பார்த்ததாம். கிராமவாசிகள் சொன்னது அந்த நபர்களிடம் சென்று சேர்ந்து    செய்தியை தெரிந்து கொண்ட நபர்கள் சரியாக சொன்னபடி நடந்து கொண்டதை அறிய முடிந்ததாம்.  

ஆய்வுக் குழுவினர் காட்டுவாசிகளிடம் பேசிப் பார்த்தனராம். ஆனால் ஏன் இந்த மரத்துக்கு இப்படி சக்தி? எப்படி அது அடுத்தவரின் மனதில் தகவல் சொல்கிறது என்பது போன்ற விசயங்களை அவர்களால் விளக்கிச் சொல்ல முடியவில்லையாம். அது அப்படி நிகழ்கிறது  அவ்வளவுதான்.

அவர்களுடைய முன்னோர்கள் மரத்தின் மூலம் பேசிக்கொண்டார்கள். இவர்களும் பேசிக்கொண்டிருக்கிறார்கள். எளிய முறையாக ,   சௌகரியமாக இருக்கிறது. எப்படி ஆரம்பத்தில் அந்த மரத்தின் சக்தியை யார் கண்டறிந்தார்கள் என்ற விவரமெல்லாம் தெரியாது. ஆனால் ஆயிரக்கணக்கான ஆண்டுகளாய் அது நடந்து வருகிறது.  அந்த மரத்தின் கிளைகளை பல இடங்களில் நட்டு வைத்து, அந்த மர இனம் அழியாமல் பாதுகாத்து வருகிறார்கள். 

சரி ஏன் நாசா விஞ்ஞானிகள் அந்த கிராமத்திற்குப் போனார்கள்?

விண்வெளியில் செல்லும்போது பல சமயங்களில் தொலைத் தொடர்பு கருவிகள் பழுதான போது , அந்த விண்வெளி ஓடத்துடன் தொடர்பு கொள்வது சாத்தியமில்லாமலே போகிறது. 

விண்வெளி வீரர்கள் பூமியில் உள்ளவர்களோடு தொடர்பு கொள்ள வேண்டுமானால் என்ன செய்வது?  ஏதாவது ஒரு வழியில் பூமியில் உள்ளவர்களோடு தொடர்பு கொண்டே ஆக வேண்டும்.. இதற்காக கருவிகளைக் கண்டுபிடிக்க,  புதுவிதமாய்  டெலிபதி, தொலை உணர்தல் போன்ற ஆராய்ச்சிகளில் அமெரிக்க , ரஷ்ய விஞ்ஞானிகள் ஆய்வு செய்து வருகின்றனராம்.  இந்த கிராமத்தைப் பற்றி கேள்விப் பட்டவுடன்  நாசா விஞ்ஞானிகள் அங்கு சென்றிருக்கிறார்கள்.

மாமன்னன் அசோகன் புத்த துறவியாய் மாறிய பிறகு , தன் மகன் மகேந்திரனை இலங்கைக்கு அனுப்புகிறார்.. 
  
‘தந்தையே நான் இலங்கைக்கு என்ன பரிசு கொண்டு போகட்டும்’ என்கிறான் மகேந்திரன்.

“உலகிலேயே சிறந்த பரிசு போதிமரம்தான். புத்தர் பல காலம் அதனடியில் கழித்திருக்கிறார். தியானம் செய்திருக்கிறார். அதனடியில் படுத்துறங்கினார். மரத்தைச் சுற்றிச்சுற்றி வந்திருக்கிறார். அவருடைய அதிர்வுகளை அந்த மரம் ஈர்த்துக் கொண்டிருக்ககிறது.  எனவே போதிமரத்தின் கிளை ஒன்றைக் கொண்டு போ’ என்கிறார் அசோகர். 

ஈழ நாடே அந்த கிளையின் அதிர்வால் ஈர்க்கப்பட்டது. புத்த மதத்தை பின்பற்றியது.   பிற்காலத்தில் இலங்கையில் வளர்ந்த அந்த மரத்தின் கிளை ஒன்று இந்தியாவிற்கு கொண்டு வரப்பட்டது.  

      ஓஷோ - வின் உரையிலிருந்து

இறைவா உனக்கு நன்றி



வீட்டை விட்டு வெளியில் ஒருவாரம் வேலை விசயமாகத் தங்கியிருந்துவிட்டு வீட்டுக்குச் செல்லும் போது உங்கள் மனநிலை எப்படி இருக்கும்?

 எப்போதடா மனைவி பிள்ளைகளைப் பார்க்கப் போகிறோம் என்று ஆர்வத்துடன் இருக்கும். வீட்டில் வந்து நுழையும் போது மிகுந்த மகிழ்ச்சியுடன்தான் மனம் இருக்கும்.எல்லோருக்குமே அப்படித்தான்.

காதலியைச் சந்திக்கச் செல்லும் போது  காதலனின் மனம் அப்படித்தான் மகிழ்ச்சியில் துள்ளும்.

ஆனால் நமக்கு அன்பானவர், மிகவும் இனிமையானவர் ஒருவர் இருக்கிறார்.. அவரைப் பார்க்கும் போது மட்டும் உள்ளுக்குள் அழுது வடிந்து கொண்டு , நெஞ்சில் கவலையைச் சுமந்து கொண்டு செல்கிறோமோ ஏன்? 

இறைவனைத் தான் சொல்கிறேன். கோயிலுக்குப் போகும் போது நாம் கொண்டுபோவதைத்தான்  சொல்கிறேன். 

சிலருக்கு ஒரு குணம் உண்டு.. எப்போது கஷ்டம் வருகிறதோ அப்போதுதான் கோயிலுக்குச் செல்வார்கள்..  போய் ‘ஏப்பா எனக்கு மட்டும் இப்படி கஷ்டத்தைத் தந்து கொண்டிருக்கிறாய்’ என்று குற்றம் சாட்டுவார்கள்.. 

சிலர் கவலைகளை மூட்டையாய் கொண்டு வந்து கடவுளின் காலடியில் இறக்கி வைத்துவிடுவார்கள். அப்படிக் கொட்டப்படும் கவலைகளுக்கு மட்டும் உருவம் இருந்தால் , கடவுள் அக்கவலை மூட்டைகளுக்குள் புதைந்து போய் மூச்சுத் திணறிக் கொண்டிருப்பார். 

கடவுளிடம் போய் கவலையைச் சொல்லாமல் பின் யாரிடம் சொல்வது? உங்களிடமா ?  என்றக்  கேள்வி உங்களுக்கு எழும்.  

யாருக்குக் கவலை இல்லை? 

வாழ்க்கை எல்லோருக்கும் எப்போதும் இன்பமாய் இருந்து விடுவதில்லை. 

வாழ்க்கை எல்லோருக்கும் எப்போதும் துன்பமாயும் இருந்துவிடுவதில்லை. அவற்றின் அளவு வேண்டுமானால் கொஞ்சம் வித்தியாசப் படலாம்.

ஒரு மிதிவண்டியை இறக்கத்தில் ஓட்டும் போது நமக்கு சந்தோஷமாக இருக்கிறது. அதையே சமதளத்தில் ஓட்டினாலும் அதிக வருத்தம் இருப்பதில்லை.  ஆனால் உயரமான மேட்டில் ஏறும் போது நமக்கு கஷ்டமாக இருக்கிறது. ஆனாலும் அதற்காக பயணிக்காமல் நாம் ஒரு போதும் திரும்புவதில்லை. 

 சிரமப்பட்டாலும் நம் முயற்சியை , சக்தியைத் திரட்டி போகவேண்டிய இடத்திற்கு போய்ச் சேர்ந்து விடுகிறோம். எனவே முயன்றால்  கவலைகளை நாம் விரட்டிவிடலாம். 

  கடவுள் அத்தகைய ஆற்றலை மனிதனுக்குத் தந்திருக்கிறார். மனிதனால் தன்னை விட வலுவான மிருகங்களை அடக்கி ஆளமுடிகிறது. பறவைகள் போல் பறக்க முடிகிறது. மீன் போல் கடலில் அலைய முடிகிறது. பூமியில் மனிதனால் முயன்றால் முடியாததொன்றும் இல்லை என்பதே உண்மை. ஏனெனில் கடவுள் மனிதனுக்கு அறிவைக் கொடுத்திருக்கிறார். 

ஒரு சமயம் ஏசுநாதர் தனது சீடர்களைப் பார்த்துக்கூறினார். 

‘வானத்துப் பறவைகளைப் பாருங்கள் அவை விதைப்பதும் இல்லை அறுவடை செய்வதும் இல்லை. ஆனாலும் அவை மகிழ்வோடு பறக்கின்றன’ என்றார். 

நாளை என்ன நடக்குமென்று தெரியாவிட்டாலும், நாளைக்கு வேண்டிய உணவை சேமித்து வைக்க வேண்டிய கவலையின்றி அவை சந்தோஷமாக அக்கணத்தில் வாழ்கின்றன. நாளைக்கு மட்டுமல்ல பல மாதங்களுக்குத் தேவையான உணவை முன்கூட்டியே சேமிக்கும் ஆற்றல் மிக்க மனிதனோ எப்போதும் கவலைகளுடனே வாழ்கிறான். 

 எப்போதும் மகிழ்ச்சியோடு வாழப் பழகிக் கொள்ளுங்கள். முயற்சி செய்து பாருங்கள். உங்கள் வாழ்க்கை மகிழ்ச்சிகரமாய் மாறிவிடும். 

உங்கள¢ நண்பரை பார்க்கச் செல்லும் போது எப்போது நீங்கள் அழுது புலம்பிக்  கொண்டிருந்தால்..  ஒரு நாள் உங்களைப் பார்த்ததும் ஓடி ஒளிந்து கொள்வார். 

உங்கள் உறவினர் வீட்டிற்கு போகிறீர்கள் போகும் போதெல்லாம் கவலைகளைச் சொல்லிச் சொல்லி ஒப்பாரி வைத்தால், தூரத்தில் உங்களைப் பார்க்கும் போதே வீட்டைப் பூட்டிவிட்டு பக்கத்து வீட்டிற்குள் நுழைந்து ஒளிந்துக் கொள்வார்கள். 

அழுது வடியும் குழந்தையை விட சிரிக்கின்ற குழந்தையை தூக்கத்தான் மனம் ஆசைப்படுகிறது. 

சோகமான முகத்தை விட சந்தோஷமான முகமே நமக்குப் பிடிக்கிறது. 

 கோயிலுக்குச் செல்லும் போது இறைவனைப் பார்க்கப் போகிறோம் என்ற மகிழ்ச்சியுடன் செல்லுங்கள். அங்கு நிலவுகின்ற அதிர்வுகள்.. நற் சக்திகள் மகிழ்ச்சி நிறைந்த உங்களுக்குள் ஊடுருவி உங்கள் வாழ்க்கையை மகிழ்ச்சியாக்கி வைத்துவிடும். உங்கள் கவலைகள் தானாகவே மறைந்து விடும். 

செல்லும் போதெல்லாம் இறைவனை மகிழ்வுடன் வழிபாடு செய்யுங்கள். கவலைகள் இதயத்தின் ஓரத்தில் மறைந்திருக்கட்டும். வழிபாட்டில் கவனம் இருக்கட்டும். 

வழிபாடு செய்து விட்டு அமைதியாய் , தெளிவான மனதுடன் கோயில் வளாகத்தில் அமர்ந்து வாருங்கள். என்னை மகிழ்ச்சியோடு வைத்திருக்கும் இறைவா உனக்கு நன்றி என்று சொல்லிவிட்டு வாருங்கள். உங்கள் வாழ்க்கையில் மகிழ்ச்சியே எப்போதும் நிறைந்திருக்கும்.
      
   மதிவாணன் 

Friday, 31 October 2014

[Exclusive] Making of I (Tamil)

விஷால் நடத்திய ரெய்டு



தீபாவளிக்கு அவர் தயாரிப்பு மற்றும் நடிப்பில் வெளி வந்துள்ள படம் பூஜை. எனவே மீண்டும் சிடி வேட்டைக்கு கிளம்பிய விஷாலின் பார்வை இம்முறை கொங்கு மண்டலம் பக்கம் போயுள்ளது. 

பொள்ளாச்சி மற்றும் திருப்பூரில் திருட்டு விசிடிகளை விற்பனை செய்த கடைகளுக்குள் தனது ஆட்களுடன் நுழைந்து ஷட்டரை மூடிவிட்டு சிடிகளை பறிமுதல் செய்துள்ளார் விஷால். பூஜை மட்டுமின்றி, கத்தி சிடியையும் பறிமுதல் செய்துள்ளார் விஷால். 

பிறர் தயாரிப்பில் வெளியான படங்களை விற்பனை செய்தாலும் விஷால் விடுவதில்லையாம். உங்கள் வீட்டுக்குள் வந்து நகையை திருடினால் நீங்கள் சும்மா இருப்பீர்களா, எங்கள் படத்தை மட்டும் ஏன் திருடுகிறீர்கள் என்று சிடி விற்பனை செய்பவர்களை பார்த்து கடுமையாக திட்டி தீர்த்து வருகிறாராம் விஷால். 

சமீபத்தில் இதுபோன்ற ஒரு ரெய்டு வீடியோவாக எடுக்கப்பட்டு அது யூடியூப்பிலும் வெளியிடப்பட்டுள்ளது. இந்த வீடியோவை பார்த்தால் விஷாலின் வேட்டையை பற்றி நீங்களும் தெரிந்துகொள்ளலாம்.

Monday, 22 September 2014

உடல் ஆரோக்கியத்திற்கு

‘உடல் வளர்த்தேன் உயிர் வளர்த்தேனே’ என்கிறார் திருமூலர். உடல் வளர்த்தல் என்பது உடலை பேணுதல்.  உடலை ஆரோக்கியமாய் வைத்திருத்தல். 

உடல் ஆரோக்கியமாக இருந்தால்தான் மனம் ஆரோக்கியமாக இருக்கும். மனம் ஆரோக்கியமாக இருந்தால்தான்  செய்யும் செயல்களில் மனம் ஒருமுகப் படும்.  வெற்றி கிட்டும். 

மனதும் உடலும் ஒன்றுக்கொன்று  இணைந்திருப்பவை.  மனம் உற்சாகமாக இருக்கும் போது, நோய்கள் உடலை தாக்குவதில்லை.  நாம் நோய்வாய்ப்படுவதற்கு மன பலவீனமும் ஒரு காரணம் என்கிறார்கள்.  

 கோபம், பதட்டம்  போன்ற தீவிர மன உணர்வுகள்,   நீரிழிவு, இரத்த அழுத்தம் போன்ற நோய்கள் ஏற்பட காரணமாக இருக்கிறது என்கிறார்கள். அதிகப்படியான கவலை, வயிற்றுப் பிரச்சனையை ஏற்படுத்துகிறது என்கிறார்கள். 

பொதுவாக நம் உடல் ஆரோக்கியத்தை கவனித்துப் பார்த்துக் கொண்டால் மனதை எப்போதும் ஆரோக்கியமாக வைத்துக் கொள்ளலாம். 

உடல் நிலை சீர் கெடுவதற்கு காரணமாக இருப்பது  பெரும்பாலும் உணவுப் பழக்கம் ஆகும்.  உணவில் கட்டுப்பாடு வேண்டும். உடற்பயிற்சி வேண்டும்.  

உணவு கட்டுப்பாடும், உடற்பயிற்சியும் ஏதோ வயதானவர்களுக்கு மட்டும் என்ற எண்ணம் நம்மில் பெரும்பான்மையோருக்கு இருக்கிறது. 

  அப்படியல்ல.. இவை சிறுவயதிலிருந்தே ஒவ்வொருவராலும் கடைபிடிக்க வேண்டிய பழக்கமாகும்.  

அப்படி பழக்கம் இருப்பவர்கள் உடல் பருமன், நீரிழிவு , இரத்தக் கொதிப்பு பிரச்சனைகள் இன்றி இறுதி வரை ஆரோக்கியமாய் வாழ்கிறார்கள்.  சுறுசுறுப்பாய் காரியமாற்றுகிறார்கள்.   நோய்கள் இவர்களை அண்டுவதில்லை. 

 40 வயதிற்கு மேல் , சைவ உணவு பழக்கத்திற்கு மாறிக் கொள்வதும்,  ஆன்மீகத்தின் மேல் முழு ஈடுபாடு காட்டுவதும்  நமது  உடல் மன ஆரோக்கியத்திற்கு ஏற்றதாக இருக்கும். 

காய்கறி கீரைகள், பழங்கள் அதிகம் சேர்த்துக் கொள்வது உடல் ஆரோக்கியமாகவும், சுறுசுறுப்பாகவும் இளமையோடும் இருப்பதற்கு உதவுகின்றன. இது அன்றைய  சித்தர்கள் முதல், இன்றைய  மருத்துவர்கள் வரை கூறும் அறிவுரையாகும்.

அக்காலத்தில் நம் முன்னோர்கள் கோயில்களில் , இறைவனுக்கு சாற்றிய  துளசி, வில்வம், வேப்பிலை, அருகு போன்ற தலங்கள் எல்லாம் உடல் நோயை தீர்க்கும் மூலிகைகள்தான். வீட்டுக் கொல்லைப் புறத்தில் வளர்த்த கீரை வகைகள் உடலுக்கு நல்லதைச் செய்யும் உணவுப் பொருட்கள்தான்.  

இன்று விரைவு உணவு வகைகளுக்கு மாறிய பின், விரைவாக நோய்வாய்ப்பட்டு வெகு விரைவாகவே போய்ச் சேர வேண்டியிருக்கிறது.  சிறுவயதிலேயே எல்லாவித நோய்களின் உறைவிடமாகவும் உடல் மாறிவிட நமது உணவுப் பழக்கமே காரணமாகிறது.  

அடுத்து வயிறு புடைக்க உண்ணுதல் தவறு என்கிறார்கள். முக்கால் வயிறு உணவு  மீதி வயிறு காலியாக இருக்க வேண்டும் என்கிறார்கள். 

பசியோடு உணவுக்கு அமர்ந்து, பசியோடு எழுந்திருங்கள் என்கிறார்கள் சித்தர்கள். அதாவது இன்னும் கொஞ்சம் சாப்பிடலாம் என்று தோன்றும் போதே உண்பதை நிறுத்திக் கொள்ள வேண்டும்.  

ஒரு வைத்தியரிடம் சென்ற ஒருவர் ,  ஐயா! உங்களுக்குத் தெரிந்து எல்லா வியாதிகளையும் போக்கும் மருந்து இருக்கிறதா?  என்று கேட்டாராம். 

 அதற்கு வைத்தியர்,  இருக்கிறது! அது வியாதிகளைப் போக்காது. ஆனால் வியாதியே வராமல் பாதுகாக்கும். அதன் பேர் உழைப்பு என்றாராம். 

இன்று உழைப்பதற்கு நேரமில்லாமல், சம்பாதிப்பவர்கள் இருக்கிறார்கள். இவர்கள்  சாயங்கால நேரத்தில் நடைபயிற்சியையாவது மேற்கொள்ள வேண்டியது அவசியம்.

சரியான உணவு, உடற்பயிற்சி, தேவையான ஓய்வு, இனிய நினைவுகள், எளியமையான வாழ்க்கை, வழிபாடு இவையெல்லாம் இருந்தால் நோய்கள் நம்மை நெருங்காதவாறு வாழ்க்கையை அருமையாய் அமைத்துக் கொள்ளலாம்.  

சுவர் இருந்தால்தான் சித்திரம் வரைய முடியும். நாம் உயிரோடு இருந்தால்தானே சாதிக்க முடியும்?  நம் தலைமுறைகளை வளர்த்து விட முடியும்.   உடல் நலம் பேணுவோம்.  ஆரோக்கியமாக வாழ்வோம். 

Monday, 1 September 2014

புராதன இந்தியா என்னும் 56 தேசங்கள்!!

பழம் புராணங்களிலும் வரலாறுகளிலும் புராதான இந்தியா என்னும் பழைய 56 தேசங்கள் குறிப்படப்படுகின்றன. அந்த தேசங்கள் என்ன என்று உங்களுக்கு தெரியுமா? தெரியாவிட்டால் தெரிந்துக் கொள்ளுங்கள் .

1.குருதேசம்
2.சூரசேனதேசம்
3.குந்திதேசம்
4.குந்தலதேசம்
5.விராடதேசம்
6.மத்சுயதேசம்
7.திரிகர்த்ததேசம்
8.கேகயதேசம்
9.பாஹ்லிகதேசம்
10.கோசலதேசம்
11.பாஞ்சாலதேசம்
12.நிசததேசம்
13.நிசாததேசம்
14.சேதிதேசம்
15.தசார்ணதேசம்
16.விதர்ப்பதேசம்
17.அவந்திதேசம்
18.மாளவதேசம்
19.கொங்கணதேசம்
20.கூர்சரதேசம்
21.ஆபீரதேசம்
22.சால்வதேசம்
23.சிந்துதேசம்
24.சௌவீரதேசம்
25.பாரசீகதேசம்
26.வநாயுதேசம்
27.பர்பரதேசம்
28.கிராததேசம்
29.காந்தாரதேசம்
30.மத்ரதேசம்
31.காசுமீரதேசம்
32. காம்போசதேசம்
33.நேபாளதேசம்
34.ஆரட்டதேசம்
35.விதேகதேசம்
36.பார்வததேசம்
37.சீனதேசம்
38. காமரூபதேசம்
39.பராக்சோதிசதேசம்
40.சிம்மதேசம்
41.உத்கலதேசம்
42.வங்கதேசம்(புராதனம்)
43.அங்கதேசம்
44.மகததேசம்
45.ஹேஹயதேசம்
46.களிங்கதேசம்
47. ஆந்திரதேசம்
48.யவனதேசம்
49.மகாராட்டிரதேசம்
50.குளிந்ததேசம்
51.திராவிடதேசம்
52.சோழதேசம்
53.சிம்மளதேசம்
54.பாண்டியதேசம்
55.கேரளதேசம்
56.கர்னாடகதேசம்

Wednesday, 6 August 2014

என்ன நடக்குது?



கொந்தளிப்பில் தமிழகம்.. கொழும்பில் கோத்தபாயவுடன் பாஜக பொதுச்செயலர் ராம் மாதவ் 'நல்லுறவு' ஆலோசனை ! என்ன தான் நடக்கிறது என்று தெரியவில்லை ... 

இவர்களுக்கு கொஞ்சமாவது அறிவு இருக்கா இல்லையா ? இல்லை நாம தான் முட்டாள்களா ? செல்வி ஜெயலலிதா பற்றி எழுதிவிட்டதாக பஜக பொங்கி எழுந்தது. 

இலங்கை தூதுவரை அழைத்து கண்டித்ததாக சுஷ்மா கூறினார். மேலும் நாடாளுமன்றம் லோக் சபாவில் படு அமளி துமளி ஏற்பட்டது. ஆனால் இலங்கையில் என்ன நடக்கிறது என்று பார்த்தீர்களா ? யாரும் கவனிக்க வில்லை.

தமிழக  முதல்வர் ஜெயலலிதாவை அநாகரிகமாக விமர்சித்து கட்டுரை வெளியிட்ட இலங்கை அரசைக் கண்டித்து தமிழகமே கொந்தளிக்கிறது. ஆனால் பாரதிய ஜனதாவின் பொதுச்செயலர் ராம் மாதவோ, இலங்கை பாதுகாப்புத் துறை செயலர் கோத்தபாய ராஜபக்சேவை நேற்று சந்தித்து 'இருதரப்பு நல்லுறவு' குறித்து பேசியுள்ளார். 

இலங்கை பாதுகாப்பு துறை இணையதளத்தில் முதல்வர் ஜெயலலிதா, பிரதமர் நரேந்திர மோடிக்கு தமிழக மீனவர்கள் பிரச்சனை குறித்து எழுதும் கடிதங்களை கொச்சைப்படுத்தி கட்டுரை எழுதப்பட்டிருந்தது. இதற்கு திமுக, தேமுதிக, பாமக, இடதுசாரிகள், மதிமுக என ஒட்டுமொத்த தமிழக அரசியல் கட்சிகளுமே கடும் கண்டனம் தெரிவித்தன.

தமிழ்நாடு முழுவதும் கடந்த சில நாட்களாக போராட்டங்கள் நடைபெற்றும் வருகின்றன. இப்படி தமிழகமே கொந்தளித்துக் கொண்டிருக்கும் நிலையில் பாரதிய ஜனதா கட்சியின் பொதுச்செயலர் ராம் மாதவ், அதே இலங்கை பாதுகாப்பு துறையின் செயலர் கோத்தபாய ராஜபக்சேவை நேரில் சந்தித்து இருதரப்பு நல்லுறவு குறித்து ஆலோசனை நடத்தியுள்ளார். 

இந்த தகவலையும் இலங்கையின் பாதுகாப்பு துறை இணையதளம்தான் வெளியிட்டுள்ளது. கொழும்பில் உள்ள பாதுகாப்புதுறை அமைச்சகத்தில் இந்த சந்திப்பு நடைபெற்றுள்ளது. ராம் மாதவ், கர்நாடகத்தைச் சேர்ந்தவர். அண்மையில்தான் ஆர்.எஸ்.எஸ். இயக்கத்தால் பாரதிய ஜனதா கட்சிக்கு அனுப்பி வைக்கப்பட்டவர் என்பது குறிப்பிடத்தக்கது.

இச்செய்தி இலங்கை இணையதளங்களில் உலா வருகிறது.

Thursday, 31 July 2014

மோடியின் அதிரடி முடிவுகளால் திணறும் தமிழகம்?

மத்தியில் ஆட்சி செய்யும் பிரதமர் நரேந்திரமோடிக்கு அனைத்து வகையிலும் ஆதரவு கொடுக்கும் எண்ணத்தில்தான் அண்ணா திராவிட முன்னேற்றக் கழக எம்.பி.க்கள், டெல்லியில் நாடாளுமன்றத்திலும் ராஜ்ய சபையிலும் பேசி வருகிறார்கள். 

தமிழக முதலமைச்சர் ஜெயலலிதாவும் பிரதமர் மோடியுடன் மோதல் போக்கை கடைப்பிடிக்க வேண்டும் என்ற நோக்கத்தில் செயற்படவில்லை. 

மாறாக மத்திய அரசின் ரயில்வே வரவு- செலவுத்திட்டத்தை வரவேற்று அறிக்கை விடுத்தார். அடுத்து வந்த பொது வரவு- செலவுத்திட்டத்தையும் வரவேற்று அறிக்கை கொடுத்திருக்கிறார். 

முன்பிருந்த ஐக்கிய முற்போக்கு கூட்டணி அரசின் மீதும் அந்த ஆட்சியை வழிநடத்திய பிரதமர் மன்மோகன்சிங் மீதும் தொடுத்த ஏவுகணைகளை பா.ஜ.க. தலைமையில் வழி நடத்தப்படும் தேசிய ஜனநாயக கூட்டணி அரசின் மீது அவர் தொடுக்கவில்லை. 

கச்சதீவில் மீன்பிடிக்கும் உரிமை தமிழக மீனவர்களுக்கு இல்லை என்று மத்திய அரசு சென்னை உயர்நீதிமன்றத்தில் வாக்குமூலம் தாக்கல் செய்த போதுகூட, முந்தைய அரசின் அதிகாரிகள் இப்படி ஏற்கெனவே தயாரித்து வைத்திருந்த வாக்குமூலத்தை உங்கள் கவனத்திற்கு கொண்டு வராமலேயே நீதிமன்றத்தில் தாக்கல் செய்திருப்பார்கள். அதில் கவனம் செலுத்தி கச்சதீவில் தமிழக மீனவர்களுக்கு மீன்பிடி உரிமையை பெற்றுக்கொடுங்கள் என்றுதான் பிரதமர் நரேந்திரமோடிக்கு கடிதம் எழுதியிருந்தார். 

தமிழகத்திற்கு போதிய மண்ணெண்ணெய் ஒதுக்காமல் விட்டதைச் சுட்டிக்காட்டி,பிரதமர் நரேந்திர மோடிக்கு கடிதம் எழுதிய முதலமைச்சர் ஜெயலலிதா, சென்ற ஆட்சியில் இருந்த அதிகாரிகள் செய்ததையே இப்போதும் செய்கிறார்கள். அதில் தாங்கள் கவனம் செலுத்தி தமிழகத்திற்கு கூடுதல் மண்ணெண்ணெய் மத்திய அரசின் தொகுப்பில் இருந்து கிடைப்பதற்கு வழி செய்யுங்கள் என்றே கோரிக்கை விடுத்தார். 

அ.தி.மு.க. எம்.பி.க்கள் நாடாளுமன்றத்தில் பேசும் போது கூட, அம்மா மொடல் நிர்வாகத்தை மத்தியில் கடைப்பிடியுங்கள் என்று வேண்டுகோள் விடுக்கிறார்கள். குறிப்பாக, தமிழகத்தில் ஒரு சட்டமன்றத் தொகுதிக்கு 2 கோடி ரூபாய் வளர்ச்சி நிதி ஒதுக்கியிருக்கிறார் அம்மா. அந்த அம்மா மொடலைக் கடைப்பிடித்து ஒரு நாடாளுமன்றத் தொகுதிக்கு உள்ள தொகுதி வளர்ச்சி நிதியை 12 கோடி ரூபாயாக (தற்போது 5 கோடி ரூபாய்) உயர்த்த வேண்டும் என்று கோரிக்கை வைத்திருக்கிறார் அ.தி.மு.க. எம்.பி., பி.ஆர்.சுந்தரம். 

அம்மா வரவேற்றுள்ள இந்த பட்ஜெட்டை நாங்களும் வரவேற்கிறோம். தமிழகத்தில் அம்மா மத்திய உணவு திட்டத்தை சிறப்பாக நடத்தி வருகிறார். அதற்கு நூறு சதவீத மானியத்தை மத்திய அரசு வழங்க வேண்டும் என்று கேள்வி எழுப்புகிறார் அ.தி.மு.க.வை நாடாளுமன்றத்தில் வழி நடத்தும் டாக்டர் மு.தம்பித்துரை. 

தமிழ்நாட்டில் உள்ள கூடங்குளம் அணுமின்நிலையத்தில் உற்பத்தியாகும் மின்சாரம் அனைத்தும்,தமிழகத்திற்கு கொடுக்கப்படுமா என்று மத்திய மின்துறை அமைச்சர் பி.கோயலிடம் தம்பித்துரை வலியுறுத்த, அமைச்சரோ, தமிழகத்தில் மின்பற்றாக்குறையை சமாளிக்க மிகவும் நேர்த்தியான முறையில் தமிழக அரசு நடவடிக்கை எடுத்து வருகிறது. அதனைபாராட்டுகிறேன் என்று அ.தி.மு.க. அரசை பாராட்டியிருக்கிறார். 

இதுபோன்று,அ.தி.மு.க. எம்.பி.க்களுக்கும், பா.ஜ.க.விற்கும் சினேகிதம் சிறப்பாக இருக்கிறது. மத்தியில் இருப்பது நம் அரசு, நமக்கு ஆதரவான அரசு, அம்மாவிற்கு நட்பான அரசு என்ற சிந்தனையில்தான் அ.தி.மு.க. எம்.பி.க்கள் அனைவரும் இருக்கிறார்கள். 

இந்த அடிப்படையில் பார்த்தால், முதல்வர் ஜெயலலிதாவும் சரி, நாடாளுமன்றத்தில் இருக்கும் அவருடையை எம்.பி.க்கள் 37 பேரும் சரி, மோடி அரசுக்கு எதிராக ஒரு துரும்பையும் இதுவரை எடுத்துப் போடவில்லை. ஆனால் பிரதமர் மோடி தலைமையிலான தேசிய ஜனநாயகக் கூட்டணி அரசோ அ.தி.மு.க.விற்கும், அக்கட்சிக்கு தலைமை தாங்கும் முதலமைச்சர் ஜெயலலிதாவிற்கும் தலைவலி கொடுக்கும் விடயங்களை தாராளமாகச் செய்து கொண்டிருக்கிறது. 

ஆரம்பத்தில், ஆட்சிப் பொறுப்பேற்கும் நிகழ்ச்சிக்கு இலங்கை ஜனாதிபதி மஹிந்த ராஜபக்ஷவை வரவழைத்து கௌரவப்படுத்தியது. பின்னர், மீனவர்கள் பிரச்சினை எழுந்த போது இலங்கை கடற்படையால் கைது செய்யப்பட்ட மீனவர்கள் உடனுக்குடன் விடுதலை செய்யப்பட்டாலும், அவர்களின் படகுகள் இதுவரை விடுவிக்கப்படவில்லை. அது மட்டுமின்றி, தமிழக மீனவர்கள் எல்லை தாண்டி மீன்பிடிக்கப் போவதை தமிழக அரசு தடுக்க வேண்டும். உள்நாட்டுப் பிரச்சினையாக இருக்கும் மீனவர் பிரச்சினைக்காக இரு நாடுகளின் உறவுகளை தியாகம் செய்ய முடியாது என்று மத்திய அரசினால் தமிழக அரசுக்கு திட்டவட்டமாக தெரியப்படுத்தியது. 

அடுத்து கச்சதீவு பிரச்சினை. அதில் தமிழக மீனவர்களுக்கு உரிமையில்லை என்று சென்னை உயர்நீதிமன்றத்தில் அறிவித்தது மத்திய அரசு. இப்போது அந்த தீவை திருப்பி வாங்கும் பிரச்சினைக்கே இடமில்லை என்று உச்சநீதிமன்றத்திலேயே முதல்வர் ஜெயலலிதாவும், முன்னாள் முதல்வர் கருணாநிதியும் தொடுத்த வழக்கில் சொல்லி விட்டது. 

அடுத்து, ராஜீவ் வழக்கில் தூக்கு தண்டனை விதிக்கப்பட்டவர்களை விடுதலை செய்யும் விடயத்திலும், இதில் மாநில அரசுக்கு அதிகாரம் இல்லை என்று மத்திய அரசு தன் நிலைப்பாட்டை இந்திய உச்சநீதிமன்றத்தில் தெளிவுபடுத்தியிருக்கிறது. ஏன் சமீபத்தில் மத்திய- மாநில அரசுகளுக்கு இடையில் மோதல் ஏற்பட்ட ஐ.பி.எஸ். அதிகாரி அர்சனா ராமசுந்தரம் வழக்கிலேயே மாநில அரசுக்கு எதிரான நிலைப்பாட்டைத்தான் மத்திய அரசின் சட்டமா அதிபர் முகுல் ரஸ்தோகி முன்னெடுத்துள்ளார். 

இதற்கெல்லாம் முத்தாய்ப்பு வைத்தாற்போல் ஹிந்தி மொழி விவகாரம் வேறு தலை தூக்கியது. மத்திய அரசின் அலுவலகங்கள் முழுக்க முழுக்க ஹிந்தியைப் பயன்படுத்த வேண்டும் என்று ஏற்கெனவே இருந்த காங்கிரஸ் அரசின் வலியுறுத்தலை,அப்படியே பா.ஜ.க. அரசு கடைப்பிடித்தது. அதனால் தமிழகத்தில் எதிர்ப்புக்குரல் கிளம்பியது. அனைத்துக் கட்சிகளும் கண்டன அறிக்கைகள் வெளியிட்டன. பிறகு, அந்த உத்தரவு ஹிந்தி பேசாத மாநிலங்களுக்கு இல்லை என்று மத்திய அரசு விளக்கம் அளித்தது. 

ஆனாலும் ஹிந்தி மொழி வளர்ச்சியை ஊக்கப்படுத்துவதில் மத்திய அரசுக்கு குறிப்பாக மோடி தலைமையிலான அரசுக்கு ஆர்வம் அதிகமாக இருப்பதாகவே தெரிய வருகிறது. ஏனென்றால் அவருக்கு ஹிந்தி பேசும் மாநிலங்களான பீஹார், உத்தரபிரதேசம், ராஜஸ்தான் போன்ற மாநிலங்களிலும் மற்றைய வட மாநிலங்களிலும்தான் அதிக எம்.பி.க்கள் கிடைத்திருக்கிறார்கள். 

அதை இன்னும் வலுப்படுத்திக்கொள்ள தங்கள் அரசு ஹிந்தி மொழி வளர்ச்சிக்காக பாடுபடும் அரசு என்பதை பறைசாற்றிக்கொள்ளும் நிர்ப்பந்தத்தில் நரேந்திரமோடி அரசு இருப்பதாகவே தெரிகிறது. 

எல்லாவற்றிற்கும் உச்சகட்டமாக, எதிர்வரும் ஓகஸ்ட் 7ஆம் திகதி முதல் 13ஆம் திகதி வரை,தமிழகத்தில் உள்ள பள்ளிகளில் சமஸ்கிருத வாரம் கொண்டாடப்பட வேண்டும் என்று கூறப்பட்டுள்ளது. இது அறிவிப்பாக மத்திய மனித வள மேம்பாட்டுச் செயலாளரிடமிருந்து தமிழக அரசின் தலைமைச் செயலாளருக்கு கடிதம் மூலம் வந்திருக்கிறது. தமிழகத்தில் உள்ள சி.பி.எஸ்.இ, கேந்திரிய வித்யாலயா சங்கேதன் மற்றும் என்.சி.ஈ.ஆர்.டி. போன்றவை இந்த சமஸ்கிருத வாரத்தைக் கொண்டாடும் என்று அறிவித்துள்ள அதே நேரத்தில் தமிழக அரசும் மாநில, மாவட்ட மற்றும் அனைத்து மட்டத்திலும் இந்த வாரத்தைக் கொண்டாட வேண்டும் என்று அறிவுறுத்தப்பட்டுள்ளது. 

தமிழகத்தில் சமஸ்கிருத வாரம் என்பது, ஹிந்தியில் அனைத்து மத்திய அரசு அலுவலகங்களும் செயல்படும் என்பதன் அடுத்த கட்டம் என்றே தமிழ் அமைப்புகள் கொந்தளிக்கின்றன. அனைத்துக் கட்சித் தலைவர்களும் கண்டன அறிவிப்பு வெளியிட்டு விட்டார்கள். அதை விட முக்கியமாக முதலமைச்சர் ஜெயலலிதாவும் மோடிக்கு கடிதம் எழுதியிருக்கிறார். 

அவர் மோடிக்கு எழுதியுள்ள கடிதத்தில், இப்படி சமஸ்கிருத வாரம் கொண்டாடச் சொல்வது பொருத்தமற்றது. சமூக நீதி மன்றும் மொழிப்போராட்டங்கள் வலுவாக நடைபெற்ற மாநிலம் தமிழகம். ஆகவே இங்கே செம்மொழி வாரம் கொண்டாடுவதுதான் சிறப்பாக இருக்கும் என்று சுட்டிக்காட்டி, அனைத்து மாநிலங்களிலுமே அந்தந்த கலாசாரத்தை பிரதிபலிக்கும் மொழியின் வாரமாகக் கொண்டாட உத்தரவிட வேண்டும் என்று கேட்டுக் கொண்டிருக்கிறார். 

தமிழ் மொழி வாரம் மட்டுமின்றி, கன்னட மொழி வாரம், தெலுங்கு மொழி வாரம், மலையாள மொழி வாரம் என, இப்படி ஒவ்வொரு மாநிலத்திலும் உள்ள மொழியின் வாரத்தைக் கொண்டாட வேண்டும் என்பதுதான் இந்த கோரிக்கையின் பின்னணியில் இருக்கும் விடயம்.  அது மாதிரி அந்தந்த மாநில மொழி வாரம் கொண்டாடுவதுதான் இந்தியாவின் பன்முகத்தன்மைக்கு எடுத்துக்காட்டாக விளங்கும் என்றும் பிரதமர் நரேந்திர மோடிக்கு, முதலமைச்சர் ஜெயலலிதா சுட்டிக்காட்டியிருக்கிறார். இது மாதிரி கருத்துக்கள்தான் முதலமைச்சர் ஜெயலலிதா எதிர்காலத்தில் தனக்குப் போட்டியாக தேசிய அரசியலில் வருவாரோ என்ற சந்தேகத்தை ஏற்படுத்துகிறது. 

ஏனென்றால், ஏற்கனவே தேசிய அரசியலை மனதில் வைத்தே கம்யூனிஸ்ட் போன்ற கட்சிகளை கடைசி நேரத்தில் கூட்டணியிலிருந்து விலக்கி வைத்தார் ஜெயலலிதா. அது மட்டுமின்றி தேர்தல் பிரசாரத்தில், மோடியா, லேடியா என்றால் இந்த லேடியின் ஆட்சியில் உள்ள தமிழகத்தில்தான் சிறந்த நிர்வாகம் நடக்கிறது என்று பிரசாரம் செய்தார். நாடாளுமன்றக் கட்டிடத்தின் புகைப்படத்தினை கட் அவுட்களிலும், போஸ்டர்களிலும் போட்டே சென்ற நாடாளுமன்றத் தேர்தலில் வாக்கு கேட்டார்கள். 

அடுத்த பிரதமர் அம்மா என்ற கோஷத்தை அ.தி.மு.க.வினர் மூலை முடுக்கெல்லாம் எடுத்துச்சென்றார்கள். இப்படியொரு எதிர்கால தேசிய அரசியல் திட்டத்தில் இருக்கும் ஒரு மாநில தலைவர் ஜெயலலிதா மட்டுமே. அதுவும் அவர் பா.ஜ.க.வில் உள்ளவர்களுக்கும், பா.ஜ.க.வின் கொள்கைகளுக்கும் பெரிய அளவில் வேறுபாடு இல்லாதவர் என்ற எண்ணம் நரேந்திரமோடியின் மனதில் நிழலாடிக் கொண்டிருக்கிறது. இவற்றை மனதில் வைத்தே அ.தி.மு.க.வுடன் நட்புணர்வுடன் இருக்கிறோம் என்பதை பறைசாற்றுவது போல் மோடியின் அணுகுமுறைகள் இருந்தாலும், அ.தி.மு.க.வும், பா.ஜ.க.வும் வௌ;வேறு கட்சிகள் என்ற ஒரு தெளிவான பாடத்தை எடுக்க விரும்புகிறார் மோடி. 

அதன் பிரதிபலிப்புதான் எவ்வளவுதான் அ.தி.மு.க. மோடி பக்கமாக நெருங்கிச் சென்றாலும், என் வழி தனி வழி என்ற ரீதியில் காய் நகர்த்துகிறார் பிரதமர் நரேந்திரமோடி. தேசிய அரசியல் என்ற ஒரு உறைக்குள், பிரதமர் பதவிக்கு ஆசைப்படும் இரு கத்திகள் உள்ளே இருக்க முடியாது என்பதை நரேந்திரமோடி ஆட்சியின் நடவடிக்கைகள் அ.தி.மு.க.விற்கு உணர்த்திக் கொண்டிருக்கின்றன என்பதுதான் இதன் ஹைலைட். இதை எவ்வளவு தூரம், எத்தனை நாளைக்கு அ.தி.மு.க. பொதுச் செயலாளர் ஜெயலலிதா பொறுத்துக் கொண்டிருக்கப் போகிறார் என்பதுதான் அனைத்து அரசியல் பார்வையாளர்களுக்கும் இப்போது இருக்கும் அகாடமிக் கேள்வி!

 எம்.காசிநாதன்

மனித கோபுரங்கள்

ஸ்பெயின் நாட்டில் Concurs de Castells’ என்று கூறப்படும் மனிதர்கள் கோபுரங்கள் போட்டி நேற்று நடத்தப்பட்டது. நூற்றுக்கணக்கான வீரர்கள் கலந்து கொண்ட இந்த போட்டியை ரசித்து பார்க்க நாடெங்கிலும் இருந்து சுமார் 20,000 பேர் கூடியிருந்தனர்.

ஸ்பெயின் நாட்டில் south-west of Barcelona என்ற பகுதியில் இருந்து 60 மைல்கள் தொலைவில் இருக்கும் Tarragona, என்ற நகரில்தான் இந்த மனிதகோபுரங்கள் போட்டி நடைபெற்றது. இதில் கலந்து கொள்வதற்காக பத்து குழுவினர் வந்திருந்தனர். ஒவ்வொரு குழுவிலும் ஆண்கள், பெண்கள், குழந்தைகள் என சுமார் 500 பேர் வரை இருந்தனர்.

மனிதர்கள் ஒருவர் மீது ஒருவர் ஏறி விதவிதமான கோபுரம் போன்று அமைத்து பார்வையாளர்களை அதிசயிக்க வைத்தனர். இந்த குழுவினர்களில் உடல் உறுதியாக இருந்தவர்கள் கீழ்ப்பகுதியிலும் லேசான உடலமைப்பை கொண்டவர்கள் அவர்கள் மீது ஏறி நின்றும் கோபுரங்கள் அமைத்த கண்கொள்ளா காட்சியை உள்ளூர் தொலைக்காட்சி நேரடியாக ஒளிபரப்பியது.

இந்த போட்டியில் யார் வெற்றி பெற்றார் என்பதை முடிவு செய்ய ஏழு பேர் கொண்ட ஒரு நீதிபதி குழு இருந்தது. இந்த மனித கோபுர போட்டியை 28 வயது David Oliete என்பவர் மிக அற்புதமாக புகைப்படங்கள் எடுத்துள்ளார். 

தன்னுடைய எட்டு வருட போட்டோகிராபி பணியில் இதுவரையில் இதுபோன்ற ஒரு பிரமாண்டமான நிகழ்ச்சியை தான் போட்டோ எடுத்ததில்லை என்றும், இது தனக்கு ஒரு வித்தியாசமான அனுபவம் என்றும் கூறினார். இந்த போட்டியில் Primer Classificat’ என்ற அணிக்கு முதல் பரிசு கிடைத்தது.






வைரமுத்து - புத்தகம் விற்க புது டெக்னிக்



கவிஞர் வைரமுத்து அவர்களை நேரில் சந்தித்து, எங்கள் கல்லூரி தமிழ் இலக்கிய விழாவில் உரை ஆற்ற அழைத்தோம். முதலில் அவர்களுடைய உதவியாளரை தொடர்பு கொண்டு பேசினோம். கவிஞரை நேரில் சந்திப்பதற்கு அனுமதி பெற்றோம்.

அவர்களை நேரில் சந்தித்தபோது அழைப்பிதழை வழங்கினோம். பின்பு விழாவினைப்பற்றிய விவரங்களை கேட்டறிந்தார் . அதன் பின் மகிழ்ச்சியோடு கலந்து கொள்வதாக உறுதி அளித்தார். ஆனால் அவர் தரப்பில் சில நிபந்தனைகள் வைக்கப்பட்டது.

அனைத்து நிபந்தனைகளையும் ஏற்றோம். இறுதியாக ஒரு நிபந்தனை அதில் அவர் எழுதிய மூன்றாம் உலகப்போர் என்ற புத்தகத்தை 500 புத்தகங்கள் வாங்க வேண்டும் என்று கூறினார்கள். நாங்கள் அழைப்பு விடுத்திருந்த நிகழ்ச்சி மாணவர்களால் தங்கள் செலவில் நடத்த படுகின்ற நிகழ்ச்சி, அப்போது அது மிகப்பெரிய தொகையாக இருந்தது .ஒரு புத்தகத்தின் விலை 240 , 5oo புத்தகங்களின் விலை 1,20,000(ஒரு லட்சத்து இருபதாயிரம் ரூபாய் ) ஆனால் நாங்கள் 300 புத்தகங்கள் வாங்க சம்மதம் தெரிவித்தோம்.

அவர்களும் ஏற்றுக்கொண்டார்கள். ஆனால் நிகழ்ச்சி ஏற்பாடுகளை செய்ய ஆரம்பித்துவிட்டோம்.இரண்டு நாட்களுக்கு பின்பு கவிஞருடைய வீட்டு தொலைபேசி எண்ணிலிருந்து ஒரு அழைப்பு வந்தது ,அவருடைய உதவியாளர் பேசினார். மீண்டும் 500 புத்தகங்கள் வாங்கியாக வேண்டும் என்று கூறினார். அப்போது 500 புத்தங்கள் வாங்க நாங்கள் தயார் நிலையில் இருந்தாலும்,

இப்படிப்பட்டவர் இலக்கிய விழாவில் கலந்துகொள்ள வேண்டாம் என்று முடிவுசெய்துவிட்டோம் . ஒருவர் ஒரு புத்தகத்தை எழுதினால் அதை புத்தக ஆர்வலர்கள் தாங்களாகவே வாங்கவேண்டும், இப்படி வலுக்கட்டாயமாக தள்ளக்கூடாது .

பிரபலங்கள் எழுதுகின்ற புத்தகங்கள் இப்படித்தான் விற்பனை செய்யப்படுகின்றது தமிழை வளர்ப்பவர்களை விட தமிழை வைத்து வாழ்பவர்கள் தமிழ்நாட்டில் அதிகம்

– கி.விஜயகுமார்

தமிழகத்திலும் ISIS



தமிழக இளைஞர்கள் சிலர் ஐ.எஸ்.ஐ.எஸ். இயக்க ஆதரவு வாசகங்கள் கொண்ட டி-சர்ட்டுகள் அணிந்த நிலையில் எடுத்த புகைப்படங்களை சமூக வலைதளங்களில் உலவி வருகிறது. 

ட்விட்டர், ஃபேஸ்புக் ஆகியவற்றில் கடந்த சில நாட்களாக 20க்கும் மேற்பட்ட இளைஞர்கள் ஐ.எஸ்.ஐ.எஸ். இயக்க ஆதரவு வாசகம், ஐ.எஸ்.ஐ.எஸ். என்ற ஆங்கில எழுத்துகளுடன் கறுப்பு டி சர்ட் அணிந்து போஸ் கொடுத்த புகைப்படம் உலா வருகிறது. 

இந்த புகைப்படம் ராமநாதபுரம் மாவட்டம் தொண்டியில் எடுக்கப்பட்டதாகும். இந்த புகைப்படத்தை வெளியிட்டுள்ள பதிவர்கள், "தொண்டியிலிருந்து புறப்பட்டுள்ள சூறாவளி....!! தமிழக முஸ்லிம்களின் வரலாற்றில் யாரும் மறக்க முடியாத ஊர் தொண்டி. 

இராமநாதபுரம் மாவட்டத்திலுள்ள தொண்டி தமிழக முஸ்லிம் தலைவர்களை பெற்றெடுத்த ஊர். இப்பொழுது புதிதாக ஓர் சூறாவளி புறப்பட்டுள்ளது. புதிய சூறாவளி என்றாலும் உலகையே திரும்பி பார்க்க வைத்த அக்னி பிரவேசம்...." என்று பதிவு செய்துள்ளனர்.

சாமிகிட்டே போய் சொல்லுவேன்!!


சிரியாவில் நடைபெற்று வரும் உள்நாட்டு யுத்தத்தில் நாளாந்தம் பலர் கொல்லப்பட்டு வருகிறார்கள். பல நூறுபேரை பலிவாங்கியுள்ள இந்த உள்நாட்டு யுத்தம் இதுவரை முடிவடையவில்லை. 

நேற்றைய தினம் பலத்த காயங்களோடு மருத்துவமனைக்கு ஒரு 3 வயதுச் சிறுவனை அழைத்து வந்தார்கள். அவன் உடலின் பல பகுதிகளில் குண்டுகளின் காயங்கள் இருந்தது. 

ஈரல்,கல்லீரல் மற்ரும் நெஞ்சுப் பகுதியிலும் காயம் இருந்தது. மருத்துவர்களுக்கே தெரியும் இச் சிறுவனை காப்பாற்றுவது என்பது கடினமான விடையம் என்று. ஆனாலும் அவர்கள் சிகிச்சை அளித்தார்கள்.

ஒரு கட்டத்தில் தனது கட்டிலில் இருந்து எழுந்து உட்கார்ந்த அச்சிறுவன் அழுதுகொண்டே குறினான் , நான் கடவுளிடம் சென்று நடந்த எல்லாவற்றையும் சொல்லப்போகிறேன் என்றான். 

மருத்துவர்கள் ஆடிப்போனார்கள். என்ன செய்வது என்று தெரியாமல் திண்டாடினார்கள். 3 வயதுச் சிறுவனுக்கே தான் சாகப் போவது எவ்வாறு தெரிந்தது ? என்று நினைத்தார்கள். அதேபோல சில மணிநேரத்தில் அச்சிறுவன் இறந்துபோனான். ஆனால் அவன் கூறிய வார்த்தைகளும் அவன் படங்களும் இணையத்தில் உலாவி பெரும் அதிர்வலைகளை தோற்றுவித்துள்ளது !

மோடி சம்பளம் இது தான்!!




பரப்பளவிலும் மக்கள் தொகையிலும் உலகின் பெரிய நாடுகள் பட்டியலைப் போட்டால், அதில் இந்தியாவுக்கும் இடம் உண்டு. இந்த எல்லா நாடுகளையும் எடுத்துக் கொண்டால், அதிக வேலைப்பளு இருப்பது இந்தியப் பிரதமருக்குத்தான். ஆனால், குறைந்த சம்பளம் வாங்குவதும் அவர்தான் என நிரூபிக்கின்றன புள்ளிவிவரங்கள்.

இந்தியப் பிரதமருக்கு மாதம் ரூ.50 ஆயிரம் அடிப்படைச் சம்பளம். இது தவிர செலவினங்கள் படி (Sumptuary Allowance) மாதம் ரூ.3 ஆயிரமும் தினசரி படி ரூ.2 ஆயிரம் வீதம் மாதத்திற்கு ரூ.62 ஆயிரமும் தொகுதி மற்றும் அலுவலகப் படி மாதம் ரூ.45 ஆயிரம்_-ஆக மொத்தம் மாதத்திற்கு ரூ.1 லட்சத்து 60 ஆயிரம் வழங்கப்படுகிறது.

பிரதமரின் உபயோகத்திற்கு கறுப்பு நிற 2009ம் ஆண்டு மாடல் பி.எம்.டபிள்யூ 7 வரிசை கார் அதிகபட்ச பாதுகாப்போடு வழங்கப்படுகிறது. இந்த கார் குண்டு துளைக்காத வகையிலும் வெப்பத்தைத் தாங்கக்கூடிய வகையிலும் வடிவமைக்கப்பட்டுள்ளது. எந்த வித வாயுவினாலும் இதைத் தாக்க முடியாது. கார் உடைந்தாலும் எரிபொருள் டேங்க் வெடிக்காது. மெர்சிடஸ் நிறுவன தயாரிப்பான ஆம்புலன்ஸ் மற்றும் ஒரு டாடா சபாரி மற்றும் 5 கறுப்பு நிற பி.எம்.டபிள்யூ எக்ஸ் 5 கார்கள் பிரதமருக்கு ஒதுக்கப்பட்டுள்ளன.

பிரதமரின் வெளிநாட்டுப் பயணத்துக்கு போயிங் 747 – 400 ரக விமானங்கள் பயன்படுத்தப்படுகின்றன. இந்த தனி விமானங்களின் எண் எப்போதும் கிமி1 (Air India One) ஆக இருக்கும்.

இந்த விமானத்தில் பிரதமருக்கு தனி படுக்கையறை ஒன்றும் ஓய்வுக்கூடம் ஒன்றும் ஆறு பேர் அமரக்கூடிய அலுவலகம், செயற்கைக் கோள் தொலைபேசிகளும் உண்டு. எட்டு பேர் கொண்ட விமானிகளின் பட்டியலிலிருந்து நான்கு விமானிகள் பிரதமரின் விமானத்தை ஓட்டுவர். ஆயுதங்கள் விமானத்தில் இருக்கும். டெல்லி பாலம் விமான நிலையத்திலிருந்து விமானங்கள் கண்காணிக்கப்படும். பிரதமர் விமானத்தில் புறப்படுவதற்கு ஒரு வாரத்திற்கு முன்னரே விமானம் பிரதமரின் பிரத்யேக பாதுகாப்புக்காக இருக்கும் சிறப்புப் பாதுகாப்புப் படையினரின் கட்டுப்பாட்டிற்கு வந்துவிடும்.

உள்நாட்டில் 5000 கி.மீ தொலைவு வரை மட்டும் விமானங்கள் இயக்கப்படும். இந்திய விமானப் படையின் ராஜ்தூத், ராஜ்ஹான்ஸ், ராஜ்கமல் ஆகியவை பிரதமரின் பயணத்துக்கு ஒதுக்கப்பட்டுள்ளன. இந்த விமானங்களில் ஆயுதத் தாக்குதல் எதிர்ப்பு பாதுகாப்பு அமைப்புகளும் செயற்கைக்கோள் தொலைபேசி வசதிகளும் பிரதமருக்கான படுக்கையறை மற்றும் அலுவலகமும் உள்ளன. பாதுகாப்பான செய்தித் தொடர்பு அறையும் உண்டு.

பிரதமர் ஓய்வு பெற்றதும் மாதம் ரூ. 20,000 ஓய்வு ஊதியம் உண்டு. ஓய்வூதியம் குறிப்பிட்ட காலத்திற்கு ஒருமுறை திருத்தி அமைக்கப்படும்.
டெல்லியில் வாழ்நாள் முழுவதும் தங்குவதற்கு வீட்டு வசதி செய்து தரப்படும். அந்த வீட்டுக்கு வாடகை, மின் கட்டணம், குடிநீர் வரி என எதுவும் விதிக்கப்பட மாட்டாது.
14 பணியாளர்கள் அடங்கிய செயலாளர் குழு அளிக்கப்படும். இது 5 ஆண்டுகளுக்குப் பிறகு ஒரு தனி உதவியாளர் மற்றும் ஒரு பியூனாக குறைக்கப்படும்.

ஆண்டுக்கு ஏழு முறை எக்ஸிகியூடிவ் வகுப்பு விமானப் பயணம் செய்யலாம்.

ஐந்தாண்டுகளுக்கு முழுஅலுவலகச் செலவுகள் வழங்கப்படும். பிறகு இது ஆண்டுக்கு ரூ. 6000 ஆக குறைக்கப்படும்.

சிறப்பு பாதுகாப்புப் படையின் பாதுகாப்பு ஓராண்டுக்கு அளிக்கப்படும்.

நாடாளுமன்ற உறுப்பினர்களுக்கு பிரதமரைப் போலவே மாதம் ரூ. 1,60,000 சம்பளம் மற்றும் படிகள் வழங்கப்படும்.

வீட்டு வசதி, பெட்ரோல், தொலைபேசி அழைப்புகள், மேஜை நாற்காலிகள் இலவசமாக வழங்கப்படும். வட்டியில்லா கடனில் கார் வாங்கலாம்.

ரயில்களில் இலவசமாக ஏ.சி. முதல் வகுப்பில் பயணம் செய்யலாம். ஆண்டுக்கு 34 இலவச விமான டிக்கெட்டுகள் வழங்கப்படும்.

நாடாளுமன்ற உறுப்பினரின் மனைவி அல்லது கணவன் ஆண்டுக்கு 8 முறை இலவசமாக விமானத்தில் டெல்லி செல்லலாம். நாடாளுமன்றக் கூட்டம் நடக்கும் நாட்களில் எத்தனை முறை வேண்டுமானாலும் ரயிலில் இலவசமாக டெல்லி செல்லலாம்.

பிரான்ஸ் மற்றும் ஜப்பானில் அயல் நாட்டுத் தூதர்களுக்கு இணையான ஊதியம் எம்.பி.க்களுக்கு வழங்கப்படுகிறது. ஜெர்மனியில் பாராளுமன்ற உறுப்பினர்கள் எவரையும் எதிர்பார்க்காமல் வாழ்கின்ற அளவிற்கு சம்பளம் வழங்கப்படுகிறது.

ஸ்விட்சர்லாந்தில் சம்பளமோ படிகளோ இல்லை. வேலையிலுள்ள பாராளுமன்ற உறுப்பினர்களுக்கு பாராளுமன்றம் நடைபெறும் நாட்களில் சம்பளத்தோடு கூடிய விடுமுறை மட்டும் அளிக்கப்படுகிறது.

மெக்ஸிகோவில் பாராளுமன்ற உறுப்பினர்களுக்கு சம்பளம் உண்டு. ஆனால் வேறு எங்கும் பணிபுரியக் கூடாது. தொழிலில் ஈடுபடக்கூடாது. எந்த அரசியல் கட்சியிலும் பொறுப்பாளராக இருக்கக்கூடாது.

அமெரிக்க எம்.பிக்கள் அரசு தரும் சம்பளத்தில் 15 சதவீதத்திற்கு அதிகமாக வெளியில் சம்பாதிக்கக் கூடாது.

பிரிட்டனில் சுயேச்சையாக செயல்படும் அமைப்பு, பாராளுமன்ற உறுப்பினர்களுக்கு சம்பளம் மற்றும் ஓய்வு ஊதியம் எவ்வளவு வழங்க வேண்டும் என பிரதமருக்கு ஆலோசனை வழங்குகிறது.

Sunday, 13 July 2014

இந்தியாவிற்கு எதிராக காய் நாகர்த்தும் சீனா- சிக்குமா இலங்கை



இயற்கைத் துறை­மு­கத்­துடன் கூடிய, திரு­கோ­ண­ம­லையை கட்­டுப்­பாட்­டுக்குள் கொண்டு வரு­வ­தற்கு மீண்டும் ஒரு சர்வ­தேச காய்­ந­கர்த்­தல்கள் ஆரம்­ப­மா­கி­யுள்­ளன.

திரு­கோ­ண­ம­லையைத் தமது கட்­டுப்­பாட்­டுக்குள் கொண்டு வரு­வ­தற்கு அமெ­ரிக்கா நீண்­ட­கா­ல­மா­கவே முயற்­சித்து வந்­தது.

அதனைத் தடுப்­ப­தற்­கா­கவும், இலங்­கையில் அதி­க­ரித்து வந்த அமெ­ரிக்கத் தலை­யீட்­டுக்கு முற்­றுப்­புள்ளி வைக்கும் விதத்­திலும் தான், 1987ஆம் ஆண்டு ஜுலை 29ஆம் திகதி இலங்­கை­யுடன் உடன்­பாடு செய்து கொண்­டது இந்­தியா.

அந்த உடன்­பாட்­டுக்கு அமைய, இந்­தி­யாவின் நலன்­களைப் பாதிக்கக் கூடிய வகையில், வேறெந்த நாட்­டுக்கும், திரு­ கோ­ண­மலை உள்­ளிட்ட இலங்­கையின் துறை­மு­கங்­களை இரா­ணுவத் தேவைக்குப் பயன்படுத்த அனு­ம­திப்­ப­தில்லை என்ற இணக்கம் ஒன்று உரு­வா­னது.

இந்­திய – இலங்கை உடன்­பாட்­டுக்குப் புறம்­பாக, அப்­போ­தைய ஜனா­தி­பதி ஜே.ஆர்.ஜெய­வர்த்­த­ன­வுக்கும், இந்­தியப் பிர­தமர் ராஜீவ் ­காந்­திக்கும் இடையில், பரி­மாறிக் கொள்­ளப்­பட்ட கடி­தங்­களில் இது ­கு­றித்து விப­ரிக்­கப்­பட்­டுள்­ளது.

அப்­போது, இலங்­கையின் துறை­மு­கங்கள் மீதே அமெ­ரிக்­கா­வி­னது கவனம் இருந்­ததே தவிர, விமா­னப்­படைத் தளங்கள் மீது அதி­க­மான கவனம் இருக்­க­வில்லை. எனவே அவை குறித்து ஏதும் விப­ரிக்­கப்­பட்­டி­ருக்­க­வில்லை.

இப்­போது, இலங்­கையின் துறை­மு­கங்­க­ளையோ, விமா­னத் ­த­ளங்­க­ளையோ கட்­டுப்­பாட்­டுக்குள் கொண்டு வரும் எண்ணம் அமெ­ரிக்­கா­வுக்குக் கிடை­யாது.

ஏனென்றால், முன்னர், எதி­ரெதிர் முனை­களில் இருந்த இந்­தி­யாவும் அமெ­ரிக்­காவும் இப்­போது ஒரே அணி­யாக வந்து விட்­டன.

இந்­தி­யாவின் நலன்­க­ளுக்கு பாதிப்பை ஏற்­ப­டுத்தும் எந்த நகர்­வையும், தெற்­கா­சி­யாவில் மேற்­கொள்­வ­தில்லை என்­பதே அமெ­ரிக்­காவின் இப்­போ­தைய கொள்கை.

ஆனால், இப்­போது, இலங்­கையின் துறை­மு­கங்கள், விமா­னத்­த­ளங்கள் மீது சீனா கண்வைக்கத் தொடங்­கி­யுள்­ளது.

1980களில், அமெ­ரிக்­கா­விடம் இருந்து இந்­தியா எத்­த­கைய அச்­சு­றுத்­தல்­களை எதிர்­கொண்­டதோ, அது­போ­லவே இப்­போது சீனா­விடம் இருந்து இந்­தியா எதிர்­கொள்­கி­றது.



அமெ­ரிக்­காவை விடவும், வலி­மை­யாக சீனா இலங்­கையில் ஊடு­றுத்து நிலை­கொள்ள முனை­கி­றது.

இலங்­கையின் துறை­மு­கங்கள், விமானத் தளங்­களின் மீது மட்­டு­மன்றி, உட்­கட்­ட­மைப்பு வச­திகள் அனைத்­திலும், கால் வைத்து, ஒட்­டு­மொத்­த­மாக இலங்­கையைத் தனது கட்­டுப்­பாட்­டுக்குள் வைத்­தி­ருக்க சீனா முனை­கி­றது.

அதற்­காக சீனா இலங்­கைக்கு என்­று­மில்­லாத அள­வுக்கு- எந்தக் கட்­டுப்­பா­டு­க­ளு­மின்றிக் கடன்­களை அள்ளி வீசு­கி­றது.

தெற்­கா­சி­யாவில் தனக்குச் சவால் விடக் கூடிய நாடான இந்­தி­யாவைச் சுற்றி ஒரு வளை­யத்தை அமைப்­பதே சீனாவின் திட்டம். அதனை முற்­றிலும் வெற்­றி­க­ர­மாக செயற்­ப­டுத்த வேண்­டு­மானால், இலங்­கையை கட்­டுப்­பாட்­டுக்குள் வைத்­தி­ருக்க வேண்­டி­யது அவ­சியம்.

ஹம்­பாந்­தோட்டைத் துறை­மு­கத்­துக் குள் காலடி எடுத்து வைத்த சீனா அதை­ய­டுத்து, விமான நிலை­யங்கள், அனல் மின்நிலை­யங்கள், வீதிகள், ரயில் பாதைகள் என்று கால்வைக்­காத துறை­களே இல்லை.

இப்­போது, சீனாவின் கவனம் நடுத்­தரக் கைத்­தொ­ழில்­களின் மீதும் திரும்பி விட்­டுள்­ளது.

இதனால் உள்ளூர் தொழில் நிறு­வ­னங்கள் முடங்கும் நிலை ஏற்­பட்­டாலும் ஆச்ச­ரி­ய­மில்லை.

இத்­த­கைய சூழலில் தான், சீனக்­கு­டாவில், விமானப் பரா­ம­ரிப்பு நிலையம் ஒன்றை அமைக்க சீனாவுக்கு அனு­ம­தி­ய­ளிக்கும் முடிவை இலங்கை அர­சாங்கம் எடுத்­தி­ருக்­கிறது. கடந்த மே மாதம் 29ஆம் திகதி இதற்­கான முடிவு இலங்கை அர­சாங்­கத்­தினால் எடுக்­கப்­பட்­டுள்­ளது.

40.3 மில்­லியன் டொலர் செலவில், சீனக்­கு­டாவில் விமானப் பரா­ம­ரிப்பு நிலை­யத்தை அமைக்க, சீனாவின் தேசிய வான் பொறி­யியல் இறக்­கு­மதி, ஏற்­று­மதிக் கூட்­டுத்­தா­ப­னத்­துக்கு வழங்­கப்­பட்­டுள்ள அனு­மதி இந்­தி­யா­வுக்குப் பெரிதும் சவா­லான விட­ய­மாக மாறி­யுள்­ளது.

18 சீன பொறி­யியல் நிபு­ணர்­களைக் கொண்ட குழு, இலங்­கைக்கு மேற்­கொண்ட பய­ணத்தின் பின்னர் இந்த முடிவு அர­சாங்­கத்­தினால் எடுக்­கப்­பட்­டது.

இதன்­படி, சீனக்­குடா விமா­னப்­படைத் தளத்தில் உள்ள விமா­னப்­படைப் பயிற்சி நிலை­யத்­துக்கு அரு­காக, இந்த விமானப் பரா­ம­ரிப்பு நிலையம் அமைக்­கப்­ப­ட­வுள்ளது.

இந்த விமானப் பரா­ம­ரிப்பு நிலையம் எதற்­காக அமைக்­கப்­ப­ட­வுள்­ளது – இதனால், இலங்­கைக்கு என்ன இலாபம் -சீனா­வுக்கு என்ன இலாபம் – இந்­தி­யா­வுக்கு என்ன பாதிப்பு – இந்த விட­யங்கள் தான் முக்­கி­ய­மாக ஆரா­யப்­பட வேண்­டி­யவை.

இலங்கை விமா­னப்­ப­டை­யிடம் உள்ள சீன விமா­னங்கள் அனைத்­தையும், பரா­ம­ரிக்­கத்­தக்க – பழு­து­ பார்க்­கத்­தக்க – புதுப்­பிக்­கத்­தக்க - முழு வச­தி­க­ளையும் கொண்­டதாக இந்தப் பரா­ம­ரிப்பு நிலையம் அமைக்­கப்­ப­ட­வுள்­ளது.

அதா­வது, சீனாவில் உற்­பத்தி செய்­யப்­பட்ட அனைத்து விமா­னங்­க­ளி­னதும், உற்­பத்­திக்குப் பிந்­திய சேவைகள் அனைத்­தையும், வழங்­கு­வ­தற்­கான தளம் இது.

இலங்கை விமா­னப்­ப­டை­யிடம் இப்போது, சீனா, ரஷ்யா, அமெ­ரிக்கா, இஸ்ரேல் போன்ற நாடு­க­ளிடம் வாங்­கப்­பட்ட பெரு­ம­ளவு விமா­னங்கள் உள்­ளன.

உத்தியோ­க­பூர்­வ­மாக உறுதி செய்­யப்­பட்­டாத நிலையில் இவற்றில், வை-12 போக்­கு­வ­ரத்து விமா­னங்கள் - 09 , எம்.ஏ-60 பய­ணிகள் விமா­னங்கள் - 02, எவ்-7 ஜெட் போர் விமா­னங்கள் 12, பி.ரி-6 எனப்­படும் ஒற்றை இயந்­திர அடிப்­படைப் பயிற்சி விமா­னங்கள் - 08, கே-8 ஜெட் பயிற்சி விமா­னங்கள் - 06 ஆகி­யவை தான், சீனா­விடம் வாங்­கப்­பட்­டவை.

அமெ­ரிக்க, ரஷ்ய, உக்­ரே­னியத் தயா­ரிப்பு விமா­னங்­க­ளுடன் ஒப்­பிட்டுப் பார்க்கப் போனால், சீனத் தயா­ரிப்பு விமா­னங்கள் விமா­னப்­ப­டை­யிடம் குறைவு தான்.

மொத்தம் 37 சீனத் தயா­ரிப்பு விமா­னங்கள் இப்­போது விமா­னப்­ப­டை­யிடம் உள்­ளன. அதே­வேளை, அமெ­ரிக்­கா­விடம் வாங்­கப்­பட்ட 40 விமா­னங்கள், ஹெலி­கொப்­டர்­களை விமா­னப்­படை வைத்­தி­ருக்­கி­றது. 
ரஷ்­யா­விடம் வாங்­கப்­பட்ட 53 விமா­னங்கள், ஹெலி­க­ளையும் விமா­னப்­படை பயன்­ப­டுத்தி வரு­கி­றது.

ஆனால், அமெ­ரிக்­கா­வு­டனோ, ரஷ்­யா­வு­டனோ இத்­த­கைய விமானப் பரா­ம­ரிப்பு நிலை­யத்தை அமைப்­ப­தற்­கான உடன்­பாட்டை செய்து கொள்ள இலங்கை முன்­வ­ர­வில்லை.

இந்த விமானப் பரா­ம­ரிப்பு நிலை­யத்தை அமைக்க சீனா­வுக்கு அனு­மதி அளித்­தது பெரிய விவ­கா­ரமே இல்லை.

அதனை சீனக்­கு­டாவில் அமைப்­ப­தற்கு அனு­மதி அளித்­தது தான், சர்ச்­சைக்­கு­ரி­ய­தாக உள்­ளது.

இயற்கைத் துறை­மு­க­மான திரு­கோ­ண­மலை, இந்­தியப் பெருங்­கடல் வழி­யாகச் செல்லும் கப்­பல்­களைக் கட்­டுப்­ப­டுத்தும் ஒரு பெருந்­த­ள­மாகப் பயன்­ப­டுத்தக் கூடி­யது.

அதுவும் இந்­தி­யா­வுக்கு மிக அரு­காக உள்­ளது.

கூடவே, விசா­ல­மான விமான ஓடு­பா­தையும் இருக்­கி­றது.

பிரித்­தா­னிய ஆட்­சிக்­கா­லத்தில் அமைக்­கப்­பட்ட மிகப்­பெ­ரிய எண்ணெய் குதங்­களும் உள்­ளன.

இவை தற்­போது இந்­தி­யாவின் ஐ.ஓ.சி. நிறு­வ­னத்­துக்கு குத்­த­கைக்கு வழங்­கப்­பட்­டுள்­ளன.

இத்­த­கை­ய­தொரு கேந்­திர முக்­கி­யத்­துவம் மிக்க இடத்தில் காலூன்றக் கிடைத்த வாய்ப்பை சீனா எப்­படித் தான் நழு­வ­விட விரும்பும்?

சீனக்­கு­டாவில், மெது­வாக விமானப் பரா­ம­ரிப்பு நிலையம் ஒன்றை அமைத்துக் கொடுத்து. அங்கே தனது பொறி­யி­ய­லா­ளர்­க­ளையும், தனக்­கான வச­தி­களைக் கொண்ட கட்­ட­மைப்பு ஒன்­றையும் உரு­வாக்கி விட்டால், பிற்­கா­லத்தில் அதனை ஒரு விரி­வான இரா­ணுவ மைய­மாக மாற்றிக் கொள்­ளலாம் என்று சீனா கணக்குக் போட்­டி­ருக்­கலாம்.

இலங்­கையை தன்­வசம் வளைத்துப் போடு­வ­தற்கு சீனா வழக்­க­மாக கையாளும் அதே தந்­திரம் தான் இங்கும் கையா­ளப்­பட்­டுள்­ளது.

இந்த விமானப் பரா­ம­ரிப்பு நிலை­யத்தை அமைப்­ப­தற்குத் தேவை­யான நிதியை, அதை உரு­வாக்­க­வுள்ள சீனாவின் வான் பொறி­யியல் ஏற்­று­மதி இறக்­கு­மதிக் கூட்­டுத்­தா­ப­னமே வழங்கப் போகி­றது.

குறைந்த வட்டி, தள்­ளு­படிச் சலு­கைகள் என்று காட்டி இந்த வாய்ப்பை தன் பக்கம் இழுத்­தி­ருக்­கி­றது சீனா.

இந்த விமானப் பரா­ம­ரிப்பு நிலை­யத்தை அமைப்­பதன் மூலம், இலங்­கைக்கு கிடைக்­க­வுள்ள இலாபம் என்­ன­வென்றால், விமா­னப்­ப­டை­யிடம் உள்ள சீனத் தயா­ரிப்பு விமா­னங்­களை இங்­கேயே சீர­மைத்து, பழுது­ பார்த்து, புதுப்­பித்துக் கொள்­ளலாம்.

இத்­த­கைய சேவை­க­ளுக்­காக சீனா­வுக்கு கப்­ப­லிலோ, விமா­னத்­திலோ அனுப்பி, மீளப் பெறு­வ­தற்கு ஏற்­படும், செலவு குறையும்.

அதை­விட, குறு­கிய காலத்­துக்­குள்­ளேயே, இத்­த­கைய சேவை­களை மேற்­கொண்டு விடவும் முடியும்.

இத­னை­விடப் பெரிய அனு­கூ­லங்கள் என்று இலங்­கைக்கு எதுவும் இல்லை.

சீனாவைப் பொறுத்­த­வ­ரையில், இந்த விமானப் பரா­ம­ரிப்பு நிலை­யத்தை அமைப்­பதன் மூலம், சீனக்­கு­டாவில் தனது காலை ஊன்­று­வ­துடன் மட்­டு­மன்றி, அதற்கு அப்­பாலும், நீண்­ட­கால நலன்­களை அடைய முடியும்.

இந்தப் பரா­ம­ரிப்பு நிலை­யத்தை அமைப்­பதன் மூலம், தனது ஒரு தொகுதி பொறி­யி­ய­லா­ளர்­களை சீனக்­கு­டாவில் தொடர்ச்­சி­யாகத் தங்­க­வைக்கப் போகி­றது சீனா.  அது பாது­காப்பு ரீதி­யான ஒரு நேரடி அனு­கூலம்.

அதை­விட, இந்தப் பரா­ம­ரிப்பு நிலை­யத்தை அமைத்துக் கொடுத்தால், இலங்கை விமா­னப்­படை ஒரு கால­கட்­டத்தில், சீனாவின் முழு­மை­யான கட்­டுப்­பாட்­டுக்குள் வந்து விடும்.

இங்கு வேறு விமா­னங்­களை பரா­ம­ரிக்கும் வச­திகள் இருக்­காது.

பொது­வாக விமா­னங்கள் விற்­கப்­படும் போது, விற்­ப­னைக்குப் பிந்­திய சேவை­களை குறித்த தயா­ரிப்பு நிறு­வ­னமே பொறுப்­பேற்கும்.

எனவே, சீனக்­கு­டாவில் சீன நிறு­வ­னத்­தினால் அமைக்­கப்­படும், விமானப் பரா­ம­ரிப்பு நிலை­யத்தில் சீன விமா­னங்­களைத் தவிர, மற்­றைய நாட்டுத் தயா­ரிப்பு விமா­னங்­களைப் பரா­ம­ரிக்க முடி­யாது.

உதா­ர­ணத்­துக்கு, சபு­கஸ்­கந்தை எண்ணெய் சுத்­தி­க­ரிப்பு நிலை­யத்தை எடுத்துக் கொள்­ளலாம்.

ஈரான் அமைத்துக் கொடுத்த இந்த சுத்­தி­க­ரிப்பு ஆலையில், அந்த நாட்டு மசகு எண்­ணெயை மட்­டுமே சுத்­தி­க­ரிக்க வச­திகள் உள்­ளன.

இதனால், தான், ஈரான் மீதான அமெ­ரிக்­காவின் பொரு­ளா­தாரத் தடையால் அது அடிக்­கடி மூடப்­ப­டு­கி­றது.

அது­போலத் தான், சீனக்­கு­டாவில் சீனா அமைக்கும் விமானப் பரா­ம­ரிப்பு நிலை­யத்தை வேறு தேவைக்குப் பயன்­ப­டுத்­தவும் வழி­யி­ருக்­காது.

அதே­வேளை, தற்­போ­துள்ள 37 சீனத் தயா­ரிப்பு விமா­னங்­க­ளுக்­காக இந்தப் பரா­ம­ரிப்பு நிலை­யத்தை விமா­னப்­ப­டையால் வைத்­தி­ருக்க முடி­யாது.

எனவே, இனிமேல், சீனத் தயா­ரிப்பு விமா­னங்­களை மட்­டுமே, விமா­னப்­படை கொள்­வ­னவு செய்யும்.

அதுவும், கூடிய விரைவில், விமா­னப்­ப­டை­யிடம் உள்ள மிக் -27, கிபிர் ஆகிய 15 ஜெட் போர் விமா­னங்கள் கழித்து ஒதுக்­கப்­ப­ட­வுள்­ளன.

அவற்­றுக்குப் பதி­லாக, புதிய விமா­னங்கள் கொள்­வ­னவு செய்­யப்­ப­டு­வது குறித்து விமா­னப்­படை ஆராய்ந்து வரு­கி­றது.

இத்­த­கைய சூழலில் தான், சீனக்­கு­டாவில் விமானப் பரா­ம­ரிப்பு நிலை­யத்தை அமைக்கப் போகி­றது சீனா.

புதிய விமானக் கொள்­வ­னவின் போது, இதுவும் கருத்தில் எடுத்துக் கொள்­ளப்­படும்.

இங்­கேயே பரா­ம­ரித்துக் கொள்­ளலாம் என்­பதால், சீன விமா­னங்­களைக் கொள்­வ­னவு செய்ய விமானப்படை முனையும்.

அல்லது சீனாவே அதற்கு நெருக்குதல் கொடுக்கவும் கூடும்.

ஆக, இலங்கை விமானப்படையை, கூடிய விரைவில், முற்றிலும் சீன விமானங்களைக் கொண்டதாக மாற்றுவதற்கு சீனாவுக்கு பெரும் உதவியாக அமையும்.

அடுத்து, இதனால், இந்தியாவுக்கு என்ன பாதிப்பு வந்து விடப் போகிறது?

இந்தியாவுக்கு மிக அருகாக அமையக் கூடிய இந்த விமான பராமரிப்பு நிலையத்தை, சீனா தனது இராணுவத் தேவைகளுக்கும் பயன்படுத்திக் கொள்ளலாம்.

அதைவிட, இந்தியாவுக்கு மிக அருகாக அமையக் கூடிய இந்த இராணுவ நிலையால், இந்தியாவின் பாதுகாப்புக் கேள்விக்குறியாகும்.

அதைவிட திருகோணமலைத் துறைமுகத்தையும், எண்ணெய்க் குதங்களையும் தனது கட்டுப்பாட்டில் வைத்திருக்கும் இந்தியாவின் திட்டம் மெதுவாக வலுவிழந்து போகும்.

இப்படியாக, இலங்கை மீதான இந்தியாவினது செல்வாக்கு கொஞ்சம் கொஞ்சமாக பறிக்கப்பட்டு, சீனா அதனை வசப்படுத்திக் கொள்ளும்.

இது தான் இந்தியாவுக்கு உள்ள பிரச்சினை.

இந்தப் பிரச்சினையை இந்தியா எப்படிக் கையாளப் போகிறது?

வெறும் எதிர்ப்போடு நிறுத்திக் கொள்ளப் போகிறதா - அல்லது தடுப்பதற்காக செயலில் இறங்கப் போகிறதா?

தமிழ்வின் சுபத்ரா

Sunday, 6 July 2014

இந்தியாவிற்கு உதவ மறுத்த சவூதி மற்றும் ஈராக்!!



ராக்கில் ஐஎஸ்ஐஎஸ் தீவிரவாதிகளின் பிடியில் சிக்கித் தவித்த இந்திய நர்ஸ்களையும், இதர இந்தியர்களையும் மீட்பதில் ஈராக் அரசும், ஈராக் ராணுவமும் இந்தியாவுக்கு ஒத்துழைப்பு தரவில்லை.



இதையடு படு புத்திசாலித்தனமாக மறைந்த சதாம் உசேனின் பாத் கட்சியைச் சேர்ந்த முக்கியஸ்தர்களிடமும், தீவிரவாதிகளுக்கு நெருக்கமானவர்களிடமும் இந்திய அரசே நேரடியாக தொடர்பு கொண்டு பேசி காரியத்தைச் சாதித்து அசத்தியுள்ளது.



பலமுனைகளிலும் இதற்கான முயற்சிகளை மத்திய வெளியுறவுத்துறை அமைச்சர் சுஷ்மா சுவராஜும், பிரதமர் அலுவலகமும் மேற்கொண்ட விதம் அயரடிப்பதாக உள்ளது.



இப்படிப்பட்ட முயற்சிகளை இந்திய அரசு இதுவரை மேற்கொண்டதாகத் தெரியவில்லை. அந்த அளவுக்கு பலவிதங்களிலும் தொடர்ந்து முயற்சி செய்து, இந்தியா மீது மதிப்பு வைத்துள்ள சதாம் உசேனின் கட்சியினர் மூலம் காரியத்தை சாதித்து அத்தனை பேரையும் பத்திரமாக மீட்டுள்ளது இந்தியா.



நர்ஸ்கள் உள்ளிட்டோரை மீட்பதில் சதாமின் பாத் கட்சியினர்தான் பெரும் பங்கு வகித்துள்ளதாக தகவல்கள் கூறுகின்றன. பாத் கட்சியினர் ஐஎஸ்ஐஎஸ் அமைப்புக்கு நெருக்கமானவர்கள். ஈராக் பிரதமர் நூர் அல் மாலிக்கி அரசுக்கு எதிராக ஆயுதமேந்திப் போராடி வருபவர்களும் கூட. மேலும் ஐஎஸ்ஐஎஸ் அமைப்பில் இணைந்து செயல்பட்டு வரும் பல்வேறு சன்னி குழுக்களும் கூட இந்தியாவுக்காக உதவியுள்ளனவாம்.



தீவிரவாதிகளின் பிடியில் இன்னும் 39 இந்தியர்கள் சிக்கியிருப்பதால் இதுகுறித்து மத்திய அரசு எதுவும் சொல்லாமல் இருப்பதாக கூறப்படுகிறது.



ஆனால் இந்திய அரசு வரலாறு காணாத வகையில் பலமுனைகளிலும் இதற்கான முயற்சிகளையும், பேச்சுக்களையும் மேற்கொண்டதாக கூறப்படுகிறது.



ஈராக் அரசும், ராணுவமும் இந்தியாவுக்கு உதவ முடியாத நிலையில் இருப்பதாக கூறியதைத் தொடர்ந்து முதலில் இந்தியா எடுத்த முடிவு - சதாம் உசேனின் பாத் கட்சியைப் பிடித்ததுதான்.


பாத் கட்சியினர் இந்தியா மீது மதிப்பு வைத்திருப்பவர்கள். காரணம், சதாமின் நண்பராக இந்தியா இருந்ததால். அவர்களுடன் இந்திய அரசு பேசி உதவுமாறு கோரிக்கை விடுத்துள்ளோம்.



அதேபோல ஐஎஸ்ஐஎஸ் அமைப்பில் இணைந்து செயல்பட்டு வரும் பல்வேறு சன்னி குழுக்களையும் இந்தியா தொடர்பு கொண்டு உதவி கோரியுள்ளது.



மேலும் சதாம் உசேனின் செல்வாக்கு கொடி கட்டிப் பறந்த பகுதிகளா பலூஜா, ரமாதி, அன்பர் பகுதிகளில் செயல்பட்டு வரும் சன்னி குழுக்களையும் இந்தியா தொடர்பு கொண்டதாக தெரிகிறது. இவர்கள் அல் கொய்தாவுக்கு எதிரானவர்கள் என்பது குறிப்பிடத்தக்கது.



மேலும் சதாம் உசேனின் முன்னாள் நெருங்கிய நண்பரும், தற்போது நக்ஷாபந்தி ஆர்மி என்ற அமைப்பை நடத்தி வருபவருமான இஸ்ஸாத் இப்ராகிம் அல் தூரியையும் இந்தியா தொடர்பு கொண்டு உதவி கோரியுள்ளது.



மறுபக்கம் பல்வேறு நாடுகளையும் கூட இந்தியா அணுகியது. ஆனால் சவூதி அரேபியா, கத்தார் போன்ற நாடுகள் உதவிக்கு வரவில்லை. இருந்தாலும் விடாத மத்திய அரசு, பல அமைப்புகள், பல தனி நபர்களுடன் இடைவிடாமல் பேசி நல்லபடியாக அனைவரையும் மீட்டு சாதித்துள்ளது.  

Wednesday, 2 July 2014

மீண்டும் மீண்டும் மறைக்கப்படும் கட்ச தீவு உண்மைகள்!!

இந்தியாவிற்கும் இலங்கைக்கும் இடையே உள்ள கடற்பரப்பில்(மன்னார் வளைகுடா மற்றும் பாக் நீரிணைப்பு) பல மணற் திட்டுக்களும்,சிறிதும் பெரிதுமான பல தீவுகளும் உள்ளன,அவற்றில் குறிப்பிடத்தக்க அளவில் 12 தீவுகள் உள்ளன,

1480 ம் ஆண்டில் ஏற்பட்ட கடல் கொந்தளிப்பால் பெரும் புயல் ஏற்பட கடற் அடிப்பரப்பில் ஏற்பட்ட நிலவியல் மாற்றத்தால் வங்கக் கடலில் ராமேஸ்வரம் தீவும் அதை சுற்றி 11 தீவுகளும் உண்டாயின என்கிறார்கள்.

அத்தீவுகளின் பெயர்கள்:

01 ராமேஸ்வரம்

02 குந்துகால் தீவு

03 புனவாசல் தீவு

04 முயல் தீவு

05 பூமரிச்சான் தீவு

06 முல்லைத் தீவு

07 மணல் தீவு

08 வாலித் தீவு (கச்சத் தீவு)

09 அப்பா தீவு

10 நல்ல தண்ணீர் தீவு

11 உப்பு தண்ணீர் தீவு

12 குருசடி தீவு


இதில் ஓரளவு பெரிய பரப்பினைக்கொண்டது கச்சத்தீவு ஆகும் ,ராமேஷ்வரத்தில் இருந்து 18 கி.மீ தொலைவில் அமைந்துள்ளது, பரப்பளவு சுமார்  285 ஏக்கர்(1.15ச.கி.மீ).

இத்தீவானது 1974 ஆம் ஆண்டு வரையில் இந்தியாவின் கட்டுப்பாட்டில் இருந்து வந்தது, 1974 இல் இலங்கை பிரதமர் சிரிமாவோ பண்டாரநாயகாவிற்கும், இந்திய பிரதமர் இந்திராகாந்திக்கும் இடையே மேற்கொள்ளப்பட்ட ஒரு ஒப்பந்தத்தின் மூலம் இலங்கைக்கு விட்டுக்கொடுக்கப்பட்டது அன்று முதல் இக்கடற்பரப்பில் தமிழக மீனவர்களுக்கு சோதனைக்காலம் துவங்கிவிட்டது.

கச்சத்தீவினை தாரைவார்த்துக்கொடுத்ததின் பின்னால் உள்ள அரசியலையும், நமது தமிழக அரசியல் தலைவர்களின்  செயல்படாத்தன்மையும் விரிவாக காணலாம்.

1974 ஒப்பந்தம்:

பண்டார நாயகா மறைவுக்கு பின்னர் அவரது மனைவி சிரிமாவோ பண்டார நாயகா இலங்கையின் பிரதமராக பதவிக்கு வந்தார். 

ஆனால் அவருக்கு இலங்கையில் அரசியல் ரீதியாக பல நெருக்கடிகள் ஏற்பட்டதால் தனது அரசியலை வலுவாக்கிக்கொள்ள ஏதேனும் அசாத்திய சாதனை செய்ய விரும்பினார். 

இதனால் நீண்ட நாட்களாக இலங்கை உரிமைக்கேட்டு வந்த கட்சத்தீவு பிரச்சினையை கையில் எடுத்துக்கொண்டு ,அப்போதைய இந்திய பிரதமரை அனுகினார்.


பண்டாரநாயகா காலம் தொட்டே நேரு குடும்பத்துடன் நட்புறவு கொண்டிருந்தார்கள்,அதே நட்புடன் இந்திராவும் இருந்ததால் காரியம் சாதிக்க விரும்பினார். 

அக்காலக்கட்டத்தில் இந்திரா தலைமையிலான அரசுக்கும் ஒரு நெருக்கடி உருவானது.

அது என்னவெனில்,மே-18,1974 இல் இந்திராவின் திட்டப்பட்டி ,ராஜஸ்தான் பாலைவனத்தில் போக்ரானில் முதல் அணுகுண்டு வெடிப்பு சோதனை நிகழ்த்தப்பட்டிருந்து. 

இதனால் உலக நாடுகள் எல்லாம் இந்தியாவின் மீது கோபம் கொண்டிருந்தன, மேலும் ஐநா சபையில் இந்தியா மீது பொருளாதார தடை விதிக்க ஒரு தீர்மானம் கொண்டு வரும் திட்டமும் இருந்தது. 

எனவே ஐநா சபையில் தனக்கான ஆதரவை திரட்ட அண்டை நாடுகளுடன் நட்புறவை வளர்த்துக்கொள்ள இந்திரா காந்தி அவர்கள் ஆர்வமாக இருந்த சூழலில், சிரிமாவோ கட்சத்தீவைக்கேட்கவும் விட்டுக்கொடுத்து இலங்கையை வளைத்துவிடலாம் என திட்டமிட்டார்கள்.

பல நாடுகள் இருக்கும் போது இலங்கையால் என்ன பெரிதாக ஐநாவில் உதவிட முடியும் என நினைக்கலாம்,ஆனால் அந்த காலக்கட்டத்தில் ஐநாவின் பாதுகாப்பு அவையின் தற்காலிக உறுப்புநாடுகளின் தலைமை பொறுப்பினை இலங்கையே வகித்து வந்தது.

ஐநா பாதுகாப்பு அவையில் ஐந்து நாடுகள் நிரந்தர உறுப்பினர்கள்,அது அல்லாமல் 15 உறுப்பினர்களை தற்காலிகமாக தேர்ந்தெடுப்பார்கள், பின்னர் அவர்களில் ஒரு நாட்டினை அகரவரிசைப்ப்படி ஒவ்வொரு மாதமும் பாதுகாப்பு அவையின் தலைவராக சுழற்சி முறையில் தேர்வு செய்வார்கள், எனவே அக்காலத்தில் இலங்கைக்கு பாதுகாப்பு அவையின் தலைவராக வரும் சூழல் உருவானது.

எனவே இலங்கையை வளைப்பதன் மூலம் ஐநா பாதுகாப்பு அவையில் கொண்டு வரும் தீர்மானத்தினை தகர்க்கலாம் என திட்டம் போட்டு ,கச்சத்தீவினை தாரை வார்க்கும் திட்டத்தினை முன்னெடுத்தார் இந்திராகாந்தி.

இது போன்ற "சூப்பர் திட்டங்களை" எல்லாம் அரசியல்வாதியே போட்டிருப்பார் என்றெல்லாம் சொல்ல முடியாது,எல்லாம் அயலக உறவுத்துறை அதிகாரிகளின் கைங்கரியமாகத்தான் இருக்க வேண்டும்.

இத்தனைக்கும், 1971 ஆம் ஆண்டு பங்களாதேச உருவாக்க போரின் போது ,பாகிஸ்தான் விமான படை விமானங்கள் இந்திய வான் வெளியில் பறக்க தடை என்பதால் ,அரபிக்கடலில் சுற்றிக்கொண்டு ,கிழக்கு பாகிஸ்தான் எனப்பட்ட பங்க்ளாதேசத்திற்கு செல்ல வேண்டிய நிலை.

அப்பொழது, விமான படை விமானங்களுக்கு எரிப்பொருள் கொடுத்து பாகிஸ்தானுடன் நட்புப்பாராட்டிய நாடு தான் இலங்கை. 

ஆனாலும் அதை எல்லாம் மறந்துவிட்டு நட்புப்பாராட்டி கச்சத்தீவினை கொடுக்க நம்ம ஆட்களே வரிந்துக்கட்டி வேலை செய்தார்கள் என்பதை எந்த வகையில் சேர்க்க?

இதில் கவனிக்கப்பட வேண்டிய விஷயம் என்னவெனில் இந்தியாவின் எந்த ஒரு பகுதியையும் அன்னிய நாட்டிற்கு விட்டுக்கொடுக்க நம் அரசியல் அமைப்பு சட்டத்தில் இடமேயில்ல.

 சட்டமேதை அம்பேத்கார் தொலைநோக்கு பார்வையோடு அப்படி ஒரு கிடுக்கிப்பிடி போட்டு வைத்திருந்தார் எனலாம். அதனைப்பின்னர் விரிவாக காணலாம்.

இந்திய நாட்டின்  ஒரு பகுதி என சொன்னால் தானே கொடுக்க முடியாது என கட்சத்தீவு இந்தியாவின் பகுதியேயில்லை. இரு நாட்டுக்கும் இடையே பொதுவாக உள்ள ஒரு பகுதி ,யாருக்கு சொந்தம் என தெரியாத "டிஸ்பியுட்டட்" லேண்ட் என இந்தியாவே வலிய தெரிவித்தது. 

இது தமிழகத்திற்கு இழைக்கப்பட்ட மிகப்பெரிய துரோகம் ஆகும்.ஏன் எனில் கட்சத்தீவு தமிழகத்தின் ஒரு பகுதியாகும் அதற்கான ஆதரங்களும் உள்ளன.

இவ்வாறு கடல்ப்பகுதியில் உள்ள பகுதியில் ஒரு இடத்தினையும் உடனே கொடுக்க முடியாது,புதிதாக கடல் எல்லையை வரையறுக்க வேண்டும்.

எனவே 1974 இந்தியா-இலங்கை கடல் எல்லை மறுசீரமைப்பு ஒப்பந்தம் என போடப்பட்டது. 

பின்னர் கச்சத்தீவினை இலங்கைக்கு விட்டுக்கொடுப்பதாகவும், இந்திய மீனவர்களுக்கு என சில  உரிமைகள் அளிக்க ஒப்பந்தம் இடப்பட்டுள்ளதாகவும் சொல்லி கட்சத்தீவினை தாரை வார்த்துவிட்டார்கள்.

இதில் நடந்த உரிமை மீறல்களை காண்போம்,

இரு நாட்டுக்கடல் எல்லைகள் ஒன்றின் மீது ஒன்றாக பரவும் நிலையில் புதிய கடல் எல்லை வகுக்க வேண்டும் எனில் ,இருநாட்டுக்கும் சம தூரம் வருமாறு கடல் எல்லை வகுக்க வேண்டும்.

அப்படி செய்தால் கட்சத்தீவு தானாகவே இந்திய கடல் எல்லைக்குள் வந்துவிடும் என்கிறார்கள். ஆனால் அப்படி செய்யாமல் இலங்கைக்கு அதிகப்படியான கடல் எல்லை வருமாறு எல்லைப்பிரித்து விட்டார்கள்.

மேலும் இந்தியாவின் ஒரு அங்கமான நிலப்பரப்பை வேண்டுமென்றே இல்லை என்று சொல்லிவிட்டார்கள். அதனை விரிவாக காண்போம்.

கச்சத்தீவு தமிழகத்தின் ஒரு பகுதி:

வெள்ளையர்களின் காலனியாக இந்தியா இருந்த போதும் இந்தியாவில் பல தன்னாட்சி பெற்ற சமஸ்தானங்களும்,ஜமீந்தார்களும் இருந்தார்கள்,அவர்களின் ஆளுகைக்குட்பட்ட நிலப்பரப்பின் உரிமையாளர்கள் அவர்களே, பிரிட்டீஷ் அரசு கூட அல்ல.

தமிழகத்தின் ராமநாதபுரம் சமஸ்தானத்துக்குட்பட்ட ஒரு நிலப்பரப்பே கச்சத்தீவு ஆகும், கி.பி 1882 ஆம் ஆண்டு முதல் வங்காள விரிகுடாவில் இலங்கைக்கும் இந்தியாவுக்கும் இடைப்பட்ட கடற்பரப்பில் கச்சத்தீவு உட்பட எட்டுத்தீவுகளுக்கு உரிமையாளர்கள் ராமநாதபுர சமஸ்தானமே. 

இதற்கான ஆவணங்களும், மேலும் பலருடன் இடப்பட்ட குத்தகை ஒப்பந்தங்களும் உள்ளன. வெள்ளையருக்கே கூட தீவுகளை குத்தகைக்கு விட்டிருக்கிறார் என ஆவணங்கள் உள்ளது என்றால் பார்த்துக்கொள்ளுங்கள்.

மேலும் கச்சத்தீவில் உள்ள புனித அந்தோணியார் ஆலயத்தினை கட்டியதும் ஒரு தமிழரே, 1905ம் ஆண்டு ராமநாதபுரம் மாவட்டம் தொண்டியை சேர்ந்த சீனி கருப்பன் படையாச்சி என்ற மீனவர் புனித அந்தோனியார் கோயிலைக் கட்டினார். 

ஒவ்வொரு ஆண்டும் மார்ச் 4ம் நாள் திருவிழா நடக்கும். இதில் தமிழர்கள் யாருடைய அனுமதியும் பெறாமல் செல்லாம். இலங்கை பக்தர்கள் இலங்கை அரசின் அனுமதி பெற்று தான் வரவேண்டும்.

கச்சத்தீவுரிமையை நிலைநாட்டும் பல ஒப்பந்தங்கள்,ஆவண விவரங்கள்:

1. During A.D. 1605, the clan of Ramanathapuram Sethupathy King was established by the Madurai Nayaks, incorporating 69 coastal villages and 7 Islands, of which Katchatheevu Island is one of the Island.

2. A copper plate plaque issued by King Koothan Sethupathy who ruled Ramanathapuram during the years 1622- 1635, depicts that the Sea upto Talaimannar belonged to Sethupathy Kings.

3. Coronation flowers which adorn the Goddess, Malai Valar Kathali Ammai of Rameswaram are grown in Katchatheevu Island. Similarly, cattle’s that are donated to the Temple are cared for in Katchatheevu Island and the Milk and other items needed for pooja are brought only from Katchatheevu island.

4. In the Kingdom of Ramanathapuram, there existed a separate account section to maintain and audit the accounts of Kathatheevu Island.

5. In the plaque issued to Jamindarine Mangaleswari Natchiyar, who took over after the period of Ramanathapuram King Muthuramalinga Sethupathy (who was imprisoned for a long period for having opposed the British), it is clearly mentioned that Katchatheevu Island belonged to Ramanathapuram Zamin.

6. There is a clear document evidencing leasing out Katchatheevu Island to East India Company by Ramanathapuram Sethupathy in the year 1822.

7. In Queen Victoria’s 1858 Proclamation whereby the powers got transferred to British Rule from East India Company, reference is made that Katchatheevu Island belong to Ramanathapuram Zamin.

8. P.P.Peris, who during the years of British Rule in 1936- 40, served as an Assistant Draftsman and later became a Ministerial Secretary after Sri Lanka attained independence, on 08.05.1966, made the following statement, confirming that Katchatheevu Island belonged to Ramanathapuram Kings. He says, “During the years 1936-40, when I served as Assistant Draftsman in the Land Survey Department, I was directed to survey the district boundaries of Ceylon. Therefore, I perused all records, documents, historical evidences and the Queen Victoria’s proclamation, by which 1 found that Katchatheevu Island belonged to King Sethupathy, Therefore I drew the Northern District of Ceylon delineating Katchatheevu Island.” This statement issued by the Ministerial Secretary on 08.05.1966, was widely reported in the then Daily Mirror published from Sri Lanka and thereafter reported in Indian Express in India.

9. There is a Registered Document (Registration No. 510/1880, Book 1, Volume 16) evidencing the fact that on 23.06.1880, eight coastal villages and four Island, including the Katchatheevu Island, belong to the Ramanathapuram Sethupathy’s were given in lease by the District Collector, Madurai jointly to one Abdul Kadar Marakayar and Muthusamy Pillai.

10. By a document dt.04.02.1885 (Registration No. 134/1885), Muthusamy Pillai, has taken the Katchatheevu Island on an annual lease of Rs.15 per annum from the Estate Manager of Ramanathapuram Sethupathy for the purpose of procuring dye roots.

11. Under a pact entered into between the Dutch and Ramanathapuram Seethupathy during the year 1767, a clause was incorporated to permit ail those residing Ramanathapuram Zamin can always visit Katchtheevu Island.

12. Baskara Sethypathy of Ramanathapuram, has assigned a portion of Katchatheevu island to Poet Sundaram.

13. When Zamindari Abolition Act came into force, Katchatheevu Island is mentioned as 285 Acres of Government Poromboke land in Ramanathapuram Village.

14. In the Ramanathpuram Gazetteer, issued by S.A.Viswanathan, Assistant Revenue Officer, Madras (then Tamiinadu was called Madras) on 11.11.1958, in Register No.68, Katchatheevu Island is shown as comprised in Ramanathapuram Village.

15. On 01.07.1913, when few Islands were taken on a 15 year lease by the Government of Madras Presidency from Ramanathapuram Sethupathy, Katchatheevu Island is mentioned by the Secretary to Government, as a territory belonging to Ramanathapuram Zamin and situate on the North East of Ramanathapuram.

16. In the year 1947, one K.M.Mohammed Merasa Marakayar, took the Katchatheevu Island on lease from Ramanathapuram Sethupathy. In the documents which was then executed, Katchatheevu Island was shown as a territory situated between Talaimannar and Danuskodi and belonging to Ramanathapuram Suzerainty.

17. In the Land Document Register issued by the Government, firstly issued in the year 1957 and again reprinted and issued as an updated publication, in the year 1966, at page 107, Katchatheevu Island is mentioned as a uninhabited territory belonging to Danuskodi.

18. Between the years 1913 and 1928, many Islands including the Katchatheevu Island were taken on lease from Ramanathapuram Sethupathy Kings and were again sublet to fishermen.

19. On several occasion the Sethupathy Kings, have themselves directly leased out many islands including the Katchatheevu Island to fishermen. There are records to show that fishermen from Tondi and Nambuthazhai have taken such leases.

20. In all the Indian Land Survey Records issued between the years 1874 and 1956, Katchatheevu Island is depicted as an Indian Territory alone. The Indian Land Survey Department has mentioned Katchatheevu Island as, measuring 285 Acres and 20 cents comprised in Survey No.1250,

இந்தியா சுதந்திரமடைந்த போது சமஸ்தானங்கள் அனைத்தும் இந்திய யூனியனில் இணைக்கப்பட்டு ஒரு தேசமாக உருவாக்கப்பட்டது, அவ்வேளையில் ராமநாதபுரம் சமஸ்தானமும் இணைக்கப்பட்டது, 

அவர்கள் சமஸ்தானம் குறித்த நில ஆவணங்கள் அனைத்தும் மத்திய அரசிடம் ஒப்படைக்கப்பட்டது,எனவே அனைத்து ஆவணங்களும் மத்திய அரசிடம் சிக்கிக்கொண்டதால் யாரும் கேள்விக்கேட்க முடியாது என 1974 இல் துணிகரமாக கச்சத்தீவின் உரிமையாளர் யார் என தெரியாத "டிஸ்பியுட்டட் லேண்ட்" என அறிவித்து இலங்கைக்கு கைமாற்றிவிட்டார்கள்.

இவ்வாறு செய்தால் மட்டுமே இந்தியாவின் நிலப்பரப்பை அன்னிய நாட்டுக்கு விட்டுக்கொடுக்க முடியும்,அவ்வாறு இந்திய அரசியலமைப்பு சட்டத்தினை சட்டமேதை அம்பேத்கர் வடிவமைத்துவிட்டார் என முன்னர் குறிப்பிட்டதை இப்பொழுது விரிவாக காண்போம்.

இந்தியா என்பது முழு தன்னாட்சி பெற்ற ஒரு நாடு ,அதன் செயல்ப்படுத்தும் தலைமை பொறுப்பில் உள்ளவர்களுக்கு அன்னிய நாடுகளுடன் ஒப்பந்தங்கள் நிறைவேற்ற , நிர்வகிக்க என அனைத்து அதிகாரங்களும் உண்டு. 

ஒரு புதிய நிலப்பரப்பினை இந்தியாவுடன் இணைக்க யாருடைய அனுமதியும் பெறத்தேவையில்லை,ஆனால் ஏற்கனவே இந்தியாவுடன் இணைந்த நிலப்பரப்பினை அன்னிய நாடுகளுக்கோ, சக்திகளுக்கோ தன்னிச்சையாக விட்டுக்கொடுக்க முடியாது என அரசியலமைப்பு சட்டத்தினை வரையறுத்துவிட்டார்.

ஆனால் சுதந்திரமடைந்த காலத்தில் சரியாக எல்லைப்பிரிக்காமல் இருந்தது எனவே எல்லைப்பிரச்சினையை தீர்க்க , பேச்சுவார்த்தை மற்றும் ஒப்பந்தம் நிலப்பரிமாற்றம் செய்யலாம் எனவும் வழியும் உருவாக்கி இருந்தார், அதை வைத்தே கட்சத்தீவை தாரைவார்த்தார்கள்.

மேலும் அரசியல் நிர்ணய சட்டத்தினை வடிவமைக்கும் போது பல பரிசீலனைகளை அரசியல் தலைவர்கள் முன் வைத்திருக்க கூடும்.

எனவே ஆளுவோருக்கு இப்படி நிலத்தை விட்டுக்கொடுக்க அதிகாரம் இல்லைனு சொல்வதை ஏற்கவில்லை போல எனவே , அதுக்கும் ஒரு ஓட்டையும் போட்டுக்கொடுத்திருக்கார், ஆனால் கொஞ்சம் சிக்கலாக ,எளிதில் நிலப்பரப்பை விட்டுக்கொடுக்க முடியாத படி தான் செய்திருக்கார் எனலாம்.

இந்தியாவுக்கு சொந்தமான நிலபரப்பினை விட்டுக்கொடுக்க வேண்டும் எனில் அரசியலமைப்பு சட்டத்தில் ஒரு சட்ட திருத்தம் கொண்டு வந்து, அதனை மாநிலங்கள் அவை,மக்களவை இரண்டிலும் சமர்ப்பித்து வெற்றிப்பெற வேண்டும்.

அதன் பின்னர் அச்சட்டத்தினை எந்த மாநிலத்தின் நிலப்பரப்பினை விட்டுக்கொடுக்க இருக்கிறார்களோ அம்மாநில சட்டமன்றத்திலும் சமர்ப்பித்து ஒப்புதல் பெற வேண்டும்,அதன் பின்னரே நிலப்பரிமாற்றம் செய்யலாம்.

நாடாளுமன்ற இரு அவையிலும் ஒப்புதல் பெறுவதோடு,மாநில சட்டமன்றத்திலும் ஒப்புதல் பெறுவது(rattification at state council) என்பது கடினமான காரியம் எனவே எளிதில் நிலப்பரப்பினை விட்டுக்கொடுக்க முடியாது என நினைத்திருக்கலாம்.

அம்பேத்காருக்கு அப்போவே தெரிஞ்சிருக்கும் போல நம்ம அரசியல்வாதிகள் வருங்காலத்தில் காசுக்கு நாட்டையே வித்தாலும் வித்துடுவாங்கன்னு எனவே முன்னெச்சரிக்கையாக சிக்கலான சட்டத்தை போட்டு வைத்துவிட்டார்.

கச்சத்தீவினை விட்டுக்கொடுக்கும் நிகழ்வில் டிஸ்பியூட்டட் லேண்ட் என அறிவித்து விட்டுக்கொடுக்க மேற்சொன்ன சட்ட சிக்கலே காரணம் ஆகும்.

கச்சத்தீவு குறித்தான ஆவணங்களை வைத்து நமக்கு சொந்தமான நிலம் என உச்சநீதிமன்றத்தில் வழக்கு தொடுத்தால், முன்னர் அரசு ஒப்பந்தம் மூலம் விட்டுக்கொடுத்த கச்சத்தீவு உடன்படிக்கை செல்லாது என அறிவிக்க இயலும்.

இது முடியுமா என சந்தேகம் வரலாம், ஆனால் இதற்கும் ஒரு முன்னுதாரண சம்பவம் இந்தியாவில் உண்டு.

பெருபாரி வழக்கு:

கி.பி 1947 ,ஆகஸ்ட்-15 இல் இந்தியா சுதந்திரமடைந்ததாக அறிவிக்கப்பட்டப்போது, இந்தியா-பாகிஸ்தான் எல்லையே முழுமையாக வரையறுக்கப்படவில்லை, எனவே நன்கு தெளிவான எல்லைகள் கொண்ட பகுதிகளை மட்டும் சரியாக குறிப்பிட்டு பிரித்துக்கொண்டு , மற்றவற்றை பின்னர் பார்த்துக்கொள்ளலாம் என சுதந்திரம் அறிவிக்கப்பட்டது.

மேலும் பாகிஸ்தான் மேற்கு,கிழக்கு என இரண்டுப்பிரிவாக உருவாகி இருந்தது. இதில் கிழக்கு பாகிஸ்தானுக்கும், மேற்கு வங்கத்துக்கும் சரியாக எல்லை பிரிக்காத சூழல்.

அப்பொழுது மேற்கு வங்கத்தின் ஜல்பைகுரி மாவட்டத்தின் ஒரு பகுதியாக பெருபாரி வட்டம் இருந்தது,இதில் ஒரு பகுதி ,கிழக்கு பாகிஸ்தான் என அறியப்பட்ட பகுதிக்குள் நீட்டிக்கொண்டு இருந்தது,அதே போல சில தனி தீவுகளாக கிழக்கு பாகிஸ்தானின் பகுதிகள் மேற்குவங்கத்தில் இருந்தன. 

அதாவது மதத்தின் அடிப்படையில் எந்த நாட்டில் சேர்வது என மக்களை முடிவெடுக்க சொல்லி பிரித்ததால் மேற்கு வங்க எல்லைக்குள் அமைந்த சில வட்டங்கள் மட்டும் கிழக்கு பாகிஸ்தானுடன் இணைந்துக்கொண்டன.

ஆனால் அவர்களுக்கு நிலவியல் ரீதியாக கிழக்கு பாகிஸ்தானுடன் தொடர்பேயில்லை, இவ்வாறு தனித்தீவா ஒரு நாட்டுக்குள் இன்னொரு நாட்டின் பகுதி இருப்பதை என்கிளேவ் என்பார்கள்.

இந்த என்கிளேவில் வசிக்கும் கிழக்கு பாகிஸ்தானியர் அவர்கள் நாட்டுக்கு செல்ல பெருபாரி வட்டம் வழியாகத்தான் செல்ல வேண்டும்,ஆனால் அது இந்திய நிலப்பரப்பு என்பதால் ,ஒவ்வொரு முறை செல்லவும்,விசா நடைமுறையினைப்பின்ப்பற்ற வேண்டும்.

எனவே பாகிஸ்தான் அரசு பெருபாரி வட்டத்தில் பாதி எங்களுக்கு சொந்தம், எல்லைக்கோட்டினை வரையருக்கும் முன்னரே பெருபாரி வட்டம் இந்தியாவுடன் சேர்த்துக்கொள்ளப்பட்டதால் தான் இப்பிரச்சினை,எனவே பெருபாரியை கொடுங்கள் எனக்கேட்க ஆரம்பித்தார்கள்.

சமாதான  புறா விரும்பியான நேருவுக்கு அண்டை நாட்டுடன் சர்ச்சை வேண்டாம் என ரொம்ப நல்ல மனசு,இத்தனைக்கும் பாகிஸ்தான் காஷ்மீர் சண்டை எல்லாம் போட்டிருந்தது,ஆனாலும் பாகிஸ்தான் நம்ம சகோதர நாடு என பெருபாரியை எடுத்துக்கோங்க என சொல்லி ஒப்பந்தம் போட்டுக்கொடுத்துட்டார்.

இது நடந்தது 1951 இல்,அப்பொழுது மேற்குவங்கத்தினை ஆண்டதும் காங்கிரஸ் கட்சியே,அதன் முதல்வராக டாக்டர்.பிசி.ராய் என்ற மூத்த காங்கிரஸ் தலைவர் இருந்தார். 

அவர் மற்ற காங்கிரஸ் தலைவர்கள் போல தலையாட்டி பொம்மையல்ல, அது எப்படி மேற்கு வங்க மாநிலத்துக்கு சொந்தமான நிலத்தினை பாகிஸ்தானுக்கு விட்டுக்கொடுக்கலாம், இதைப்பற்றி எங்கக்கிட்டே ஒரு வார்த்தை கூட கேட்கலையேனு கடுப்பாகிட்டார், 

ஒப்பந்தம் எல்லாம் செல்லாது, ரத்து செய்யுங்கள்னு நேருவிடம் சொல்லிப்பார்த்தார், நான் தேசிய தலைவர், நீர் மாநில முதல்வர் எனக்கே அறிவுரையா சொல்லுறீர்னு நேரு கண்டுக்கவேயில்லை போல.

பி.சி.ராயும் விடுவதாக இல்லை உச்ச நீதிமன்றத்தில் ஒரு வழக்கை மத்திய அரசுக்கு எதிராகவே போட்டுவிட்டார், அதற்கு அடிப்படை நாம் முன்னர் பார்த்த அரசியல் நிர்ணய சட்டமே, பெருபாரியை வெறும் ஒப்பந்தத்தின் மூலம் விட்டுக்கொடுத்தது செல்லாது,அப்படி செய்வது அரசியல் நிர்ணய சட்டத்திற்கு விரோதம் என்பதே வாதம்.

ஒரே கட்சியாக இருந்தாலும் ,மாநில நலனை கருதி அவ்வாறு செய்தார். வழக்கை வாபஸ் பெற வைக்க நேரு தரப்பும் பல முயற்சிகள்  செய்து பார்த்தது, ஆனால் பி.சி.ராய் மசியவேயில்லை, 

அவரை முதல்வர் பதவியில் இருந்து தூக்கலாம்னாலும் அதுவும் முடியலை,எல்லா எம்.எல்.ஏக்களும் பி.சி.ராய் பக்கமே,போதாக்குறைக்கு மக்களும் பலத்த ஆதரவு,மத்திய அரசுக்கு ஆப்பசைத்த குரங்கு நிலைமை, சொந்த கட்சியையே சமாளிக்க முடியலை,பாகிஸ்தானிடமும் திரும்பி கேட்க முடியலை.

1951 இல் போட்ட வழக்கு ,அப்படி இப்படினு இழுத்து 1960 இல் உட்ச நீதிமன்றம் வரலாற்று சிறப்புமிக்க தீர்ப்பை வழங்கியது. இந்திய அரசின் தலைமைப்பொறுப்பில் உள்ளவருக்கு அதிகாரம் இருக்கு,ஆனால் வெறும் ஒப்பந்தம் மூலமாக எல்லாம் விட்டுக்கொடுக்க முடியாது, ஏற்கனவே அரசியல் நிர்ணய சட்டத்தில் பரிந்துரைக்கப்பட்ட சட்ட திருத்த வழியை தான் பின்ப்பற்றனும் என்பதே தீர்ப்பாகும்.

உச்சநீதிமன்ற தீர்ப்பு:

//the Agreement cannot be implemented by a  law
relatable  to Art. 3 and legislation relatable to  Art.  368
would be inevitable.
It follows, therefore, that the Parliament acting under Art.
368  can  make a  law to  give  effect  and  implement  the
Agreement  in  question  covering  both  Berubari  and  the
Enclaves or pass a law amending Art. 3 so as to cover  cases
of  cession of the territory of India and thereafter make  a
law under the amended Art. 3 to implement the Agreement.//


முழு தீர்ப்பையும் காண்க:

http://www.indiacourts.in/IN-RE--THE-BERUBARI-UNION-ANDEXCHANGE-OF-ENCLAVES-Vs.-REFERENCE-UNDER-ARTICLE-143(1)-OFTHE-CONSTITUT_81ff5700-42dc-491f-89ab-d6b539e75ba1

நேரு அப்பொழுதும் பிரதமராகத்தான் இருந்தார், ஆனால் சட்டத்திருத்தம் கொண்டு வந்தால் அதனை பி.சி.ராய் எதிர்க்கட்சிகளுடன் கூட்டணி வைத்து தோற்கடிக்க கூடும் என கருதினார்,ஏன் எனில் அப்பொழுது மற்றக்கட்சிகளும் பி.சி.ராய்க்கு தான் ஆதரவு, 

அப்பொழுது பி.ஜேபியின் முன்னோடியான ஜனசங்கம், மற்றும் சட்ட மேதைகள்,மற்ற சிறிய கட்சிகள் எல்லாம் வழக்கில் தங்களையும் ஒரு வாதியாக சேர்க்க சொல்லி ,மத்திய அரசுக்கு எதிராக வாதாடி வந்தன. 

இதனால் நேருவுக்கு நாடாளுமன்றத்தில் சட்ட திருத்தம் செய்து பெருபாரி பகுதியை பாகிஸ்தானுக்கு விட்டுக்கொடுக்க தயக்கம்,எனவே உச்சநீதிமன்ற தீர்ப்பை காரணம் சொல்லி பாகிஸ்தானுடன் செய்த ஒப்பந்தத்தினை ரத்து செய்து விட்டார்.

அன்னிய நாட்டுக்கு விட்டுக்கொடுக்கப்பட்ட நிலப்பரப்பினை சட்ட போராட்டத்தின் மூலம் ஒரு மாநில முதல்வர் நினைத்தால் மீட்க முடியும் என்பதற்கு நல்ல முன்னுதாரணமாக இச்சம்பவம் அமைந்துவிட்டது.

இப்படி லட்டு மாதிரி நல்ல முன்னுதாரண சம்பவம் இருந்தும் 1974 இல் கட்சத்தீவை விட்டுக்கொடுத்தப்போது தமிழகத்தினை ஆண்ட தி.முக அரசு என்ன செய்தது, மஞ்சத்துண்டு என்ன செய்தார் எனப்பார்ப்போம்.

கொஞ்சம் விரிவாகவே அக்கால திமுக-காங்கிரஸ் உறவைப்பார்ப்போம்,

அண்ணா அவர்கள் தலைமையில் திமுக இந்தி எதிர்ப்பு என்ற பிரச்சாரத்தை முன் வைத்தே அரசியல் செய்து வந்தது, தமிழைக்காக்க ,தமிழர் உரிமையை நிலைநாட்ட காங்கிரசை விரட்ட வேண்டும் என்று சொல்லி தான் அரசியல் செய்து வந்தார்.

1967 இல் நடந்த பொது தேர்தலிலும் இதுவே கொள்கையாக இருந்தது, காங்கிரசை கடுமையாக எதிர்த்தார்கள், தேர்தலில் வென்று ஆட்சி அமைப்போம் என அண்ணாவுக்கே நம்பிக்கை இல்லை போலும் சட்டமன்றத்திற்கு போட்டியிடாமல் ,நாடாளுமன்றத்துக்கு தென் சென்னை தொகுதியில் போட்டியிட்டார்.

இந்தி எதிர்ப்பு,மாணவர் போராட்டம் ஆகியவற்றோடு, அக்காலக்கட்டத்தில் எம்.ஆர்.ராதா ,எம்ஜிஆரை சுட்ட சம்பவமும் சேர்ந்துக்கொள்ள ,கழுத்தில் கட்டுப்போட்ட எம்ஜிஆர் போஸ்டரை ஒட்டி அனுதாப அலையை வீச செய்தார்கள், எல்லாம் சேர்ந்து காங்கிரசை வீழ்த்த உதவியது.

மாநில சட்ட சபைக்கும்,நாடாளுமன்றத்திற்கும் நடைப்பெற்ற தேர்தலில் தி.முக அமோக வெற்றி,

சட்ட சபை- 137 இடங்கள்,தனிப்பெரும்பான்மை.

நாடாளுமன்றம்- 25 இடங்கள்.

 இந்திரா காந்தி தலைமையிலான காங்கிரஸ் ,இந்தியா முழுக்க வெறும் 283 இடங்களே வென்றது, ஆட்சி அமைக்க 273 இடங்கள் போதும் என்றாலும், 283 எம்பிக்களை வைத்துக்கொண்டு நாடாளுமன்றத்தில் எந்த சட்டமும் இயற்ற முடியாது, கிட்டத்தட்ட "மைனாரிட்டி அரசு" நிலை தான்.

இந்நிலையில் தி.மு.க என்ன செய்தது என்றால், யாரை எதிர்த்து அரசியல் செய்தார்களோ அவர்களுடனே தேர்தல் முடிந்தவுடன் கூட்டணி வைத்துவிட்டார்கள்.

காங்கிரசுக்கு தனது 25 எம்பிக்களும்  நிபந்தனை அற்ற ஆதரவு வெளியில் இருந்தே அளிப்பதாக அண்ணா அறிவித்துக்கூட்டணி ஒன்றை உருவாக்கிவிட்டார். 

பின்னர் 1969 இல் அண்ணா மறைவுக்கு பின்னர் முதல்வரான கலைஞரும் கூட்டணி உறவை அப்படியே தக்க வைத்துக்கொண்டார்.

இப்படிப்பட்ட அரசியல் கொள்கையாளர்களுக்காக எளிமையும்,நேர்மையின் வடிவமான  தமிழக காங்கிரஸ் தலைவரான காமராஜரையே தமிழக மக்கள் தோற்கடித்தார்கள் என்றால் அக்காலத்தில்  காங்கிரஸ் மீது எத்தகைய வெறுப்புணர்வு திமுகவால் தூண்டி வளர்க்கப்பட்டு வந்தது என உணரலாம்.அதெல்லாம் தேர்தல் முடியும் வரையில் தான் ஆட்சிக்கு வந்ததும்,நட்புறவு :-))

அதன் பின்னர் 1971 இல் மீண்டும் பொது தேர்தல் வந்த போது , கலைஞர் தலைமையிலான திமுகவும்,இந்திராக்காந்தி தலைமையிலான இந்திரா காங்கிரசும் கூட்டணி வைத்து தேர்தலை சந்தித்தன. 

இதற்கிடையில் காங்கிரஸ் இரண்டாக உடைந்து ,காங்கிரஸ்-ஓ, காங்கிரஸ் ஐ என பிரிந்த கதை எல்லாம் நடந்துவிட்டது.எனவே இந்திரா தலைமையிலான காங்கிரஸ் வலிமையிழந்தே இருந்தது ஆனாலும் தி.மு.க விசுவாசமாக முட்டுக்கொடுத்து வந்தது.

1971 பொதுத்தேர்தலிலும் இந்திரா காங்கிரஸ்- திமுக கூட்டணி அமோக வெற்றிப்பெற்றது. மத்தியில் காங்கிரஸ் ஆட்சி,மாநிலத்தில் தி.முக ஆட்சி, தி.முகவுக்கு 28 எம்பிக்கள் வேறு கிடைத்திருந்தார்கள், 

அமோக செல்வாக்குடன் ஆட்சிக்கு இரண்டாவது முறையாக கலைஞர் வந்தார். வழக்கம் போல மத்தியில் இந்திராவுக்கு நிபந்தனையற்ற ஆதரவும் கொடுத்திருந்தார்.

இப்படியான அதி அற்புத கூட்டணி உறவு இருக்கும் சூழலில் தான் 1974 இல் தமிழகத்திற்கு சொந்தமான கட்சத்தீவை முன்னரே பார்த்த அரசியல் காரணத்திற்காக இலங்கைக்கு இந்திரா காந்தி தாரை வார்த்தார், கூட்டணியில் பசைப்போட்டு ஒட்டியிருந்த கலைஞர் என்ன செய்திருக்கணும்?

சும்மா பேச்சுக்கு நாடாளுமன்றத்தில் நாஞ்சில்.மனோகரனை விட்டு கண்டனம் தெரிவித்தார்,  அப்போது நாடாளுமன்றத்தில் காங்கிரஸ் கட்சியின் தமிழக உறுப்பினரான  ராமநாத புரம் எம்பி மற்றும் ஃபார்வர்ட் பிளாக் கட்சி எம்பி.பாரதிய ஜனதாக்கட்சியின் அடல்பிகாரி வாஜ்பாயி எல்லாம் கடும் கண்டனம் தெரிவித்தார்கள்.

அடுத்த நாளே, இந்திராகாந்தி,வெளியுறவு துறை அமைச்சர் ஸ்வரன் சிங்குடன் ஆலோசித்து, வெளியுறவு செயலாளர் கேவல் சிங்க் என்பவரை  தமிழகத்துக்கு அனுப்பினார், அவர் என்ன பேசினாரோ கலைஞரின் சுருதி அமுங்கிப்போச்சு :-))

காரணமில்லாமல் ஒன்றும் கலைஞர் அடக்கி வாசிக்கவில்லை, எப்பொழுதுமே ஒரு கொண்டான் கொடுத்தான் கொள்கையை வைத்திருப்பார் மஞ்சத்துண்டு,தான் ஒன்றை விட்டுக்கொடுத்தால் அதற்கு ஒன்றை பெற்று விடுவார்.

 அப்பொழுது கலைஞரின் மீது ஏகப்பட்ட ஊழல் குற்றச்சாட்டுகள் சுமத்தப்பட்டிருந்தன, முக்கியமானது வீராணம் திட்ட ஊழல் ஆகும்,வீராணம் திட்டத்தினை ஒப்பந்தம் எடுத்த சத்தியநாராயண ரெட்டி என்பவர் மர்மமான முறையில் தற்கொலை எல்லாம் செய்துக்கொண்டிருந்தார்.

எனவே இது  பெரிய அளவில் பிரச்சினைகளை கழகத்திற்கு உருவாக்கியிருந்தது. வீராணம் திட்டம் குறித்து விசாரனைக்கமிஷன் அமைக்க வேண்டும் என தி.முக.வை விட்டுப்பிரிந்து தனிக்கட்சிக்கண்ட எம்ஜிஆர் மத்திய அரசுக்கு கோரிக்கை வைத்திருந்த நேரம். 

எங்கே மத்திய அரசின் விருப்பத்திற்கு எதிராக பேசினால் ஊழல் குற்றச்சாட்டில் வழக்கோ,இல்லை ஆட்சிக்கலைப்போ வரலாம் என பயந்த கலைஞர் , எனவே வழக்கப்படி  தனது கொண்டான் கொடுத்தான் கொள்கைப்படி கச்ச தீவை விட்டுக்கொடுத்தது பற்றி அதிக அழுத்தம் கொடுக்காமல் சட்ட மன்றத்தில் ஒரு தீர்மானம் மட்டும் போட்டுவிட்டு அமைதியாகிவிட்டு,ஊழல் குற்றச்சாட்டினை மத்திய அரசு கிளராமல் பார்த்துக்கொண்டார்.

தீர்க்கமாக எதிர்க்க வேண்டும் என நினைத்திருந்தால் , பி.சிராய் வழியில் ,உச்ச நீதிமன்றத்தில் வழக்குப்போட்டே கச்சத்தீவை மீட்டிருக்கலாம். அல்லது 28 எம்பிக்கள் உள்ள ஒரு கட்சி நாடாளுமன்றத்தினையே கலக்கியிருக்கலாம், 

எதிர்க்கட்சியான பிஜேபியும் ஆதரவு தர தயாராக இருந்தது எனலாம், ஏன் எனில் அவர்களை பொறுத்தவரையில் கட்சத்தீவு "வாலித்தீவு" ஆகும். ராமனும்,வாலியும் சண்டையிட்டது கட்சத்தீவில் என ராமாயண அடிப்படையில் நம்புகிறார்கள்.

1976 கட்சத்தீவு ஒப்பந்தம்:

1974 இல் போடப்பட்ட ஒப்பந்தத்தில் தமிழக மீனவர்களுக்கு மீன் பிடி உரிமை,வலைகாய வைக்கும் உரிமை எல்லாம் இருந்தது,ஆனால் அவ்வுரிமை இலங்கைக்கு பிடிக்கவில்லை,எனவே ஒரு திருத்தம் செய்து ,எல்லா உரிமைகளையும் பறிக்க நினைத்து ,புதிய ஒப்பந்தம் போட்டது.

நமது இந்திய அரசும் கொடுத்தது தான் கொடுத்தாச்சு முழுசாவே கொடுப்போம்னு ரொம்ப தாரளமாக அள்ளிக்கொடுத்துவிட்டது,இம்முறை சின்ன எதிர்ப்பு கூட மாநில அரசிடம் இருந்து வரவில்லை,ஏன் எனில் அப்பொழுது நாட்டில் எமர்ஜென்சி அறிவிக்கப்பட்டிருந்தது.

எவ்வளவு தான் மடங்கிப்போனாலும் விடுவதாகயில்லை,எமர்ஜென்சிக்கு எதிர்ப்புக்காட்டினார்கள் எனக்கூறி தமிழகத்தில் ஆட்சிக்கலைப்பு செய்யப்பட்டு மிசாவின் கீழ் உடன்ப்பிறப்புகள் எல்லாம் தர்ம அடியும் வாங்கினார்கள்.

இம்புட்டு நடந்தும் 1981 பொது தேர்தலில் மீண்டும் காங்கிரஸுடன் கூட்டணி வைத்து நேருவின் மகளே வருக நிலையான ஆட்சி தருக எனக்கூவிய தன்மான சிங்கங்கள் தான் கழகத்தினர் :-))

அதுக்கப்புறம் இன்று வரையிலும் கூட காங்கிரஸுடன் கூட்டணி என வண்டியோட்டியும் கட்சத்தீவு கைவிட்டு போனது போனதாகவே தான் இருக்கிறது,அம்புட்டு தான் மஞ்சத்துண்டின் இராச தந்திரம்.

கட்சத்தீவு மீட்பு சாத்தியமா?

1992 இல் ஆட்சிக்கு வந்த அம்மையார் தலைமையிலான அ.தி.முக ஆட்சியின் போது கட்சத்தீவினை மீட்க சட்ட நடவடிக்கை எடுக்கப்படும் என சட்ட மன்றத்தில் அறிவித்தார்,ஆனால் ஏனோ உடனே நடவடிக்கை மேற்கொள்ளவில்லை, 2008 இல் தான்,மேற்கு வங்க பெருபாரி வழக்கின் அடிப்படையில் உட்ச நீதி மன்றத்தில் வழக்கு தொடுக்கப்பட்டுள்ளது. அவ்வழக்கு இன்னும் இழுத்துக்கொண்டுள்ளது, 

இம்முயற்சி சற்றே காலங்கடந்த ஒன்று என்ற போதிலும் சரியான வகையில் கட்சத்தீவு தமிழகத்திற்கு சொந்தமான நிலப்பரப்பு என ஆவணங்களை காட்டி வாதாடினால் தீர்ப்பு தமிழகத்திற்கு சாதகமாக வர பெருமளவு வாய்ப்புள்ளது.

சமீபத்தில் கூட வழக்கினை விரைவாக நடத்தி முடிக்க வேண்டும் என உட்சநீதிமன்றத்தில் ஒரு மனுவினை தமிழக அரசு சமர்ப்பித்துள்ளது. அரசியல் ரீதியாக சாதிக்க முடியாததை சட்டப்போராட்டத்தின் மூலம் சாதிக்க முடிகிறதா என்பதை காலம் தான் பதில் சொல்ல வேண்டும்,நல்ல தீர்ப்பு வர காத்திருப்போம்.